ལག་བསྟར་གྲོན་དངུལ་སྒོར་ཁྲི་1700ཚང་མ་སྤྲད་པ་ལས་མི་36ལ་ཁྲིམས་འཛིན་གྱི་ཕན་པ་དངོས་དངོས་རྗེན་རྗེན་ཐོབ་ཡོད། ཉེ་ཆར། གཞིས་རྩེ་གྲོང་ཁྱེར་རིན་སྤུངས་རྫོང་མི་དམངས་ཁྲིམས་ཁང་གིས“རིག་ནུས་ལག་བསྟར”མ་ལག་ལ་བརྟེན་ནས་ཉིན་20ཡི་ནང་དམིགས་རྟེན་གྱི་དངུལ་འབོར་སྒོར་ཁྲི་1700ལྷག་ཙམ་ཟིན་པའི་ངལ་རྩོལ་གན་རྒྱའི་རྩོད་གཞི་ཞིག་ཐག་གཅོད་བྱས་པ་ལས་གྲངས་འཛིན་དུས་རབས་ཀྱི་ལག་བསྟར་ལས་ཀའི་སྟབས་བདེ་སླར་ཡང་མངོན་ཡོད།

ངོ་སྤྲོད་བྱས་པར་གཞིགས་ན། གྱོད་གཞི་ལག་བསྟར་གྱི་བརྒྱུད་རིམ་ནང་སླེབས་རྗེས། ལག་བསྟར་ཚོགས་པས“ཐོག་མེད་བགྲོད་མེད”གཉིས་ལ་བརྟེན་པ་སྟེ། ཕྱོགས་གཅིག་ནས་ལག་བསྟར་བཀོད་འདོམས་ལྟེ་གནས་ཀྱིས“སྤྲིན་ཚོམ་གྱི་ཞིབ་བཤེར་དང་ཚོད་འཛིན”བྱེད་འགོ་བཙུགས་ཏེ། ཆུ་ཚོད་གསུམ་གྱི་ནང་ལག་བསྟར་བྱ་ཡུལ་དེའི་མིང་འོག་གི་དངུལ་ཁང་གི་རྩིས་ཁྲ་དང་། གཏན་འཇགས་རྒྱུ་ནོར། རླངས་འཁོར་སོགས་ཀྱི་རྒྱུ་ནོར་དྲ་རྒྱ་ཡོངས་ནས་ཞིབ་བཤེར་ལེགས་གྲུབ་བྱུང་སྟེ་མ་དངུལ་འདང་ངེས་གནད་འཁེལ་ངང་གཏན་འཁེལ་བྱས་པ་དང་། ཕྱོགས་གཞན་ཞིག་ནས“ལག་བསྟར་ཆེད་དོན་ཚན་ཁག”བཙུགས་ནས་དྲ་ཐོག་གི་སྐོང་འདྲི་བརྒྱུད“སྤྲིན་ཚོམ་གྱི་འདུམ་འགྲིག”བྱས་པ་མ་ཟད། ལག་བསྟར་བྱ་ཡུལ་ལ《ཞིང་པ་ལས་མིའི་གླ་ཆ་གཏོང་སྤྲོད་འགན་ལེན་གྱི་སྲོལ་ཡིག》སོགས་བཅའ་ཁྲིམས་ཀྱི་གཏན་འབེབས་གསལ་འགྲེལ་བྱས་ནས། ལག་བསྟར་མ་བྱས་མཁན་ལ་མཉམ་འབྲེལ་ཡིད་རྟོན་ཆད་གཅོད་བསླབ་འདོམས་ཀྱི་མཇུག་འབྲས་འཁུར་དགོས་ཚུལ་གསལ་བཤད་ཀྱང་བརྒྱབ་པ་རེད།