-
ཚད་ལྡན་དོ་དམ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2025-07-22
ཟླ་6ཚེས་17ཉིན། གསར་འགོད་པས་རྒྱལ་ཁབ་རླུང་འཕྲིན་བརྙན་འཕྲིན་སྤྱི་ཁྱབ་ཅུས་ནས་ཤེས་རྟོགས་བྱས་པར་གཞིགས་ན། ཉེ་ཆར། སྤྱི་ཁྱབ་ཅུས་ཀྱིས་དྲ་སྦྲེལ་བརྙན་འཕྲིན་གྱི་རང་འགུལ་རིན་སྤྲོད་ཞབས་ཞུར་དམིགས་པའི་ཆེད་དོན་ཚད་ལྡན་དོ་དམ་བྱེད་ཐབས་ལག་ལེན་བསྟར་བ་རེད། ད་ཐེངས་བཅོས་སྐྱོང་བྱེད་རིང་སྤྱོད་མཁན་གྱིས་དོ་ཁུར་བྱེད་མང་བའི་རང་འགུལ་རིན་སྤྲོད་སྐབས“གྲོན་དངུལ་མ་འཐེན་གོང་དྲན་སྐུལ་མེད་པ”དང“ཞབས་ཞུ་མཚམས་འཇོག་པའི་བརྒྱུད་རིམ་རྙོག་འཛིང་ཆེ་བ” “ཞུ་གཏུག་ཐབས་ལམ་བདེ་བླག་མེད་པ”སོགས་ཀྱི་གནད་དོན་ལ་དམིགས་ཏེ། ཞབས་ཞུའི་སྒྲིག་སྲོལ་ཚད་ལྡན་དུ་བཏང་བ་བརྒྱུད། དྲ་སྦྲེལ་བརྙན་འཕྲིན་གྱི་འཛད་སྤྱོད་ཉམས་ལེན་ཁྱོན་ཡོངས་ནས་ལེགས་སུ་གཏོང་བ་དང་། བརྙན་འཕྲིན་གྱི“བསླུ་འགུག”གྲོན་བསྡུ་བཅོས་སྐྱོང་གི་ལས་དོན་སྲ་བརྟན་དུ་གཏོང་བའི་རྨང་གཞིའི་ཐོག དེ་བས་དྲང་གཞག་དང་། ཁ་གསལ། སྟབས་བདེ་བཅས་ཀྱི་དྲ་སྦྲེལ་བརྙན་འཕྲིན་ཞབས་ཞུའི་ཁོར་ཡུག་བསྐྲུན་རྒྱུ་རེད།
འབྲེལ་ཡོད་གསར་འགྱུར།