འདི་ནི་གྲོང་མིས་ལྷ་རྩེ་རྫོང་ཕྱོགས་བསྡུས་བཅོས་སྐྱོང་ལྟེ་གནས་སུ་བཅའ་སྡོད་རྫོང་མི་དམངས་ཞིབ་དཔྱོད་ཁང་གི་སྐར་ཁུང་མདུན་དུ་འགལ་ཟླ་དང་རྩོད་གཞིའི་སྐོར་བློ་འདྲི་བྱེད་བཞིན་པ།

གཞིས་རྩེ་གྲོང་ཁྱེར་ལྷ་རྩེ་རྫོང་མི་དམངས་ཞིབ་དཔྱོད་ཁང་གིས་རྫོང་སྤྱི་ཚོགས་བདེ་འཇགས་ཕྱོགས་བསྡུས་བཅོས་སྐྱོང་ལྟེ་གནས་སུ་རྒྱུན་སྡོད་ཞིབ་དཔྱོད་ཞབས་ཞུའི་སྐར་ཁུང་བཙུགས་ནས་བཅའ་ཁྲིམས་ལྟ་སྐུལ་དང་མང་ཚོགས་ལ་ཞབས་འདེགས་ཞུ་བའི་འགག་སྒོ་མདུན་དུ་སྤོ་བར་སྐུལ་འདེད་བཏང་ཡོད། ཉེ་ཆར། སྐར་ཁུང་དེས་ངལ་རྩོལ་པ་དང་མ་རྩ་ཅན་བར་གྱི་རྩོད་གཞི་དང་ལྷག་པར་དུ་གེགས་རྗེས་སླར་གསོ་བསྐྱར་སྐྲུན་ཁྱབ་ཁོངས་ཀྱི་གླ་ཆ་འགྱངས་ཆད་ཀྱི་གནད་དོན་ལ་དམིགས་ནས“ཞུ་གཏུག་རྒྱབ་སྐྱོར+འདུམ་འགྲིག”གི་ལས་ཀ་སྒྲུབ་སྟངས་ཧུར་ཐག་སྤྱད་དེ། ཞུ་གཏུག་མ་བརྒྱབ་གོང་ནས་དངོས་ཡོད་རང་བཞིན་དང་ལས་ཆོད་ཆེ་བའི་སྒོ་ནས་འགལ་བ་དང་རྩོད་གཞི་མང་པོ་ཞིག་བདེ་བླག་ངང་ཐག་གཅོད་བྱས་ཤིང་། ངལ་རྩོལ་པའི་ཁྲིམས་མཐུན་ཁེ་དབང་ལ་སྲུང་སྐྱོང་ཏན་ཏིག་བྱས་ཏེ། དམངས་ཆེད་ཁྲིམས་འཛིན་གྱི་དྲོ་སྐྱིད་མངོན་པར་བྱས་པ་རེད།

2025ལོའི་ཟླ་9ཚེས་29ཉིན། ལས་སྒྲུབ་པ་ཟླ་ཆེ་གེ་མོ་དང་ཕུར་ཆེ་གེ་མོར་ངལ་རྩོལ་གླ་ཆ་སྒོར་9080འགྱངས་ཆད་བྱས་པའི་རྐྱེན་གྱིས་རོགས་སྐྱོར་གནང་རོགས་ཞུ་བར་ཡོང་། མངགས་སྡོད་ཞིབ་དཔྱོད་པས་དོན་དངོས་གསལ་པོ་ཤེས་རྟོགས་བྱུང་རྗེས་འདུམ་འགྲིག་བྱས་ནས་ཕྱོགས་གཉིས་མཐུན་པོ་བྱུང་བ་རེད། ལག་བསྟར་འགན་སྲུང་བྱ་ཆེད། ཞིབ་དཔྱོད་ལས་ཁུངས་ཀྱིས་ཁྲིམས་ལྟར་དོ་བདག་ལ་ཞུ་གཏུག་རྒྱག་རྒྱུར་རྒྱབ་སྐྱོར་བྱས་པ་མ་ཟད། ཁོང་ཚོས་ཁྲིམས་ཁང་ལ་ཁྲིམས་འཛིན་གྱི་ཁས་ལེན་རེ་ཞུ་བྱེད་པར་ཡང་ཁྲིད་སྟོན་བྱས་ཏེ། འདུམ་འགྲིག་གྲོས་མཐུན་ལ་བཙན་ཤེད་ཀྱི་ལག་བསྟར་བྱེད་ནུས་ལྡན་པ་དང་བུན་བདག་གི་སེམས་ཁྲལ་ཡང་རྩ་བ་ནས་མེད་པར་བཟོས་པ་རེད།