ཉེ་ཆར། རྒྱལ་རྩེ་རྫོང་སྤྱི་བདེ་ཅུས་འགྲིམ་འགྲུལ་དོ་དམ་རུ་ཆེན་གྱིས་འགྲིམ་འགྲུལ་ལས་འཛོལ་ཐོན་རྗེས་བྲོས་བྱོལ་དུ་སོང་བའི་གྱོད་གཞི་ཞིག་རྩད་ཆོད་བྱུང་བ་དང་། བསམ་ཡུལ་ལས་འདས་པ་ཞིག་ལ་ཁ་ལོ་བ་ཤུའེ་ཆེ་གེ་མོས་མཇུག་འབྲས་ལ་མ་བལྟོས་པར་བྲོས་བྱོལ་དུ་སོང་བའི་རྒྱུ་མཚན་ནི་ཁོ་པར་ཁ་ལོ་བའི་ལག་ཁྱེར་མེད་པས་རེད།

ཟླ་11ཚེས་10ཉིན་གྱི་ཆུ་ཚོད་22ཙམ་ལ། འཁོར་རྟགས་ཡུས་ＢＤＷ***ཡིན་པའི་རླངས་འཁོར་ཞིག་གིས་འགྲིམ་འགྲུལ་ལས་འཛོལ་ཐོན་རྗེས། རླངས་འཁོར་ནས་དོན་ཏེ་འགན་འཁྲི་ཁུར་རྒྱུ་ལྟ་ཅི། དེ་ལས་ལྡོག་སྟེ་གནས་ཚུལ་ཐོན་ས་ནས་མགྱོགས་མྱུར་བྲོས་ཏེ་ཁྲིམས་ཀྱི་ཆད་པ་ལས་གཡོལ་རྩིས་བྱས། ཉེན་བརྡ་འབྱོར་རྗེས། རྒྱལ་རྩེ་རྫོང་སྤྱི་བདེ་ཅུས་འགྲིམ་འགྲུལ་དོ་དམ་རུ་ཆེན་གྱི་མི་དམངས་ཉེན་རྟོག་པ་མགྱོགས་མྱུར་ས་ཡུལ་དངོས་སུ་བསྐྱོད་ནས་རྩད་ཞིབ་དང་དཔང་རྟགས་ལེན་པའི་ལས་དོན་ཞིབ་ཕྲ་སྤེལ་བ་རེད། ཞིབ་བཤེར་བྱས་པ་བརྒྱུད། ཤུའེ་ཆེ་གེ་མོའི་བྱེད་སྤྱོད་དེ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་གཏན་འབེབས་གཉིས་ལས་འགལ་བ་སྟེ། གཅིག་ནི་ཁ་ལོ་བའི་ལག་ཁྱེར་མེད་པར་འཕྲུལ་སྒུལ་འཁོར་རིགས་བཏང་བ་དང་། གཉིས་ནི་འགྲིམ་འགྲུལ་ལས་འཛོལ་ཐོན་རྗེས་བྲོས་བྱོལ་དུ་སོང་ཡང་བྱས་ཉེས་ཀྱི་ཁོངས་སུ་གཏོགས་ཀྱི་མེད་ཅིང་། འབྲེལ་ཡོད་ཁྲིམས་སྲོལ་གཞིར་བཟུང་། སྤྱི་བདེ་ལས་ཁུངས་ཀྱིས་ཁྲིམས་ལྟར་ཤུའེ་ཆེ་གེ་མོའི་ཁྲིམས་འགལ་བྱེད་སྤྱོད་གཉིས་ལ་ཟླ་སྒྲིལ་ཆད་པ་བཅད་དེ་དངུལ་ཆད་སྒོར་3400ཡི་སྲིད་འཛིན་ཆད་པ་གཅོད་རྒྱུའི་གཏན་འབེབས་བྱས་པ་རེད།