འདི་ནི་སྒོ་བྱང་འགེལ་བའི་མཛད་སྒོ་འཚོག་ཡུལ་ཡིན་པ།

ཉེ་ཆར། ལྷ་ས་མེ་གསོད་རོགས་སྐྱོབ་སྟབས་བསྟུན་ཉིང་ལག་རུ་ཁག་གི་སྒོ་བྱང་འགེལ་བའི་མཛད་སྒོ་གཟབ་རྒྱས་ངང་འཚོགས་ཤིང་། སི་ཁྲོན་མེ་གསོད་རོགས་སྐྱོབ་སྟབས་བསྟུན་སྤྱི་ཁྱབ་རུ་ཁག་དང་། བོད་རང་སྐྱོང་ལྗོངས་འཕྲལ་སྡོམ་དོ་དམ་ཐིང་། བོད་ལྗོངས་མེ་གསོད་རོགས་སྐྱོབ་སྤྱི་ཁྱབ་རུ་ཁག་བཅས་ཀྱི་འབྲེལ་ཡོད་འགན་འཁུར་བ་དང་། ལྷ་སའི་མེ་གསོད་རོགས་སྐྱོབ་སྟབས་བསྟུན་ཉིང་ལག་རུ་ཁག་གི་ཏང་ཨུད་ཚན་ཁག་གི་ཁོངས་མི། ལས་ཁུངས་ཀྱི་ལས་བྱེད་པ་དང་དེ་བཞིན་ལྷ་སར་བཅའ་སྡོད་ཚན་པའི་བཀོད་འཐབ་པ་ཡོངས་མཛད་སྒོར་ཞུགས་ནས་ལམ་ཚད་རྡོ་རིང་གི་དོན་སྙིང་ལྡན་པའི་གལ་ཆེའི་དུས་སྐབས་དེར་ཐུན་མོང་ཐོག་དཔང་པོ་བྱས་པ་རེད།

ཤེས་རྟོགས་བྱུང་བར་གཞིགས་ན། ཉིང་ལག་རུ་ཁག་དེ་ནི་དེ་སྔའི་བོད་རང་སྐྱོང་ལྗོངས་ནགས་ཚལ་མེ་གསོད་སྤྱི་ཁྱབ་རུ་ཁག་སྒྱུར་བཅོས་དང་ཟླ་སྒྲིལ་བཏང་ནས་བཙུགས་པ་ཞིག་ཡིན་པ་དང་ད་ཆ་སི་ཁྲོན་ཞིང་ཆེན་མེ་ཟོན་རོགས་སྐྱོབ་སྟབས་བསྟུན་སྤྱི་ཁྱབ་རུ་ཁག་གི་ཁོངས་སུ་གཏོགས་པ་དང་དེའི་གཤམ་འོག་ཏུ་ལྷ་ས་དང་། ལྷོ་ཁ། གཞིས་རྩེ། ནག་ཆུ། མངའ་རིས་བཅས་ས་ཁུལ་དང་གྲོང་ཁྱེར་5ཡི་རུ་ཆེན་6དང་ཐད་གཏོགས་རུ་འབྲིང་1ཡོད་པ་དེ་དག་ནི་བོད་ལྗོངས་བརྟན་སྲུང་དང་ས་མཐོར་ཁྱབ་འགྱེད་ཐུབ་པའི་ཆེད་ལས་ཅན་གྱི་མེ་གསོད་རོགས་སྐྱོབ་སྟབས་བསྟུན་གྱི་སྟོབས་ཤུགས་གལ་ཆེན་ཞིག་ཡིན།

ད་ཐེངས་ཀྱི་སྒོ་བྱང་བཀལ་བ་དེ་ཐོག་ནས་ལྷ་སའི་མེ་གསོད་རོགས་སྐྱོབ་ཀྱི་སྟབས་བསྟུན་སྟོབས་ཤུགས་འཛུགས་སྐྱོང་དེ་ཚད་ལྡན་ཅན་དང་། ཆེད་ལས་ཅན། དངོས་འཐབ་ཅན་བཅས་ཀྱི་འཕེལ་རྒྱས་ཀྱི་དུས་མཚམས་གསར་པར་སླེབས་པ་དང་། བོད་ཀྱི་འཕྲལ་སྡོམ་རོགས་སྐྱོབ་མ་ལག་སྔར་བས་འཐུས་སྒོ་ཚང་དུ་འགྲོ་བཞིན་ཡོད་པ་མཚོན་ཡོད།