ཉེ་ཆར། དིང་རི་རྫོང་གི་ཡུལ་མི་ངག་ཆེ་གེ་མོ་དང་སྤེན་ཆེ་གེ་མོ་གཉིས་དབར་གནད་དོན་ཆུང་ཆུང་ཞིག་གི་རྐྱེན་པས་རྒྱག་རེས་ཤོར་ཏེ་ཞུ་སྦྱོར་ཕྱི་མ་ངག་ཆེ་གེ་མོ་ཁོང་ཁྲོ་ལངས་ནས་སྤེན་ཆེ་གེ་མོར་ལག་པ་བཀྱག་པས་རྩིབ་མ་གཉིས་ཆག་པ་རེད། ཁྲིམས་འཛིན་གསལ་འབྱེད་བྱས་པ་བརྒྱུད། སྤེན་ཆེ་གེ་མོའི་རྨས་སྐྱོན་ནི་རྨས་སྐྱོན་ཆུང་བ་རིམ་པ་གཉིས་པའི་ཁོངས་སུ་གཏོགས་ཡོད།

དིང་རི་རྫོང་མི་དམངས་ཁྲིམས་ཁང་གིས་ཁྲིམས་ལྟར་ཞིབ་གཅོད་བྱས་པ་དང་འབྲེལ་ས་གནས་ས་ཐོག་ཏུ་ཁྲིམས་ཐག་བཅད་པ་གཤམ་གསལ་ཏེ། ཞུ་སྦྱོར་ཕྱི་མ་ངག་ཆེ་གེ་མོས་རྐང་བཙུགས་ནས་གནོད་འཚེ་བཏང་བས་རྨས་སྐྱོན་ཆུང་བ་རིམ་པ་གཉིས་པ་བཟོས་པ་དང་། ཁོའི་བྱེད་སྤྱོད་དེ་རྐང་བཙུགས་ནས་རྨས་སྐྱོན་བཏང་བའི་བྱས་ཉེས་ཀྱི་ཚད་དུ་བསླེབས་པས། དུས་བཀག་བཙོན་འཇུག་ལོ་གཅིག་དང་ལག་བསྟར་ཕྱིར་འགྱངས་ལོ་གཉིས་བྱ་རྒྱུ་དང་། གཞན་ཡང་སྤེན་ཆེ་གེ་མོས་ཞོར་འབྲེལ་དམངས་དོན་ཞུ་གཏུག་བརྒྱབ་པ་ལྟར་ཞུ་སྦྱོར་ཕྱི་མ་ངག་ཆེ་གེ་མོས་སྤེན་ཆེ་གེ་མོའི་སྨན་བཅོས་གྲོན་དངུལ་དང་ལས་ཤོར་གྲོན་དངུལ་སོགས་གྱོང་གུན་ཁག་སྒོར་55000སྤྲོད་རྒྱུའི་ཁྲིམས་ཐག་བཅད་པ་རེད།