ཉེ་ཆར། མངའ་རིས་ས་ཁུལ་སྤྱི་བདེ་ཁྲུའུ་འགྲིམ་འགྲུལ་དོ་དམ་ཉིང་ལག་རུ་ཁག་སྒྲིག་ལམ་རུ་ཆེན་གྱིས་གྲོང་ཁྱེར་དོ་དམ་ཕྱོགས་བསྡུས་ཁྲིམས་སྒྱུར་རུ་ཆེན་གྱི་ལས་དོན་པ་དང་། སྒར་རྫོང་གི་དྲ་མིག་པ་དང་མཉམ་དུ་འགྲིམ་འགྲུལ་སྒྲིག་ལམ་གྱི་ཕྱོགས་བསྡུས་ཁྲིམས་སྒྱུར་བྱ་སྤྱོད་སྤེལ་ཏེ། འཕྲུལ་སྒུལ་འཁོར་རིགས་དང་། གློག་སྒུལ་སྦག་སྦག་འཁོར་ལོ་ཉིས་ལྡན་དང་གསུམ་ལྡན། སྦག་སྦག་སོགས་གཏན་འབེབས་ལས་འགལ་ནས་འཇོག་པ་དང་། གང་བྱུང་དུ་འཇོག་པར་བཅོས་སྒྲིག་བྱ་རྒྱུ་ཚད་བརྒལ་ཡོང་བར་དམིགས་ཏེ། མང་ཚོགས་ཀྱི་བསམ་འཆར་མང་བའི་འགྲིམ་འགྲུལ་གྱི་འགག་མདོ་དང་ཟང་ཟིང་ཆེ་སར་དམིགས་ནས་བྱ་ཐབས་སྣ་ཚོགས་སྤྱད་དེ་གྲོང་ཁུལ་གྱི་འགྲིམ་འགྲུལ་སྒྲིག་ལམ་ཚད་ལྡན་དུ་བཏང་སྟེ། གཞུང་ལམ་ཤར་བགྲོད་ཡོང་བར་ནུས་ཤུགས་ཡོད་རྒུས་འགན་ལེན་བྱས་ཡོད།

ད་ཐེངས་ཀྱི་བཅོས་སྒྲིག་གིས་གྲོང་ཁུལ་གྱི་མ་ལམ་དང་ལམ་ཕལ་པ་དང་། ཚོང་ལས་ཁྲོམ་གཞུང་ཁུལ། སྨན་ཁང་གི་ཉེ་འཁོར་སོགས་གཙོ་གནད་ས་ཁོངས་དང་། ལམ་བཟུང་ནས་ཚོང་གཉེར་དང་། འཕྲུལ་སྒུལ་འཁོར་རིགས་ཁྲིམས་འགལ་ངང་འཇོག་པ་དང་། འཕྲུལ་སྒུལ་མིན་པའི་འཁོར་རིགས་གོ་རིམ་མེད་པར་འཇོག་པ། རང་འཚམ་ངང་འཇོག་ས་བཟོས་ཏེ་སྤྱི་པའི་རླངས་འཁོར་འཇོག་ས་བཟུང་བ་སོགས་ཀྱི་མངོན་གསལ་དོད་པའི་གནད་དོན་ལ་དམིགས་ནས་བཅོས་སྒྲིག་གནད་སྨིན་ཡོང་བར་ཤུགས་བརྒྱབ་ཡོད།

ད་ཐེངས་ཀྱི་མཉམ་འབྲེལ་ཁྲིམས་སྒྱུར་གྱིས་ཁྲིམས་འགལ་སྣ་ཚོགས་229ཐག་གཅོད་བྱས་པའི་ནང་། གཙང་སེལ་བཅོས་སྒྲིག་བྱེད་དགོས་པའི་སྒྲིག་འགལ་ཁྲིམས་འགལ་གྱི་དོན་གནད་147དང་། གློག་སྒུལ་སྦག་སྦག་64 གཏན་འབེབས་ལས་འགལ་ནས་བཞག་པ་18ཐོ་བཀོད་པ་བཅས་ཚུད་པ་དེ་དག་མཐུན་སྦྱོར་མཉམ་སྒྲུབ་ཀྱི་རྩ་དོན་བཞིན་སྡེ་ཚན་དང་མཉམ་ལས་བྱས་ནས་བསྒྲུབས་ཡོད། གོམ་སྟབས་རྗེས་མར། མངའ་རིས་ས་ཁུལ་སྤྱི་བདེ་ཁྲུའུ་འགྲིམ་འགྲུལ་དོ་དམ་ཉིང་ལག་རུ་ཁག་གིས་དམ་བསྒྲགས་ཀྱི་རྣམ་འགྱུར་མུ་མཐུད་མཐའ་འཁྱོངས་དང་རྒྱུན་རྣམ་ཅན་གྱི་མཉམ་འབྲེལ་ཁྲིམས་སྒྱུར་བྱས་ཏེ། སྒར་རྫོང་ལ་འགྲིམ་འགྲུལ་གོ་རིམ་ལྡན་པ་དང་། ཡ་རབས་ཚད་དང་ལྡན་པའི་གྲོང་ཁྱེར་ཁོར་ཡུག་ཅིག་ནུས་ཤུགས་ཡོད་རྒུས་གཏོད་རྒྱུ་རེད།