-
ཉེ་འགྲམ་གྱི་དཔེ་མཚོན་ལ་སློབ་སྦྱོང་བྱས་ནས་དཔོན་དམག་གི་ངར་ཤུགས་འཕེལ་བར་བྱས་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2025-04-29
འདི་ནི་སྙན་ཞུའི་ཚོགས་འདུ་འཚོག་ཡུལ་ཡིན་པ།
ཉེ་ཆར་བོད་དམག་ཁུལ་ཁང་གི་དཔུང་སྡེ་ཞིག་གིས“འཐབ་རྩལ་གྱི་གཞི་རྩའི་སྒྲིག་འཛུགས་སྦྱོང་བརྡར་གྱི་རྐང་འཛིན་སྔོན་ཐོན་བྱས་རྗེས་ཀྱི་སྙན་ཞུའི་ཚོགས་འདུ་དང‘ལོ་བརྒྱར་འབད་འབུངས་མདུན་སྐྱོད་བྱེད། མཐའ་མཚམས་ཕུགས་འདུན་དོན་དུ་གཉེར’བའི་དམག་དཔུང་སྟོབས་ཆེའི་གཏམ་རྒྱུད་ཚོགས་འདུ”འཚོགས་ནས་དཔོན་དམག་ཚོའི་སྣེ་ཁྲིད་དེ་ཉེ་འགྲམ་གྱི་དཔེ་མཚོན་ལ་སློབ་སྦྱོང་དང་མི་རྣམས་འབད་འབུངས་མདུན་སྐྱོད་ལ་སྐུལ་བའི་དམག་དཔུང་སྟོབས་ཆེའི་གཏམ་རྒྱུད་བརྗོད་དེ་མིག་དཔེའི་སྟོབས་ཤུགས་མྱོང་ཚོར་བྱས་ཡོད།
བྱས་རྗེས་སྙན་ཞུའི་ཚོགས་འདུའི་ཐོག བརྙན་ཡོལ་ནས་སྦྱོང་བརྡར་ནང་ཞུགས་མཁན་རུ་མི་ཚོའི་གདོང་མཆོངས་ཀྱི་ཉམས་འགྱུར་རེ་རེ་དང་དཔའ་ངར་ཞུམ་མེད་ཀྱི་གཟུགས་བརྙན་རེ་རེ་བཞིན་མངོན་ཡོད། སྦྱོང་བརྡར་སྒྲིག་འཛུགས་རུ་དཔོན་ཅང་ཝུའེ་ཡིས་མེ་ཏོག་སོས་པས་མཐའ་སྐོར་བའི་འཆད་སྟེགས་ཐོག་ཁོང་དང་རུ་མི་ཚོས་རང་ངོས་ལས་འགྲན་སློང་བྱེད་པའི་བསམ་པའི་མྱོང་བ་བརྗོད་ཡོད། ཁོང་ཚོའི་འགྲན་བསྡུར་ར་བའི་ཐོག་གི་གཏམ་རྒྱུད་དག་མི་རྣམས་འབད་འབུངས་མདུན་སྐྱོད་ལ་སྐུལ་བའི་དུང་བརྡ་ལྟར་འཆད་སྟེགས་འོག་གི་བྱས་རྗེས་འཇོག་འདོད་པའི་དཔོན་དམག་ཚོར་སྐུལ་ལྕག་བྱེད་པ་དང་གཉིས་སུ་མ་མཆིས།
གཏམ་རྒྱུད་རེ་རེ་ནི་གསོན་ཉམས་དོད་པའི་བསླབ་གཞི་ཞིག་དང་མཚུངས་ལ་སྙན་ཞུ་ཉན་ཐེངས་རེ་རེར་བསམ་བློར་ཞུན་བརྡར་ཐེངས་རེ་སྤྲས་པ་ལྟར་སྣང་། དམག་དཔུང་སྟོབས་ཆེར་གཏོང་བའི་གཏམ་རྒྱུད་ཚོགས་འདུའི་ཐོག དཔོན་དམག་8ཀྱིས་རང་ཉིད་ཀྱི་མྱོང་བ་དང་ཟུང་འབྲེལ་དང་ཉེ་འགྲམ་གྱི་མིག་དཔེ་བཙལ་ནས་བརྩེ་བ་ཟབ་མོས་དཔོན་དམག་ཚོའི་ཕུགས་འདུན་དོན་གཉེར་གྱི་གཏམ་རྒྱུད་བརྗོད་པ་དང་གསོན་ཉམས་དོད་པའི་མི་སྣའི་གཟུགས་བརྙན་རེ་རེ་གར་སྟེགས་ཐོག་མངོན་ཡོད།
སྙན་ཞུའི་ཚོགས་འདུ་གཉིས་རིམ་པ་བཞིན་འཚོགས་པས་གཟི་བརྗིད་ཀྱི་སེམས་པ་དང་འགན་འཁྲི་འཁུར་སེམས་ཀྱིས་ཁེངས་ནས་མི་རྣམས་འབད་འབུངས་མདུན་སྐྱོད་ལ་སྐུལ་བ་དང་འགན་འཁྲི་འཁུར་ཕོད་པའི་སེམས་པ་མངོན་ཏེ། དཔུང་སྡེ་དེའི་སྤྱི་ཡོངས་འཛུགས་སྐྱོང་ལ་དྲང་ནུས་བསྣན་པ་དང་རྣམ་པ་གསར་པ་མངོན་ཡོད། “མིག་དཔེ་མེ་ལོང་དུ་འཛིན་ནས་དཔེ་མཚོན་ལ་སློབ་སྦྱོང་བྱེད་དགོས། བྱས་རྗེས་སྙན་ཞུ་དང་དམག་དཔུང་སྟོབས་ཆེར་གཏོང་བའི་གཏམ་རྒྱུད་ཉན་རྗེས་ངས་རང་འཁྲིའི་ལས་གནས་ལ་གཞི་ཚུགས་ཏེ། ཆེད་ལས་རྩལ་ནུས་སྦྱོང་བརྡར་ཧུར་ཐག་བྱེད་པ་དང་ལས་འགན་ཁག་ཚད་གཞི་མཐོ་པོས་ལེགས་སྒྲུབ་བྱས་ཏེ་བྱ་སྤྱོད་དངོས་ལ་བརྟེན་ནས་རྩ་འཛུགས་ཀྱི་ཡིད་ཆེས་དང་རེ་སྒུག་ཆུད་ཟོས་སུ་མི་གཏོང་བར་དམག་དཔུང་བཙུགས་ནས་ལོ་བརྒྱ་འཁོར་བའི་འབད་འཐབ་དམིགས་ཚད་མངོན་འགྱུར་བྱ་ཆེད་རང་ཉིད་ཀྱི་སྟོབས་ཤུགས་ལེགས་སྐྱེས་འབུལ་རྒྱུ་ཡིན”ཞེས་དཔུང་སྡེ་དེའི་དཔོན་དམག་ཀྲའེ་ཡན་པོ་ཡིས་བྱེད་སྒོ་མཇུག་འགྲིལ་རྗེས་དེ་ལྟར་བཤད།