ཉིན་ཤས་གོང་། གཞིས་རྩེ་གྲོང་ཁྱེར་སྤྱི་བདེ་ཅུས་ཀྱི་མཉམ་སྒྲུབ་དམག་འཐབ་རུ་ཆེན་གྱིས་ཆེད་ལས་ཀྱི་ལེགས་ཆ་བཏོན་ཏེ་མང་ཚོགས་གཉིས་ཀྱིས་བོར་བརླག་སོང་བའི་དངོས་པོ་རྩ་ཆེན་སྔ་རྗེས་སུ་བཙལ་འཚོལ་ཐུབ་སྟེ། དཔལ་འབྱོར་གྱི་གྱོང་གུན་སྒོར་ཁྲི་8ལྷག་ཙམ་མི་ཕོག་པར་བྱས་པས། མང་ཚོཌ་དང་གཞི་རིམ་མི་དམངས་ཉེན་རྟོག་པའི་གདེང་འཇོག་ཡག་པོ་ཐོབ་ཡོད།

དེ་ཉིན་བསམ་གྲུབ་རྩེ་ཆུས་སྤྱི་བདེ་ཅུས་དམངས་སྤྱོད་མཁའ་འགྲུལ་ཐོག་ཁང་གི་དམངས་ཕན་ཉེན་རྟོག་ས་ཚིགས་སུ་རོགས་སྐྱོར་ཉེན་བརྡ་འབྱོར་ནས་སྒོར་ཁྲི་2ལྷག་ཙམ་རི་བའི་གསེར་གྱི་མགུལ་རྒྱན་ཐོ་རེངས་སུ་ཅི་ལིན་ལྷོ་ལམ་གྱི་ཨར་ཁང་ཞིག་གི་སྒོ་ཆེན་དུ་བརླག་སོང་ཞེས་བཤད། བརྡ་འབྱོར་རྗེས་མཉམ་སྒྲུབ་དམག་འཐབ་རུ་ཆེན་གྱིས་མགྱོགས་མྱུར་བྱ་སྤྱོད་སྤེལ་ཞིང་། ཉིན་དེ་རང་དུའང་བསམ་གྲུབ་རྩེ་ཆུས་སྤྱི་བདེ་ཅུས་རྒྱ་མཚོ་གཞུང་ཤང་མངགས་གཏོང་ཁང་དུའང་ཉེན་བརྡ་འབྱོར་ནས། ལྗའུ་གྲང་གི་ཤར་སྒོ་ནས་གློག་སྒུལ་འཁོར་གསུམ་དཀར་པོ་ཞིག་ལ་བསྡད་དེ་ཁྲོམ་ར་ཞིག་ཏུ་སྐྱོད་སྐབས་དངུལ་སྨར་སྒོར་63000བླུགས་པའི་ལྟོ་ཕད་གློག་སྒུལ་འཁོར་གསུམ་ནང་ལུས་པས་འཚོལ་རོགས་ཤེས་བཤད།

ཉེན་བརྡ་འབྱོར་རྗེས་མཉམ་སྒྲུབ་དམག་འཐབ་རུ་ཆེན་གྱི་ཉེན་རྟོག་པས་མགྱོགས་མྱུར་བྱ་སྤྱོད་སྤེལ་བ་རེད། ཉེན་རྟོག་པས་བོར་བརླག་སོང་བའི་དངོས་པོའི་བཟོ་ལྟ་དང་། དུས་ཚོད། ས་གནས་སོགས་ཀྱི་གནས་ཚུལ་སྐད་ཆ་ཞིབ་ཕྲ་དྲིས་པ་མ་ཟད། ཉེན་རྟོག་པ་མང་པོ་བཏང་བ་དང་ཆུ་ཚོད་32ལྷག་རིང་གི་ལམ་རྒྱུད་ཀྱི་ལྡིར་ཆས་བརྙན་ཕབ་ལ་བལྟས་པ་རེད། དབྱེ་ཞིབ་ཞིབ་ཚགས་དང་འབད་བརྩོན་ལྷོད་མེད་བྱས་པ་བརྒྱུད་བོར་བརླག་སོང་བའི་ཁྲི་2ལྷག་ཙམ་རི་བའི་གསེར་གྱི་མགུལ་རྒྱན་དང་དངུལ་སྨར་སྒོར་63000བཙལ་འཚོལ་ཐུབ་ནས་བདག་པོ་གཉིས་ལ་སྤྲད་པ་རེད།