ཉེ་ཆར། གཞིས་རྩེ་གྲོང་ཁྱེར་རྣམ་གླིང་རྫོང་མི་དམངས་ཁྲིམས་ཁང་གིས་ཁོངས་གཏོགས་ཁུལ་གྱི་གཉེན་སྒྲིག་ཉིས་བརྩེགས་ཀྱི་གྱོད་གཞི་ཐོག་མར་ཁྲིམས་ལྟར་འདྲི་ཞིབ་མཇུག་བསྒྲིལ་བ་རེད། ཞུ་སྦྱོར་ཕྱི་མ་པད་ཆེ་གེ་མོ་དང་དར་ཆེ་གེ་མོ་གཉིས་པོ་ཕ་ཡུལ་གཅིག་ནས་ཡིན་པ་དང་ཁོ་གཉིས་ཀྱིས་ཕྱོགས་ཕན་ཚུན་ལ་བཟའ་ཟླ་ཡོད་པ་ཤེས་བཞིན་དུ་སྔར་བཞིན་ཁྱོ་ཤུག་གི་མིང་ཐོག་ནས་མཉམ་དུ་འཚོ་བ་སྐྱེལ་བཞིན་ཡོད་པ་རེད།

ཁྲིམས་ཁང་གིས་འདྲི་གཅོད་བྱས་པ་བརྒྱུད། ཞུ་སྦྱོར་ཕྱི་མ་པད་ཆེ་གེ་མོ་དང་དར་ཆེ་གེ་མོའི་བྱེད་སྤྱོད་དེ་གཉེན་སྒྲིག་ཉིས་བརྩེགས་ཀྱི་ནག་ཉེས་གྲུབ་པའི་ངོས་འཛིན་བྱས་པ་དང་གཉིས་ཀར་དུས་ཡུན་ཟླ་བ་བཞི་ཡི་བཀག་ཉར་བྱ་རྒྱུའི་ཆད་པ་བཅད་པ་རེད། གྱོད་གཞི་དེ་འདྲི་ཞིབ་མཇུག་བསྒྲིལ་བ་ལས་གཉེན་སྒྲིག་ཉིས་བརྩེགས་བྱེད་པ་དེ་ཁྲིམས་ཀྱི་དྲ་རྒྱ་ལས་ཐར་ཐབས་མེད་པ་མཚོན་པ་དང་ཁྱོ་གཅིག་ཤུག་གཅིག་ལམ་ལུགས་ལས་འགལ་བའི་བྱེད་སྤྱོད་སྤེལ་མཁན་ལ་ཉེན་བརྡ་བཏང་བ་རེད།

གཉེན་སྒྲིག་གི་འབྲེལ་བ་གསར་པ་ཞིག་འཛུགས་པའི་ཁྲིམས་མཐུན་གྱི་ཐབས་ལམ་འབའ་ཞིག་ནི་ད་ཡོད་ཀྱི་གཉེན་སྒྲིག་འབྲེལ་བ་ཁྲིམས་ལྟར་མཇུག་བསྒྲིལ་དགོས་པ་དེ་རེད། དེ་ནི་བརྒལ་མི་རུང་བའི་བཅའ་ཁྲིམས་ཀྱི་འགྱུར་མེད་གཏན་འབེབས་ཤིག་ཡིན་པ་མ་ཟད། མིའི་ཐོབ་ཐང་དང་ལ་རྒྱ་དང་། ཁྱིམ་ཚང་གི་རིན་ཐང་། སྤྱི་ཚོགས་ཀྱི་སྤྱི་པའི་གོམས་སྲོལ་བཅས་ལ་གཞི་རྩའི་བརྩི་འཇོག་བྱེད་པ་ཞིག་ཀྱང་རེད།