ཉེ་ཆར། ཆབ་མདོ་གྲོང་ཁྱེར་སྟེང་ཆེན་རྫོང་སྤྱི་བདེ་ཅུས་ཁུལ་གསར་དམངས་ཕན་ཉེན་རྟོག་ཞབས་ཞུའི་ས་ཚིགས་སུ་ཧོ་ནན་ཞིང་ཆེན་ལོའུ་དབྱང་གྲོང་ཁྱེར་ནས་བསྐུར་བའི་མྱུར་སྐྱེལ་བསྐུར་མ་ཞིག་འབྱོར། བསྐུར་མའི་ནང་གོས་དར་ཞིག་དང་ཐུགས་རྗེ་ལེགས་འབུལ་ཞུ་བའི་ཡི་གེ་གཉིས་བླུགས་ཡོད། ཡི་གེ་མཐོང་མ་ཐག་མི་དམངས་ཉེན་རྟོག་པས་རོགས་སྐྱོབ་ཀྱི་འདས་དོན་དག་ཡིད་ལ་དྲན།

ལོ་69ལ་སླེབས་པའི་ལུའོ་དབྱང་གི་བགྲེས་སོང་ཞིག་གིས་འཁོར་གསུམ་སྦག་སྦག་བཏང་ནས་བོད་དུ་ཡོང་། ས་བབ་མཐོ་ཚད་སྨི་4000ལྷག་ཙམ་གྱི་སར་འཁོར་གསུམ་སྦག་སྦག་ལ་སྐྱོན་ཤོར་བ་མ་ཟད་བགྲེས་སོང་ལ་ཡང་ལ་དུག་ཕོག ཉེན་རྟོག་པར་གནས་ཚུལ་སྙན་སེང་འབྱོར་རྗེས་ལས་རེས་ཉེན་རྟོག་པ་ནོར་བུ་དང་ཚེ་འགྱུར་གྱིས་འཕྲལ་མར་གནས་ཚུལ་ཐོན་སར་བསྐྱོད། ཚེ་འགྱུར་གྱིས་བགྲེས་སོང་ལ་སེམས་གསོ་བཏང་ནས་འཕྲལ་མར་སྨན་པ་དང་འབྲེལ་གཏུག་བྱས་ཏེ་བགྲེས་སོང་གི་གཟུགས་པོར་བརྟག་དཔྱད་བྱས།

བགྲེས་སོང་གིས་སྦག་སྦག་ཁྱིམ་དུ་དབོར་རྩིས་ཡོད་པ་ནོར་བུས་ཤེས་ནས་མི་20ཙམ་ལ་ཁ་པར་བརྒྱབ། མཐར་མངགས་སྐྱེལ་བྱེད་མཁན་གྱི་ཟོག་འགྲེམས་ཀུང་སི་ཞིག་དང་འབྲེལ་བ་ཐུབ། མི་དམངས་ཉེན་རྟོག་པས་བགྲེས་སོང་གི་གཟུགས་པོའི་གནས་ཚུལ་ལ་གཞིགས་ཏེ་ཁོང་ལ་ཡག་ཤོས་བྱུང་ན་འགྲུལ་སྐྱེལ་རླངས་འཁོར་བསྡད་ནས་ཕ་ཡུལ་ལོའུ་དབྱང་དུ་ལོག་དགོས་པའི་ཁ་ཏ་བྱས་པ་མ་ཟད། ནོར་བུས་སེམས་ཀྱི་མ་བཟོད་པར་བགྲེས་སོང་ཁོང་འགྲུལ་སྐྱེལ་ས་ཚིགས་སུ་བསྐྱལ།

བགྲེས་སོང་ཁྱིམ་དུ་འབྱོར་རྗེས་སྟེང་ཆེན་རྫོང་དུ་འཕྲད་པའི་མི་དམངས་ཉེན་རྟོག་པ་གཉིས་པོའི་བཀའ་དྲིན་ཡིད་ལ་འཁོར་ནས་ཁོང་གཉིས་ལ་གོས་དར་དང་ཐུགས་རྗེ་ལེགས་འབུལ་ཞུ་བའི་ཡི་གེ་བསྐུར། བར་ཐག་ལེ་དབར་2000ཙམ་ཆོད་པའི་ཐུགས་རྗེ་ལེགས་འབུལ་ཞུས་པ་དེས་དམངས་ཕན་ཉེན་རྟོག་ཞབས་ཞུའི་ས་ཚིགས་ཀྱི་མི་དམངས་ཉེན་རྟོག་པ་དང་ལས་རོགས་ཉེན་རྟོག་པ་ཚང་མར་ལྕག་སྐུལ་ཆེན་པོ་ཐེབས་ཡོད། ཁོང་ཚོས་མུ་མཐུད་ས་མཐོར་དུས་བདེ་བསྲུངས་ནས་དམག་དམངས་ཉ་ཆུ་ལྟར་གྱི་བརྩེ་སེམས་ཟབ་པའི་གཏམ་རྒྱུད་མུ་མཐུད་རྩོམ་གྱི་ཡིན་ཞེས་བཤད།