འདི་ནི་མཐའ་མཚམས་ཞིབ་བཤེར་མི་དམངས་ཉེན་རྟོག་པས་ཕྱི་རྒྱལ་ཚོང་པའི་རྡོག་ཁྲེས་དང་ཅ་དངོས་ལ་ཞིབ་བཤེར་བྱེད་བཞིན་པ།

ཉེ་ཆར། གཞིས་རྩེ་གྲོང་ཁྱེར་ལོ་གསར་གྱི་ནང་འདྲེན་འགྲེམས་ཚོང་བྱེད་སྒོར་འོང་བའི་ཕྱི་རྒྱལ་ཚོགས་པའི་ཁོངས་མི་11བོད་ཀྱི་འགྲམ་འགག་སྒོའི་མཐའ་མཚམས་ནས་བདེ་བླག་ངང་འཛུལ་ཞིང་། གཉའ་ནང་མཐའ་མཚམས་ཞིབ་བཤེར་ས་ཚིགས་ཀྱི་མི་དམངས་ཉེན་རྟོག་པས་རང་འགུལ་ངང་བྱ་སྤྱོད་སྤེལ་ཏེ། ཕྱི་རྒྱལ་ཚོགས་པ་རྒྱལ་མཚམས་ནས་འཛུལ་བར་ཞིབ་བཤེར་བྱེད་པའི་ལས་དོན་འགན་སྲུང་ནུས་ལྡན་བྱས་ཡོད།

ཤེས་རྟོགས་བྱུང་བར་གཞིགས་ན། བོད་ཀྱི་འགྲམ་འགག་སྒོར་ལས་ཕྱོད་ཆེ་བའི་འགག་སྒྲོལ་ཞབས་ཞུ་སྔ་ས་ནས་རྒྱུན་གཏན་བཞིན་སྒྲུབ་ཀྱི་ཡོད། ཉེ་བའི་ལོ་ཤས་རིང་། གཉའ་ནང་མཐའ་མཚམས་ཞིབ་བཤེར་ས་ཚིགས་ཀྱིས་འགག་སྒོའི་ཞབས་ཞུ་རྒྱུན་ཆད་མེད་པར་རིམ་སྤོར་དང་གསར་གཏོད་ཀྱི་བྱ་ཐབས་རབ་དང་རིམ་པ་བཏོན་ནས་འགག་སྒོའི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་བཏང་ཡོད། 2025ལོའི་ཟླ་བ་བཅུ་གཅིག་པར། ཕྱི་རྒྱལ་བ་རྒྱལ་མཚམས་ནས་འཛུལ་བའི་གཱ་དྲ་ཐོག་ནས་རྒྱོང་བའི་སྲིད་ཇུས་ལག་ལེན་བསྟར་བ་ནས་བཟུང་། ཡུལ་སྐོར་བས་རང་ཉིད་ཀྱི་ལག་ཐོགས་ཁ་པར་ནས་རྟགས་བཤེར་བརྒྱུད་སྐར་མ་གཅིག་ནང་ཆ་འཕྲིན་ཐོ་བཀོད་ཐུབ་པ་དང་། འགག་སྒོའི་མཉམ་འབྲེལ་ཞིབ་བཤེར་ཚོམས་ཆེན་དུ་རྒྱ་དབྱིན་ནེ་གསུམ་གྱི་སྐད་རིགས་ཀྱིས་སྣེ་ཁྲིད་ལམ་སྟོན་དང་རིན་མེད་ཀྱི་WiFiཞབས་ཞུ་བསྒྲུབས་པས་ཕྱི་རྒྱལ་འགྲུལ་པར“མཛུབ་གནོན་འགག་སྒྲོལ”གྱི་སྟབས་བདེ་བྱུང་ཡོད་ལ། རྒན་རྒོན་དང་། ལུས་གཅོང་བ། ནད་པ། དབང་པོ་སྐྱོན་ཅན། སྦྲུམ་མ་སོགས་དམིགས་བསལ་ཚོགས་སྤྱིར་དམིགས་ཏེ། “ཤར་སྐྱོད་བགྲོད་ལམ”བཟོས་པ་མ་ཟད། “ཚོགས་པ་ཧྲིལ་པོས་འབྱོར་བརྡ་གཏོང་བ”དང“ག་དུས་སླེབས་ན་འདི་དུས་ཞིབ་བཤེར་བྱེད་པ”སོགས་ཀྱི་བྱ་ཐབས་ཀྱང་མཉམ་དུ་བཏོན་པས། 2025ལོར་རིམ་རྩིས་བརྒྱབ་ན་འགྲུལ་པ་ཐེངས་ཁྲི་41.9ཞིབ་བཤེར་བྱས་ནས་བཏང་བ་དེས་ཉིན་50སྔ་སྣུར་དུ་2024ལོའི་བསྡོམས་འབོར་ལས་བརྒལ་ཡོད།