ཉེ་དུས་ལྷ་ས་རྒྱལ་མཚམས་འཛུལ་སྒྲོལ་མཐའ་མཚམས་ཞིབ་བཤེར་ས་ཚིགས་ཀྱིས་རིགས་པའི་གཞུང་ལུགས་དང་བཀོལ་སྤྱོད་ཟུང་འབྲེལ་གྱི་བྱེད་སྟངས་སྤྱད་དེ། ཏང་དོན་ཤེས་བྱ་དང་རྩལ་ནུས་མཐོར་གཏོང་འཛིན་གྲྭ་གྲུབ་འབྲས་ཐོབ་པའི་ངང་གཉེར་བ་རེད། ཉིན་ཁ་ཤས་ཀྱི་གསོ་སྦྱོང་དེ་རིགས་པའི་གཞུང་ལུགས་སློབ་ཁྲིད་དང་། ཕྲན་ཚོགས་སློབ་ཚན་དཔྱད་བསྡུར། བཀོལ་སྤྱོད་འགྲེམས་འཁྲབ། བགྲོ་གླེང་སྤེལ་རེས་བཅས་ལྟེ་བའི་ལྷུ་ཚིགས་བཞིར་དམིགས་ནས། ཏང་དོན་ལས་དོན་པ་དང་ཏང་དོན་རྐང་འཛིན་པ་40ཡི་ཆེད་ལས་འཇོན་ཐང་ཆེ་རུ་བཏང་ཡོད།

ད་ཐེངས་ཀྱི་གསོ་སྦྱོང་ནང་རིགས་པའི་གཞུང་ལུགས་དང་ལག་ལེན་མཉམ་འདྲེས་གཏིང་ཟབ་བྱ་རྒྱུར་སྣང་ཆེན་བྱས་ཤིང་། རིགས་པའི་གཞུང་ལུགས་ཀྱི་ངོས་ནས་སློབ་མ་སྒྲིག་འཛུགས་ཀྱིས《ཀྲུང་གོ་གུང་ཁྲན་ཏང་གི་ཀྲི་པུའི་ལས་དོན་སྲོལ་ཡིག(ཚོད་ལྟའི་ལག་བསྟར)》དང་། 《ཏང་ཀྲི་པུའི་ལས་དོན་ཞིབ་སྲོལ》《ཏང་ཀྲི་པུའི་བཀོལ་སྤྱོད་ལག་དེབ》སོགས་སྒྲིག་སྲོལ་དང་ལམ་ལུགས་སློབ་སྦྱོང་གཏིང་ཟབ་བྱས་པ་མ་ཟད། རང་སྐྱོང་ལྗོངས་ཏང་ཨུད་ཀྱི་ཏང་གི་སློབ་གྲྭའི་དགེ་རྒན་ཆེ་མོ་བ་དང་ནང་སོག་མཐའ་མཚམས་ཞིབ་བཤེར་ས་ཚིགས་ཀྱི་ཏང་དོན་རྐང་འཛིན་པ་ཆེད་དོན་སློབ་ཁྲིད་བྱེད་པར་གདན་དྲངས་ཏེ། ཏང་གི་སྒྲིག་ཡིག་དང་སྒྲིག་སྲོལ། གཞི་རིམ་གྱི་རྩ་འཛུགས་འཛུགས་སྐྱོང་བཅས་ཀྱི་ཚད་གཞི་བརྒྱུད་རིམ་ལྡན་པའི་ངང་གསལ་འགྲེལ་བྱས་ནས། སློབ་མའི་རིགས་པའི་གཞུང་ལུགས་ཀྱི་རྨང་གཞི་བརྟན་དུ་ནུས་ལྡན་བཏང་ཡོད།