ཉེ་ཆར། གཞིས་རྩེ་གྲོང་ཁྱེར་སྤྱི་བདེ་ཅུས་བསམ་གྲུབ་རྩེ་ཉིང་ལག་ཅུས་ཀྱི་སློབ་གྲྭའི་ཉེན་རྟོག་ལས་དོན་ཁང་ལ“ལྷག་བསམ་དག་པོས་དམངས་ཀྱི་སེམས་ཁྲལ་བསལ། སྤྲོ་སེམས་འཁོལ་པོས་དམངས་ལ་ཞབས་འདེགས་ཞུས”ཞེས་བཀོད་པའི་གོས་དར་ཞིག་བསྐྱལ་ཡོད། དེ་ནི་མི་དམངས་ཉེན་རྟོག་པས་སེམས་ནུས་ཡོད་རྒུ་བཏོན་ནས་ལས་མིའི་གླ་ཆ་འགྱངས་ཆད་བྱས་པ་ཚུར་ལེན་རོགས་བྱས་པར་ཐུགས་རྗེ་ཆེ་ཞུ་ལུགས་མཚོན་པར་བྱ་ཆེད་ཕུལ་བ་ཞིག་རེད།

དེ་གོང་། ཉེན་རྟོག་ལས་དོན་ཁང་ལ་རྒྱ་མཚོ་གཞུང་ཤང་མངགས་གཏོང་ཁང་གིས་ཉེས་དོན་སྙན་སེང་ཞུས་པ་ཞིག་བརྒྱུད་སྤྲོད་བྱས། དེ་ནི་གཞིས་རྩེ་གྲོང་ཁྱེར་ལས་རིགས་ལག་རྩལ་སློབ་གླིང་ནང་གི་ཨར་ལས་རྣམ་གྲངས་ཤིག་འཛུཌ་སྐྲུན་བྱེད་རིང་ཞིང་པ་ལས་མིའི་གླ་ཆ་འགྱངས་ཆད་བྱས་པའི་གནད་དོན་ལས་ཐོན་པའི་རྩོད་གཞི་ཞིག་རེད། མི་དམངས་ཉེན་རྟོག་པས་འཕྲལ་དུ་ཡུལ་དེར་བསྐྱོད་དེ་ཞའོ་ཆེ་གེ་མོ་སོཌ་ལས་མི་བདུན་ལ་ངང་རྒྱུད་རིང་པོས་སེམས་གསོ་བཏང་བ་དང་ཆབས་ཅིག་གནས་ཚུལ་ཞིབ་ཕྲ་འདྲི་རྩད་ཀྱང་བྱས་པ་རེད། བརྟག་དཔྱད་བྱས་པ་བརྒྱུད། མི་བདུན་པོས་སློབ་གླིང་ནང་གི་རྣམ་གྲངས་དེར་ལས་ཀ་བྱས་ཡོད། ལས་ཀར་མ་ཞུགས་གོང་ལས་གྲྭ་དེའི་འགན་འཁུར་བས་ལས་མཇུག་འགྲིལ་རྗེས་གླ་ཆ་རྩིས་རྒྱག་རྒྱུའི་ཁ་ཆད་བྱས་མོད། འོན་ཀྱང་དུས་ཡུན་རིང་པོ་སོང་ཡང་གླ་ཆ་སྤྲད་མེད་པས་ཕྱོཌ་གཉིས་དབར་རྩོད་པ་ཤོར་ཡོད།

འགལ་ཟླ་ཐག་གཅོད་འོས་འཚམ་བྱ་ཆེད། ཉེན་རྟོག་པས་སྒྲིག་འཛུགས་ཐེངས་མང་བྱས་ནས་བར་འདུམ་བྱས་པ་དང་། ངང་རྒྱུད་རིང་པོས་བཅའ་ཁྲིམས་དང་གནས་ལུགས་བཤད་པ། གླ་ཆ་འགྱངས་ཆད་ཀྱི་བཅའ་ཁྲིམས་ཀྱི་མཇུག་འབྲས་དང་ཁ་དན་ཚིག་ལ་མ་གནས་པའི་འགན་འཁྲི་གསལ་བཤད་བྱས་ཡོད། འདུམ་འགྲིག་ཐེངས་བཞི་བྱས་པ་བརྒྱུད་ཕྱོགས་གཉིས་དབར་གཞི་ནས་གྲོས་མཐུན་བྱུང་ཞིང་། ཉེན་རྟོག་པའི་བདེན་དཔང་འོག་རྣམ་གྲངས་ཀྱི་འགན་འཁུར་བས་ལས་མི་7ལ་འགྱངས་ཆད་བྱས་པའི་གླ་ཆ་བསྡོམས་སྒོར་ཁྲི་9.5ཚང་མ་སྤྲད་པ་རེད།

ད་ཐེངས་ཀྱི་ལས་བཟོའི་ཁྲིམས་མཐུན་ཁེ་དབང་དུས་ཐོག་ཏུ་འགན་སྲུང་ཐུབ་པ་དང་། འགལ་ཟླ་ཛ་དྲག་ཏུ་ཕྱིན་མེད་ལ། ངང་རྒྱུད་རིང་པོས་ཞབས་འདེགས་ཞུས་པར་མང་ཚོགས་ཀྱི་ཁས་ལེན་དང་བསྔགས་བརྗོད་ཀྱང་རྒྱ་ཁྱབ་ཏུ་ཐོབ་ཡོད།