འདི་ནི་ཆབ་མདོ་གྲོང་ཁྱེར་རི་བོ་ཆེ་རྫོང་མེ་གསོད་རོགས་སྐྱོབ་རུ་ཆེན་གྱི་དྲིལ་བསྒྲགས་པས་མེ་ཟོན་ཤེས་བྱ་དྲིལ་བསྒྲགས་བྱེད་སྒོ་སློབ་གྲྭར་སྤེལ་བཞིན་པ།

འདི་ནི་ཉིང་ཁྲི་གྲོང་ཁྱེར་སྣང་རྫོང་མེ་གསོད་རོགས་སྐྱོབ་རུ་ཆེན་གྱི་མེ་གསོད་རུ་མིས་ཀྲུང་གོ་ཀོང་ཧོ་ནུས་རྒྱུ་སྣང་རྫོང་ཚད་ཡོད་ཀུང་སིར་བསྐྱོད་ནས་མེ་ཟོན་བདེ་འཇགས་སྐོར་གྱི་གསོ་སྦྱོང་བྱེད་བཞིན་པ།

འདི་ནི་ཉིང་ཁྲི་གྲོང་ཁྱེར་སྤོ་བོ་རྫོང་མེ་གསོད་རོགས་སྐྱོབ་རུ་ཆེན་གྱི་དྲིལ་བསྒྲགས་པས་ཁོངས་གཏོགས་ཁུལ་གྱི་མྱུར་སྐྱེལ་ས་ཚིགས་སུ་བསྐྱོད་དེ། “སྐྱེལ་ཞོར་དྲིལ་བསྒྲགས”ཞེས་པའི་བྱེད་སྒོ་སྤེལ་ནས་མེ་གསོད་བདེ་འཇགས་ཤེས་བྱ་མང་ཚོགས་ལ་ཁྱབ་སྤེལ་གཏོང་བཞིན་པ།

འདི་ནི་མངའ་རིས་ས་ཁུལ་མཚོ་ཆེན་རྫོང་མེ་གསོད་རོགས་སྐྱོབ་རུ་ཆེན་གྱི་དྲིལ་བསྒྲགས་པས་ཞིང་འབྲོག་ཁུལ་དུ་བསྐྱོད་དེ་མེ་ཟོན་ཤེས་བྱ་དྲིལ་བསྒྲགས་དང་མངོན་མེད་རྐྱེན་ངན་གྲལ་བཤེར་བྱེད་བཞིན་པ།

“མེ་ཟོན་དྲིལ་བསྒྲགས་ཟླ་བའི”བྱེད་སྒོ་སྤེལ་འགོ་བཙུགས་ཚུན་དུ། ལྗོངས་ཡོངས་ཀྱི་ས་གནས་ཁག་གི་གོང་འོག་ཀུན་གྱིས“ཀུན་གྱིས་མེ་ཟོན་བྱེད། ཚེ་སྲོག་གང་ལས་ལྷག —— བདེ་འཇགས་ངང་མེ་དང་གློག་བེད་སྤྱོད་བྱེད”ཅེས་པའི་བརྗོད་དོན་གཙོ་བོར་དམ་པོར་དམིགས་པ་དང་། དམངས་ཡོངས་ཀྱི་མེ་ཟོན་བདེ་འཇགས་ཀྱི་འདུ་ཤེས་ཟབ་ཏུ་གཏོང་རྒྱུ་དང་རང་སྲུང་རང་སྐྱོབ་ཀྱི་ནུས་པ་ཆེ་རུ་གཏོང་རྒྱུ་གཙོ་བོར་འཛིན་ནས། ལྗོངས་ཡོངས་སུ་རྣམ་པ་སྣ་ཚོགས་དང་དམངས་ཡོངས་ཞུགས་པའི་མེ་ཟོན་དྲིལ་བསྒྲགས་བྱེད་སྒོ་ཕྱོགས་ཡོངས་ནས་སྤེལ་ཏེ། མང་ཚོགས་དང་འབྲེལ་འདྲིས་དམ་ཟབ་ཐུབ་པའི་རྣམ་པ་དང་མི་སེམས་ལ་གཏིང་ཟབ་ཟུག་པའི་བྱ་ཐབས་བརྒྱུད་མེ་ཟོན་བདེ་འཇགས་ཀྱི་ཤེས་བྱ་ཁྱིམ་ཚང་ཁྲི་སྟོང་མང་པོར་ཁྱབ་སྤེལ་བཏང་ཡོད།