ཆབ་མདོ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་དོ་དམ་ཉིང་ལག་རུ་ཁག་གིས།
ཆང་བཏུངས་འཁོར་གཏོང་དང་ར་བཟི་འཁོར་གཏོང་གི་གཙོ་གནད་ཁྲིམས་འགལ་བྱེད་སྤྱོད་ལ་བཅོས་སྒྲིག་བྱེད་ཤུགས་ཆེ་རུ་བཏང་བ།
འགྲོ་ལམ་འགྲིམ་འགྲུལ་བདེ་འཇགས་ཀྱི་འགོག་སྲུང་འཛིང་རགས་བརྟན་དུ་བཏང་ནས་དགུན་དུས་ཆང་བཏུངས་འཁོར་གཏོང་དང་འབྲེལ་བ་ཡོད་པའི་འགྲིམ་འགྲུལ་ལས་འཛོལ་མང་བའི་གནས་ཚུལ་སྔོན་འགོག་ཏན་ཏིག་བྱ་ཆེད། ཉེ་ཆར་ཆབ་མདོ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་དོ་དམ་ཉིང་ལག་རུ་ཁག་གིས་ཆང་བཏུངས་འཁོར་གཏོང་དང་ར་བཟི་འཁོར་གཏོང་གི་གཙོ་གནད་ཁྲིམས་འགལ་བྱེད་སྤྱོད་ལ་དམིགས་ཏེ། ཆེད་དོན་བཅོས་སྒྲིག་གི་ཚ་རླབས་འཕྱུར་བར་བྱས་ནས་གནད་སྨིན་ཇུས་བསྟར་དང་ཁྲིམས་བསྟར་ཤུགས་ཆེན་གྱི་ཐོག་ནས་མང་ཚོགས་ཀྱི་འགྲོ་སྐྱོད་བདེ་འཇགས་བསྲུངས་ཡོད།
ཆང་བཏུངས་འཁོར་གཏོང་དང་ར་བཟི་འཁོར་གཏོང་ལ་ཆེད་དོན་བཅོས་སྒྲིག་བྱེད་ཤུགས་ཆེ་རུ་གཏོང་ཆེད། ཆབ་མདོ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་དོ་དམ་ཉིང་ལག་རུ་ཁག་གིས་འདི་ལོ་ཚུན་དུ་འགྲིམ་འགྲུལ་གྱི་ཁྲིམས་འགལ་བྱེད་སྤྱོད་ལ་ཡུལ་གཞན་གྱི་ཉེན་རྟོག་པ་དང་སྣོལ་སྦྲེལ་གྱིས་བཅོས་སྒྲིག་བྱེད་པའི་ཁྲིམས་སྒྱུར་ལས་དོན་སྒྲིག་འཛུགས་བྱས་པ་དང་། རྫོང་ཁག་གི་འགྲིམ་འགྲུལ་དོ་དམ་སྡེ་ཚན་ནས་ཉེན་རྟོག་པ་ཧྲག་འདེམས་བྱས་ནས་ཆེད་དོན་ཁྲིམས་སྒྱུར་ཚོགས་ཆུང་བཙུགས་ཏེ་ཡུལ་གཞན་དུ་ཁྲིམས་སྒྱུར་བྱས་པས། ས་གནས་ཀྱི་ཁྲིམས་སྒྱུར་འགལ་རྐྱེན་ནུས་ལྡན་བསལ་ནས་ཁྲིམས་སྒྱུར་ལྟ་སྐུལ་དང་ཁྲིམས་འགལ་བཅོས་སྒྲིག་ཕྱོགས་ཡོངས་སུ་ཁྱབ་ཡོད། དེ་དང་ཆབས་ཅིག་ཆབ་མདོ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་དོ་དམ་ཉིང་ལག་རུ་ཁག་གིས་དུས་མཚུངས་སུ་ནུས་ཤུགས་བཏོན་ནས་ཉིན་ལྟར་ལས་ཁུངས་ནང་ཁུལ་གྱི་ཉེན་རྟོག་སྟོབས་ཤུགས་གཅིག་གྱུར་བཀོད་སྒྲིག་བྱས་ཏེ། ཆང་བཏུངས་འཁོར་གཏོང་གི་མཚན་བཤེར་བྱ་སྤྱོད་རྒྱུན་རྣམ་ཅན་གྱི་སྒོ་ནས་སྤེལ་བ་མ་ཟད། ད་དུང་ཐད་གཏོགས་རུ་ཆེན་བཀོད་སྒྲིག་བྱས་ཏེ་གཙོ་གནད་ཐོག“ཆང་བཏུངས་ཞག་སོང་འཁོར་གཏོང”ཞིབ་བཤེར་ཐག་གཅོད་བྱེད་ཤུགས་ཆེ་རུ་བཏང་ཞིང་། ཞོགས་པའི་ཆུ་ཚོད་བདུན་པ་ནས་དགུ་པའི་བར་གྱི་འགྲུལ་བཞུད་མང་བའི་དུས་ལ་དམིགས་ཏེ་གྲོང་ཁུལ་གྱི་གཞུང་ལམ་གཙོ་བོ་དང་མྱུར་བགྲོད་གཞུང་ལམ་གྱི་ལམ་ཁ་སོགས་འགག་རྩའི་ལམ་དུམ་དུ་ཞིབ་བཤེར་བྱས་ཏེ་མཚན་གང་ཆང་རག་བཏུངས་ནས་རླངས་འཁོར་གཏོང་བའི་བྱེད་སྤྱོད་གནད་སྨིན་ངང་བཀག་ཡོད། གཞན་ཡང་འགྲིམ་འགྲུལ་ཞིབ་བཤེར་ས་ཚིགས་ཁག་གིས་དུས་མཚུངས་སུ་ཟོག་འཁོར་གྱི་དོ་དམ་ཚོད་འཛིན་བྱེད་ཤུགས་ཆེ་རུ་བཏང་ནས་ཟོག་འཁོར་གྱི་ཐེག་ཚད་ལས་བརྒལ་བ་དང་། ངལ་བས་དུབ་ཀྱང་རླངས་འཁོར་གཏོང་བ། ཁྲིམས་འགལ་ངང་སྒྲིག་བཅོས་བྱས་པ་སོགས་ཀྱི་གཙོ་གནད་ཁྲིམས་འགལ་བྱེད་སྤྱོད་ལ་དམིགས་ཏེ“རླངས་འཁོར་ཚང་མར་ཞིབ་བཤེར་དང་རླངས་འཁོར་རེ་རེ་བཞིན་ཐོ་འགོད”བྱས་ནས་ཟོག་འཁོར་གྱི་འགྲིམ་འགྲུལ་ཁྲིམས་འགལ་གྱི་ཟང་ཟིང་སྣང་ཚུལ་ལ་རྡུང་རྡེག་ནན་པོ་བཏང་བ་དང་། ཕྱོགས་ཡོངས་ནས“ཉིན་མོ་ཟོག་འཁོར་དང་ཆང་བཏུངས་ཞག་སོང་ལ་ཞིབ་བཤེར་དང་། མཚན་མོ་ཆང་བཏུངས་འཁོར་གཏོང་ལ་ཞིབ་བཤེར། ཐོ་རེངས་མངོན་མེད་རྐྱེན་ངན་སྐོར་ཞིབ”བཅས་དུས་མཚམས་ཆ་ཚང་དང་ཁྱབ་ཁོངས་ཡོངས་ཀྱི་དོ་དམ་ཚོད་འཛིན་དྲ་རྒྱ་ཞིག་ཆགས་ནས་ཁྲིམས་འགལ་བྱེད་སྤྱོད་བྲོས་ས་ཐར་ས་མེད་པའི་འགན་ལེན་བྱས་པ་རེད།
འབྲེལ་ཡོད་གསར་འགྱུར།