འདི་ནི་སྒྲོག་འགྲེལ་རུ་ཁག་གིས་མང་ཚོགས་ལ་ཁྲིམས་སྐྱོང་དྲིལ་བསྒྲགས་དཔྱད་ཡིག་སྤྲོད་བཞིན་པ།

ཉིན་ཤས་གོང་། ནག་ཆུ་གྲོང་ཁྱེར་ལྷ་རི་རྫོང་ཁྲིམས་འཛིན་ཅུས་ཀྱིས་ཕྱོགས་མང་པོའི་སྟོབས་ཤུགས་མཉམ་འབྲེལ་བྱས་ནས་སྒྲོག་འགྲེལ་རུ་ཁག་བཙུགས་ཏེ་མཚོ་སྟོད་ཤང་དུ་བསྐྱོད་ནས“གྲོང་གསེབ་དར་རྒྱས་དང་ཁྲིམས་སྐྱོང་མཉམ་འགྲོགས”ཀྱི་ཁྲིམས་སྐྱོང་བྱེད་སྒོ་སྤེལ་བ་རེད། ད་ཐེངས་ཀྱི་བྱེད་སྒོ་མཚོ་སྟོད་ཤང་གི་གྲོང་ཚོ་6ལ་ཁྱབ་པ་མ་ཟད། གཞི་རིམ་གྱི་སྤྱི་པའི་བཅའ་ཁྲིམས་ཞབས་ཞུའི་ལས་དོན་པ་260ལྷག་ཙམ་ཧུར་ཐག་ཞུགས་ནས་དྲིལ་བསྒྲགས་དཔྱད་ཡིག་1300ལྷག་ཙམ་བཀྲམ་སྟེ་གྲོང་གསེབ་དར་རྒྱས་ལ་ཁྲིམས་སྐྱོང་གི་སྒུལ་ཤུགས་བསྣན་ཡོད།

“གྲོང་གསེབ་དར་རྒྱས་ཀྱི་ཁྲིམས་སྐྱོང་སློབ་ཚན”གྱི་བྱེད་སྒོ་སྤེལ་རིང་། ཁྲིམས་རྩོད་དང་བླངས་པ་དང་། མི་དམངས་འདུམ་འགྲིག་དང་བླངས་པ། གཞུང་དཔང་དང་བླངས་པ་བཅས་ཀྱིས་གྲོང་ཚོའི་བཅའ་ཁྲིམས་ཞབས་ཞུའི་རྐང་འཛིན་པ་102ལ་དམིགས་ནས་བརྒྱུད་རིམ་ལྡན་པའི་ཁྲིམས་སྐྱོང་གསོ་སྦྱོང་བྱས་པ་དང་། བཅའ་ཁྲིམས་ཤེས་མཁན་དང་། གྲོང་ལྷན་གྱི་བཅའ་ཁྲིམས་བློ་འདྲི་བ། མི་དམངས་འདུམ་འགྲིག་པ་བཅས“སུ་ཞིག་ཡིན་པ་དང་། ཇི་ལྟར་སྒྲུབ་པ། སུ་ཞིག་གིས་སྒྲུབ་པ”བཅས་ལ་དམིགས་ནས་འགྲེལ་བཤད་ཞིབ་ཕྲ་རྒྱག་པ། གཙོ་གནད་ཐོག《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》དང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་ཁྲིམས་གཞུང》 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་རོགས་སྐྱོར་བཅའ་ཁྲིམས》སོགས་རྨང་གཞིའི་བཅའ་ཁྲིམས་ཤེས་བྱར་གསལ་འགྲེལ་རྒྱག་པ། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་དམངས་འདུམ་འགྲིག་བཅའ་ཁྲིམས》ཀྱི་འབྲེལ་ཡོད་ནང་དོན་ལ་འགྲེལ་བཤད་གཏིང་ཟབ་བརྒྱབ་པ་རེད།