འདི་ནི་ཟླ་11ཚེས་22ཉིན་གངས་ཤུད་ལ་དགའ་པོ་བྱེད་མཁན་ཚོས་ཅི་ལིན་གྲོང་ཁྱེར་ཀྲུང་གོ་ཡུལ་སྐོར་ཀུང་སིའི་སུང་ཧྭ་མཚོ་མོ་སྤྲོ་གསེང་ཁུལ་དུ་གངས་ཤུད་གློད་བཞིན་པ།

ཟླ་11ཚེས་22ཉིན། ཅི་ལིན་ཞིང་ཆེན་གྱི་2025—2026ལོའི་གངས་ཤུད་དུས་ཚིགས་གསར་པ་འགོ་ཚུགས་དང་ཅི་ལིན་སྨུག་བད་གངས་འཁྱགས་དུས་ཆེན་སྐབས་སོ་གཅིག་པའི་འགོ་ཚུགས་མཛད་སྒོ་ཅི་ལིན་གྲོང་ཁྱེར་ཀྲུང་གོ་ཡུལ་སྐོར་ཀུང་སིའི་སུང་ཧྭ་མཚོ་མོ་སྤྲོ་གསེང་ཁུལ་གྱི་ཚོགས་ར་གཙོ་བོར་འཚོགས་པ་རེད།

གངས་ཤུད་དུས་ཚིགས་གསར་པར་རིག་གནས་ཡུལ་སྐོར་དང་ལུས་རྩལ་ཚོང་དོན་གྱི་བྱེད་སྒོ་800ལྷག་སྤེལ་རྒྱུ་ཡིན་པ་དང་། ཅི་ལིན་ཞིང་ཆེན་གྱིས་གངས་འཁྱགས་འཛད་སྤྱོད་འཛིན་ཤོག་སྒོར་དུང་ཕྱུར་1དང་དེ་བཞིན་བཟའ་བཏུང་གོང་ཁེ་དང་རིན་མེད་སྤྱི་སྤྱོད་རླངས་འཁོར་སོགས་དམངས་ཕན་སྲིད་ཇུས་བཏོན་ཡོད། གངས་ཤུད་ར་བ་མང་པོ་ཞིག་གིས་གངས་བཟོའི་སྒྲིག་ཆས་མང་དུ་གཏོང་བ་དང་། ཆེད་ལས་རྩལ་ཁྲིད་ཚོགས་པ་བཀོད་སྒྲིག་བྱེད་པ། ཁྱད་ལྡན་གངས་ཤུད་ལམ་བུ་གསར་དུ་སྣོན་པ་བཅས་བྱས་ཡོད།