རྡོ་སོལ་དེ་རྡོ་སྣུམ་དང་རང་བྱུང་རླངས་པ་དང་འདྲ་བར་འབར་སྲེག་བྱེད་སྐབས་ཚ་ནུས་བསྲོ་ཐུབ་པའི་འབར་རྫས་ཤིག་རེད།འོན་ཀྱང་སྔོག་འདོན་བྱས་པའི་རྡོ་སོལ་ནི་སྲ་གཟུགས་ཡིན།རྡོ་སོལ་གང་འདྲ་བྱས་ནས་གྲུབ་པ་རེད་ཟེར་ན།དེ་ནི་འདི་ལྟ་སྟེ།ང་ཚོས་ད་ལྟ་སྔོག་འདོན་བྱེད་བཞིན་པའི་རྡོ་སོལ་ནི་ཧ་ལམ་ལོ་ངོ་དུང་ཕྱུར་3གོང་གི་རྩི་ཤིང་རེད།རྩེ་ཤིང་དེ་དག་རུལ་འགྱུར་བྱུང་རྗེས་བྱེ་འདམ་སོགས་དིམ་བསགས་དོངས་པོས་འགེབ་གནོན་བྱས་པ་རེད།རྩི་ཤིང་ས་འོག་ཏུ་ནེམ་ནེམ་ཞིག་ཏུ་གྱུར་པའི་མིང་ལ་འདམ་སོལ་ཟེར།འདམ་སོལ་དིམ་གྱིན་ཇེ་ཟབ་ཇེ་ཟབ་ཏུ་འགྲོ་བར་མ་ཟད་ས་འོག་གི་ཚ་ནུས་དང་ས་ཐོག་གི་ལྗིད་ཚད་ཀྱིས་དམ་ཐག་ཆོད་ཅིག་མནན་ནས་བསྡད་ཡོད་པ་རེད།ལོ་ངོ་དུང་ཕྱུར་3གྱི་མཐོ་གནོན་ཐེབས་པ་བརྒྱུད་འདམ་སོལ་དེ་དག་མཐའ་མར་སྲ་ཞིང་མཁྲེགས་པའི་རྡོ་སོལ་རྡོག་པོར་གྱུར་པ་རེད།