ཉིན་ཤས་གོང་། རང་སྐྱོང་ལྗོངས་ཞིབ་དཔྱོད་ཁང་གིས“ཉེས་ཁྲིམས་ཁྲིམས་སྒྱུར་ལྟ་སྐུལ་ལ་ཤུགས་སྣོན་བརྒྱབ་སྟེ་གཞུང་དྲང་དྲང་བདེན་ལ་སྲུང་སྐྱོང་ཧུར་ཐག་བྱེད”ཅེས་པ་བརྗོད་དོན་གཙོ་བོའི་ཞིབ་དཔྱོད་སྒོ་དབྱེའི་ཉིན་མོའི་བྱེད་སྒོ་སྤེལ་ཏེ། རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་དང་། རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི། རང་སྐྱོང་ལྗོངས་སྲིད་གྲོས་ཀྱི་ཨུ་ཡོན། རང་སྐྱོང་ལྗོངས་སྤྱི་བདེ་ཐིང་ལྟ་འདོམས་སྤྱི་ཁྱབ་རུ་ཁག རང་སྐྱོང་ལྗོངས་བཙོན་ཁང་དོ་དམ་ཅུས་བཅས་ཀྱི་འབྲེལ་ཡོད་མི་སྣས་ཉེས་ཁྲིམས་ཁྲིམས་སྒྱུར་གྱི་ཞིབ་དཔྱོད་ལས་དོན་ལ་ཐག་ཉེ་པོས་ཉམས་ལེན་དང་ཤེས་རྟོགས་བྱས་ཏེ་ཉེས་དོན་ཁྲིམས་སྒྱུར་གྱི་ཞིབ་དཔྱོད་ལས་དོན་སྤུས་ཚད་མཐོ་བའི་འཕེལ་རྒྱས་མཉམ་གླེང་བྱས་པ་རེད།

ཚོགས་ཞུགས་མི་སྣས་ལྗོངས་ཡོངས་ཀྱི་ཞིབ་དཔྱོད་ལས་ཁུངས་ཀྱི་ཉེས་དོན་ཁྲིམས་སྒྱུར་ཞིབ་དཔྱོད་ལས་དོན་ལ་ཁས་ལེན་གང་ལེགས་བྱས་ཏེ། ད་ཐེངས་ཀྱི་བྱེད་སྒོ་བརྒྱུད་ཉེས་དོན་ཁྲིམས་སྒྱུར་ཞིབ་དཔྱོད་ལས་དོན་ལ་དེ་བས་གཏིང་ཟབ་དང་ཐད་ཀའི་སྒོ་ནས་ཤེས་རྟོགས་བྱས་པ་མ་ཟད། ཞིབ་ཕྲའི་བསམ་འཆར་དང་གྲོས་འགོ་ཡང་བཏོན་ཡོད་པ་རེད།