གཞིས་རྩེ་གྲོང་ཁྱེར་དིང་རི་རྫོང་གི་སྐྱེས་པ་ཞིག་གིས་རྐུ་མ་ཐེངས་མང་བརྒྱབ་པས་ཁྲིམས་ཆད་ཕོག་པ།
ཉེ་ཆར། དིང་རི་རྫོང་མི་དམངས་ཁྲིམས་ཁང་གིས་ཁྲིམས་བཞིན་ཡོངས་བསྒྲགས་ཁྲིམས་ར་འཚོགས་ནས་ཞིབ་གཅོད་བྱས་པ་དང་འབྲེལ། ཁྲིམས་ར་དེ་རང་དུ་རྐུ་མ་བརྒྱབ་པའི་གྱོད་གཞི་ཞིག་ལ་ཁྲིམས་ཐག་བཅད་དེ། རྐུ་མ་བརྒྱབ་པའི་བྱས་ཉེས་བསགས་པའི་ཞུ་སྦྱོར་ཕྱི་མ་མཚམས་ཆེ་གེ་མོར་དུས་བཀག་བཙོན་འཇུག་ཟླ་བ་བཅུ་ཡི་ཁྲིམས་ཆད་བཅད་པ་དང་། དངུལ་ཆད་སྒོར་2000བཏང་བ་རེད།
དིང་རི་རྫོང་མི་དམངས་ཁྲིམས་ཁང་གིས་ཞིབ་གཅོད་བྱས་པ་བརྒྱུད། ཞུ་སྦྱོར་ཕྱི་མ་མཚམས་ཆེ་གེ་མོས་ཁྲིམས་འགལ་བདག་འཛིན་དམིགས་ཡུལ་དུ་བཟུང་ནས་མི་གཞན་གྱི་རྒྱུ་ནོར་ཐེངས་མང་བརྐུས་པ་མ་ཟད། དངུལ་འབོར་ཅུང་ཆེ་བ་དང་། དེའི་བྱེད་སྤྱོད་རྐུ་མ་བརྒྱབ་པའི་བྱས་ཉེས་གྲུབ་པས། ཉེས་དོན་འགན་འཁྲི་བདའ་འདེད་གཏོང་དགོས་པའི་ངོས་འཛིན་བྱས་པ་རེད།
གྱོད་དོན་དེའི་ནང་། ཞུ་སྦྱོར་ཕྱི་མ་མཚམས་ཆེ་གེ་མོས་མི་གཞན་གྱི་རྒྱུ་ནོར་ཐེངས་མང་བརྐུས་མཐར་དུས་བཀག་བཙོན་འཇུག་ཟླ་བ་བཅུ་ཡི་ཁྲིམས་ཆད་བཅད་པ་དང་ཆབས་ཅིག་དངུལ་ཆད་སྒོར་2000ཕོག་སྟེ། རང་ཉིད་ཀྱི་རང་དབང་ཤོར་བ་མ་ཟད། ཐ་ན་མི་གཤིས་དང་ལ་རྒྱ་ཡང་མེད་པར་གྱུར་ཡོད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཉེས་ཁྲིམས》དང་འབྲེལ་ཡོད་ཁྲིམས་འཛིན་གསལ་འགྲེལ་གྱི་གཏན་འབེབས་གཞིར་བཟུང་། གཞུང་དང་སྒེར་གྱི་རྒྱུ་ནོར་རིན་ཐང་སྒོར་ཆིག་སྟོང་ནས་སུམ་སྟོང་ཡན་བར་བརྐུས་ན“དངུལ་འབོར་ཅུང་ཆེ་བའི”ཁོངས་སུ་གཏོགས་པ་དང་། ལོ་གཉིས་ནང་རྐུ་མ་ཐེངས་གསུམ་ཡན་བརྒྱབ་ན“རྐུ་མ་ཐེངས་མང་བརྒྱབ་པའི”བྱས་ཉེས་གྲུབ་ཀྱི་ཡོད། རྒྱ་ཆེའི་མང་ཚོགས་ཀྱིས་གྱོད་གཞི་ལས་སློབ་གསོ་ཐེབས་པར་བྱས་ཏེ། རང་ཉིད་ཀྱི་ལག་གཉིས་ལ་བརྟེན་ནས་བདེ་སྐྱིད་ལྡན་པའི་འཚོ་བ་གཏོད་པ་དང་། ཡིད་རྟོན་ལ་བརྟེན་ནས་བདེ་འཇགས་སྲུང་བའི་དྲན་སྐུལ་བྱས་པ་རེད།
འབྲེལ་ཡོད་གསར་འགྱུར།