འདི་ནི་མེ་ཟོན་དྲིལ་བསྒྲགས་བྱེད་སྒོ་སྤེལ་ཡུལ་ཡིན་པ།

ཉེ་ཆར། ནག་ཆུ་གྲོང་ཁྱེར་སྦྲ་ཆེན་རྫོང་མེ་གསོད་རོགས་སྐྱོབ་རུ་ཆེན་གྱི་ལས་དོན་མི་སྣས་སྦྲ་ཆེན་རྫོང་སློབ་འབྲིང་གཉིས་པར་བསྐྱོད་དེ“དམངས་ཡོངས་ཀྱིས་མེ་ཟོན་བྱེད། ཚེ་སྲོག་གོང་དུ་བཀུར། མེ་དང་གློག་བདེ་འཇགས་ངང་སྤྱོད”པའི་བརྗོད་དོན་གཙོ་བོའི་མེ་ཟོན་དྲིལ་བསྒྲགས་བྱེད་སྒོ་རབ་དང་རིམ་པ་སྤེལ་ཞིང་། བྱེད་སྒོའི་ནང་མེ་ཟོན་གྱི་བརྗོད་དོན་གཙོ་བོའི་གཏམ་བཤད་དང་། འཕྲལ་སྡོམ་ཁ་འགྲེམས་སྦྱོང་བརྡར། མེ་ཟོན་སྒྲིག་ཆས་འགྲེམས་སྟོན་སོགས་ཀྱི་རྣམ་པ་སྣ་མང་དང་ནང་དོན་ཕུན་སུམ་ཚོགས་པའི་ལྷུ་ཚིགས་ཚུད་ཡོད་པ་རེད།

ད་ཐེངས་ཀྱི་བྱེད་སྒོར་ཤེས་བྱ་གསལ་འགྲེལ་དང་ལག་ལེན་དངོས་ཟུང་དུ་འབྲེལ་བའི་བྱ་ཐབས་བརྒྱུད། དགེ་སློབ་ཀྱི་མེ་ཟོན་བདེ་འཇགས་འདུ་ཤེས་ཟབ་ཏུ་དང་འཕྲལ་སྡོམ་རང་སྐྱོབ་ནུས་པ་ཆེ་རུ་ནུས་ལྡན་བཏང་ནས་སློབ་གྲྭའི་བདེ་འཇགས་ཀྱི་རྨང་གཞི་སྔར་བས་བརྟན་དུ་ཕྱིན་ཡོད། ཕྱིས་འབྱུང་སྦྲ་ཆེན་རྫོང་མེ་གསོད་རོགས་སྐྱོབ་རུ་ཆེན་གྱིས་སློབ་གྲྭར་མེ་ཟོན་བདེ་འཇགས་དྲིལ་བསྒྲགས་བྱེད་པར་རྒྱུན་མཐུད་སྐུལ་འདེད་བཏང་ནས། དྲིལ་བསྒྲགས་ཀྱི་རྣམ་པ་དང་ནང་དོན་རྒྱུན་ཆད་མེད་པར་ཕུན་སུམ་ཚོགས་སུ་བཏང་སྟེ་སློབ་གྲྭའི་མེ་ཟོན་བདེ་འཇགས་ཀྱི་འགོག་སྲུང་འཛིང་རགས་བརྟན་དུ་ཏན་ཏིག་གཏོང་རྒྱུ་རེད།