ཁ་རུབ་ཆུས་སྤྱི་བདེ་ཅུས་ཀྱིས་རིན་ཐང་སྒོར་ཁྲི་30ཟིན་པའི་རྩ་ཆེའི་རྒྱན་ཆ་འཚོལ་རོགས་བྱས་པ།
གསར་འགོད་པར་ཆབ་མདོ་གྲོང་ཁྱེར་ཁ་རུབ་ཆུས་སྤྱི་བདེ་ཅུས་ནས་ཤེས་རྟོགས་བྱུང་བར། ཉེ་ཆར། གྲོང་མི་ངག་ལགས་སེམས་འཚབ་ཆེན་པོས་ཁ་རུབ་ཆུས་ཨོ་རོང་ཁྲོམ་གཞུང་དམངས་ཕན་ཉེན་རྟོག་ཞབས་ཞུའི་ས་ཚིགས་སུ་ཡོང་ནས་་རང་ཉིད་ཀྱིས་ཡིད་གཟབ་མ་བྱས་པའི་རྐྱེན་གྱིས་བརླག་པའི་ལུས་འབྱར་ཁུག་མའི་ནང་རིན་ཐང་བསྡོམས་སྒོར་ཁྲི་30ཟིན་པའི་རྩ་ཆེའི་རྒྱན་ཆ་བླུགས་ཡོད་པས་རོགས་པ་གནང་རོགས་ཞེས་རེ་ཞུ་ཞུས།
ཉེན་བརྡ་འབྱོར་རྗེས། ཨོ་རོང་ཁྲོམ་གཞུང་དམངས་ཕན་ཉེན་རྟོག་ཞབས་ཞུའི་ས་ཚིགས་ཀྱི་ལས་རེས་མི་དམངས་ཉེན་རྟོག་པ་དང་ལས་རོགས་ཉེན་རྟོག་པས་འཕྲལ་མར་བྱ་སྤྱོད་སྤེལ་ཞིང་། ཕྱོགས་མང་པོའི་ཐད་ནས་གྲལ་བཤེར་བྱས་པ་བརྒྱུད། ཆུ་ཚོད་གཅིག་ཙམ་ལས་མ་འགོར་བར་ཁུག་མ་རྙེད་ནས་གྲོང་མི་ངག་ལགས་ལ་སྤྲད་པ་རེད།
“ཁྱེད་ཚོར་ཐུགས་རྗེ་ཆེ་ཞུ་གི་ཡིན། བློ་མཐུན་ཉེན་རྟོག་པའི་ལས་ཕྱོད་ཧ་ཅང་ཆེན་པོ་འདུག”ཅེས་གྲོང་མི་ངག་ལགས་ཀྱིས་མི་དམངས་ཉེན་རྟོག་པ་དང་ལས་རོགས་ཉེན་རྟོག་པའི་ལག་ནས་ཁུག་མ་ལེན་བཞིན་དེ་ལྟར་བརྗོད་པ་དང་འབྲེལ། མི་དམངས་ཉེན་རྟོག་པ་དང་ལས་རོགས་ཉེན་རྟོག་པར་ཐུགས་རྗེ་ཆེ་ཡང་ཡང་ཞུས། ལས་ཕྱོད་ཆེ་བའི་འཚོལ་ཞིབ་ཐེངས་གཅིག་དང་མི་སེམས་དྲོ་བའི་ཕྱིར་སྤྲོད་ཐེངས་གཅིག་ལས“མི་དམངས་སྤྱི་བདེས་མི་དམངས་ལ་ཞབས་འདེགས་ཞུ་བའི”ཐོག་མའི་བསམ་འདུན་དང་འགན་འཁྲི་དང་ལས་ཕྱོད་ཆེ་བའི་ལས་ཀའི་སྤྱོད་ཚུལ་མངོན་ཡོད་པ་རེད།
ཁ་རུབ་ཆུས་སྤྱི་བདེ་ཅུས་ཀྱིས་དྲན་སྐུལ་བྱས་དོན། ཕྱིར་འགྲོ་སྐབས་ངེས་པར་དུ་རང་ཉིད་ཀྱི་ལུས་འབྱར་དངོས་པོར་བདག་པོ་ཡག་པོ་རྒྱག་དགོས་པ་དང་། ཧོལ་རྒྱུག་ཤོར་ནས་དགོས་མེད་ཀྱི་གྱོང་གུན་མི་ཕོག་པར་བྱེད་དགོས། རྒྱུ་ནོར་བརླག་པ་ཤེས་འཕྲལ་110ལ་ཁ་པར་བརྒྱབ་ནས་རོགས་པ་བྱེད་རོགས་ཞུ་དགོས།
འབྲེལ་ཡོད་གསར་འགྱུར།