-
རང་སྐྱོང་ལྗོངས་དཔལ་འབྱོར་དང་ཆ་འཕྲིན་ཅན་ཐིང་གིས་ཁྲིམས་སྐྱོང་གི་གཞོགས་འདེགས་ཆེད་དོན་བྱ་སྤྱོད་སྤེལ་བ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2025-11-25
འདི་ནི་བྱེད་སྒོ་སྤེལ་ཡུལ་ཡིན་པ།
ཉེ་ཆར། རང་སྐྱོང་ལྗོངས་དཔལ་འབྱོར་དང་ཆ་འཕྲིན་ཅན་ཐིང་གིས་ལྷ་སར“བཅའ་ཁྲིམས་ཞབས་ཞུའི་བཟོ་ལས་དང་ཆ་འཕྲིན་ཅན་སྤུས་ཚད་མཐོ་བའི་འཕེལ་རྒྱས”ཁྲིམས་སྐྱོང་གི་གཞོགས་འདེགས་ཆེད་དོན་བྱ་སྤྱོད་སྤེལ་བ་རེད། བྱེད་སྒོ་དེས“དྲ་ཐོག་དང་དྲ་ཕྱི་ཟུང་དུ་འབྲེལ་བའི”མཉམ་འབྲེལ་གྱི་བྱེད་སྟངས་སྤྱད་པར་ལྗོངས་ནང་ཁུལ་གྱི་ཁེ་ལས་འབྲིང་ཆུང་40ལྷག་ཙམ་གྱི་འཐུས་མི་ཞུགས་ཏེ། ཁེ་ལས་སྤུས་ཚད་མཐོ་བའི་འཕེལ་རྒྱས་འགྲོ་བར་ཁྲིམས་སྐྱོང་གི་རྨང་གཞི་བརྟན་པོ་གཏིང་ཡོད།
བྱེད་སྒོར་བཅའ་ཁྲིམས་ཀྱི་རིགས་གཅིག་མཁས་ཅན་གདན་དྲངས་ནས་གན་རྒྱའི་རྩོད་གཞི་དང་། ངལ་རྩོལ་གྱི་ལས་མི་སྤྱོད་པ། ཤེས་བྱའི་བདག་དབང་སྲུང་སྐྱོང་། སྲོལ་མཐུན་གཉེར་སྐྱོང་སོགས་ཀྱི་བཅའ་ཁྲིམས་ཀྱི་གནད་དོན་གཙོ་བོར་དམིགས་ཏེ་དབྱེ་ཞིབ་གཏིང་ཟབ་དང་གྱོད་དཔེ་མཉམ་སྤྱོད་བྱས་པ་མ་ཟད། 《ཁེ་ལས་བཅའ་ཁྲིམས་ཀྱི་ཐུན་མོང་གི་གནད་དོན་ལག་དེབ》སྤྲད་དེ་ཁེ་ལས་ཀྱི་ཉེན་ཁ་འགོག་ཟོན་ནུས་པ་ཆེ་རུ་བཏང་ཡོད།
འབྲེལ་ཡོད་གསར་འགྱུར།