གསར་འགོད་པར་རང་སྐྱོང་ལྗོངས་ཏང་ཨུད་དྲ་འཕྲིན་གཞུང་ལས་ཁང་ནས་ཤེས་རྟོགས་བྱུང་བར། 2025ལོའི་ཟླ་བཅུ་པར་བོད་ཀྱི་དྲ་འཕྲིན་སྡེ་ཚན་གྱིས་དྲ་དམངས་ཀྱིས་ཐེར་འདོན་བྱས་པའི་ཆགས་སྲེད་དང་། རྒྱན་འགྱེད། དབང་ཆར་བཙན་གནོད། དཀྲོག་གཏམ་སོགས་ཀྱི་དྲ་རྒྱའི་ཁྲིམས་འགལ་དང་ཚུལ་མིན་གྱི་ཆ་འཕྲིན་ཁག་2713ལ་བདག་སྤྲོད་བྱས་པ་དེ་ཟླ་གོང་མ་ལས་13.9%དང་དུས་མཚུངས་ལས་36.5%ཆག་པའི་ནང་། རང་སྐྱོང་ལྗོངས་མཉམ་འབྲེལ་དྲ་རྒྱའི་ཁྲིམས་འགལ་དང་ཚུལ་མིན་ཐེར་འདོན་ལྟེ་གནས་ཀྱིས་ཐེར་འདོན་ཆ་འཕྲིན་ཁག་1087ལ་བདག་སྤྲོད་བྱས་པ་དེ་ཟླ་གོང་མ་ལས་32.3%དང་དུས་མཚུངས་ལས་56.6%ཆག་ལ། ས་གནས(གྲོང་ཁྱེར)ཁག་གི་དྲ་འཕྲིན་སྡེ་ཚན་གྱིས་ཆ་འཕྲིན་ཁག་1626ལ་བདག་སྤྲོད་བྱས་པ་དེ་ཟླ་གོང་མ་ལས་5.2%འཕར་ཡང་དུས་མཚུངས་ལས་8.2%ཆག་ཡོད་པ་རེད།

ཟླ་བཅུ་པར། དྲ་རྒྱའི་ཁྲིམས་འགལ་དང་ཚུལ་མིན་གྱི་ཆ་འཕྲིན་དང་། དྲ་རྒྱའི་དབང་ཆར་བཙན་གནོད། དྲ་རྒྱའི་དཀྲོག་གཏམ་བཅོས་སྐྱོང་སོགས་མི་དམངས་མང་ཚོགས་ཀྱིས་དོ་ཁུར་དང་དོ་སྣང་བྱེད་པའི་གནད་དོན་ལ་དམིགས་ནས། རང་སྐྱོང་ལྗོངས་མཉམ་འབྲེལ་དྲ་རྒྱའི་ཁྲིམས་འགལ་དང་ཚུལ་མིན་ཆ་འཕྲིན་ཐེར་འདོན་ལྟེ་གནས་ཀྱིས་ཉེ་འགྲམ་དུ་ཐོན་པའི་དམིགས་བསལ་གྱོད་དཔེ་དང་དྲ་རྒྱའི་ཁྲིམས་འགལ་གྱི་དོན་རྐྱེན་བདམས་ཏེ“བོད་ལྗོངས་ཐེར་འདོན”གྱི་གཞུང་ཕྱོགས་ཁྱུག་དབྱིངས་དང་། བརྙན་སྟེགས་ཨང་རྟགས་བརྒྱུད་བརྙན་ཐུང་དང་ཆ་འཕྲིན་ཁག་800ཙམ་བཏོན་པར་ལྟ་མཁན་གྱི་མོས་བསྟོད་ཐོབ་ཚད་མི་ཐེངས་ཁྲི་528.1ལྷག་ཙམ་ཟིན་ཡོད།

ཤེས་རྟོགས་བྱུང་བར་གཞིགས་ན། རང་སྐྱོང་ལྗོངས་མཉམ་འབྲེལ་དྲ་རྒྱའི་ཁྲིམས་འགལ་དང་ཚུལ་མིན་ཆ་འཕྲིན་ཐེར་འདོན་ལྟེ་གནས་དང་། ས་གནས(གྲོང་ཁྱེར)ཁག་གི་དྲ་འཕྲིན་སྡེ་ཚན་གྱིས་དྲ་རྒྱའི་ཐེར་འདོན་བྱེད་ལམ་སྣ་ཚོགས་ཤར་གཏོང་བྱས་པར་དྲ་དམངས་ཀྱི་ཐེར་འདོན་ལ་བདག་སྤྲོད་ཐུབ་ནས་ཐག་གཅོད་བྱུང་ཡོད།