ལྗོངས་ཡོངས་ཀྱི་སྤྱི་བདེ་ལས་ཁུངས་ཀྱི་མངོན་མེད་རྐྱེན་ངན་གནས་ས་གཙོ་བོའི་རླངས་འཁོར་གྱི“ཉེན་སེལ་བྱ་སྤྱོད”ཀྱི་ཞིབ་ཕྲའི་བཀོད་སྒྲིག་དོན་འཁྱོལ་ནན་ཏན་དང་། སྐྱེལ་འདྲེན་ཁེ་ལས་ཀྱི་ཉེན་ཁའི་འདྲ་པར་ལ་དབྱེ་ཞིབ་དང་ཕན་འབྲས་བཀོལ་སྤྱོད་ལམ་སྲོལ་སྔར་བས་འཐུས་སྒོ་ཚང་དུ་གཏོང་བ། གཙོ་གནད་སྐྱེལ་འདྲེན་ཁེ་ལས་ཀྱི་ཉེན་ཁ་འགོག་སེལ་བྱེད་ཤུགས་ཆེ་རུ་གཏོང་བ་བཅས་བྱ་ཆེད། ཉེ་ཆར། ཆབ་མདོ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་དོ་དམ་ཉིང་ལག་ལག་རུ་ཁག་གིས་ཁོངས་གཏོགས་ཁུལ་གྱི་གཙོ་གནད་ཁེ་ལས(བོད་ལྗོངས་ཆབ་མདོ་ཧྲུན་ཐུང་རླངས་འཁོར་སྐྱེལ་འདྲེན་ཚད་ཡོད་ཀུང་སི་དང་། ཆབ་མདོ་གྲོང་ཁྱེར་ཙང་ཐུང་སྤྱི་པའི་འགྲིམ་འགྲུལ་ཚད་ཡོད་ཀུང་སི། ཆབ་མདོ་གྲོང་ཁྱེར་ཁམས་པའི་སྐྱེལ་འདྲེན་ལས་རིགས་ཚད་ཡོད་འགན་འཁྲི་ཀུང་སི། བོད་ལྗོངས་ཁྲེང་ཁང་སྐྱེལ་འདྲེན་ཚད་ཡོད་འགན་འཁྲི་ཀུང་སི་བཅས)སུ་བསྐྱོད་ནས་འགྲིམ་འགྲུལ་བདེ་འཇགས་ལ་ལྟ་སྐུལ་མཛུབ་ཁྲིད་དང་ཞིབ་བཤེར་བྱས་པ་རེད།