ནག་ཆུ་གྲོང་ཁྱེར་མི་དམངས་སྲིད་གཞུང་དང་ནག་ཆུ་གྲོང་ཁྱེར་མི་དམངས་ཞིབ་དཔྱོད་ཁང་གིས“སྲིད་གཞུང་དང་ཞིབ་དཔྱོད་ཁང་མཉམ་འགུལ”གྱི་ལམ་སྲོལ་བཙུགས་པ།
ཉེ་ཆར། ནག་ཆུ་གྲོང་ཁྱེར་མི་དམངས་སྲིད་གཞུང་དང་ནག་ཆུ་གྲོང་ཁྱེར་མི་དམངས་ཞིབ་དཔྱོད་ཁང་གིས《ནག་ཆུ་གྲོང་ཁྱེར་མི་དམངས་སྲིད་གཞུང་དང་ནག་ཆུ་གྲོང་ཁྱེར་མི་དམངས་ཞིབ་དཔྱོད་ཁང་གི་མཉམ་འགུལ་ལམ་སྲོལ》(གཤམ་ནས《ལམ་སྲོལ》ཞེས་བསྡུ་རྒྱུ)མཉམ་དུ་བཀྲམ་ནས“སྲིད་གཞུང་དང་ཞིབ་དཔྱོད་ཁང་གིས་མཉམ་སྒྲུབ་དང་། མཉམ་བཅོས་བྱས་ནས་ཕན་འབྲས་ཆེ་རུ་གཏོང་བའི”ལས་ཀའི་རྣམ་པ་ཆགས་པར་བྱས་ཏེ། ནག་ཆུའི་དཔལ་འབྱོར་དང་སྤྱི་ཚོགས་ཀྱི་སྤུས་ཚད་མཐོ་བའི་འཕེལ་རྒྱས་ལ་ཁྲིམས་སྐྱོང་གི་འགན་སྲུང་བརྟན་པོ་བྱས་པ་རེད།
གསར་འགོད་པར་ཤེས་རྟོགས་བྱུང་བར་གཞིགས་ན། 《ལམ་སྲོལ》དེ་ནི་དམིགས་ཚད་ལས་འགན་དང་། གཙོ་གནད་ལས་དོན། དོན་འཁྱོལ་ལམ་སྲོལ། འགན་ལེན་བྱེད་ཐབས་བཅས་ཁག་བཞི་ལས་གྲུབ་ཅིང་། དེའི་ནང་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་ཁྱོན་ཡོངས་ཀྱི་བརྟན་ལྷིང་མཉམ་དུ་སྲུང་སྐྱོང་བྱེད་པ་དང་། ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་མཉམ་དུ་གཏོད་པ། གནད་དོན་མངོན་གསལ་དོད་རིགས་མཉམ་དུ་ཐག་གཅོད་བྱས་ནས་སྤྱི་ཚོགས་བཅོས་སྐྱོང་ལ་སྐུལ་འདེད་གཏོང་བ། དམངས་འཚོའི་ཁྱབ་ཁོངས་ཀྱི་ཁྲིམས་སྐྱོང་འགན་སྲུང་ལ་མཉམ་དུ་ཤུགས་སྣོན་རྒྱག་པ། སྤྱི་ཚོགས་ཡོངས་ཀྱི་ཁྲིམས་སྐྱོང་འདུ་ཤེས་མཉམ་དུ་ཟབ་ཏུ་གཏོང་བ་བཅས་ཕྱོགས་ལྔའི་ཐད་ཀྱི་སྲིད་གཞུང་དང་ཞིབ་དཔྱོད་ལས་ཁུངས་ཀྱི་གཙོ་གནད་ལས་ཀ་ཁག་17ཁ་གསལ་བཟོས་ཡོད་པ་རེད།
འབྲེལ་ཡོད་གསར་འགྱུར།