འདི་ནི་བྱེད་སྒོ་སྤེལ་ཡུལ་ཡིན་པ།

《ན་སོ་དར་ལ་མ་བབས་པའི་མིའི་དྲ་རྒྱའི་སྲུང་སྐྱོང་སྲོལ་ཡིག》དྲིལ་བསྒྲགས་གཏིང་ཟབ་བྱས་ཏེ་ན་སོ་དར་ལ་མ་བབས་པའི་མིའི་དྲ་རྒྱའི་བདེ་འཇགས་འདུ་ཤེས་ཟབ་ཏུ་གཏོང་བ་དང་རང་སྲུང་ནུས་པ་ཕྱོགས་ཡོངས་ནས་ཆེ་རུ་གཏོང་ཆེད། ཉེ་ཆར་རང་སྐྱོང་ལྗོངས་ཏང་ཨུད་དྲ་འཕྲིན་གཞུང་དོན་ཁང་གིས་རང་སྐྱོང་ལྗོངས་སྤྱི་བདེ་ཐིང་དྲ་རྒྱའི་བདེ་འཇགས་སྤྱི་ཁྱབ་རུ་ཁག་དང་རང་སྐྱོང་ལྗོངས་སློབ་གསོ་ཐིང་དང་མཉམ་དུ“eབཅའ་ཁྲིམས་དང་མཉམ་དུ་འགྲོགས་ནས་འབྱུང་འགྱུར་སྲུང”ཞེས་པ་བརྗོད་དོན་གཙོ་བོར་བྱས་པའི“སློབ་འགོ་ཚུགས་པའི་སློབ་ཚན་དང་པོའི”དྲ་རྒྱའི་བཅའ་ཁྲིམས་ཁྱབ་གདལ་དྲིལ་བསྒྲགས་བྱེད་སྒོ་སློབ་གྲྭར་སྤེལ་བ་རེད།

ན་སོ་དར་ལ་མ་བབས་པའི་མིའི་དྲ་རྒྱའི་སྲུང་སྐྱོང་ཁྱབ་ཁོངས་ཀྱི་རིགས་གཅིག་མཁས་ཅན་ཧྲེན་ཡའོ་ལིན་གྱིས《ན་སོ་དར་ལ་མ་བབས་པའི་མིའི་དྲ་རྒྱའི་སྲུང་སྐྱོང་སྲོལ་ཡིག》གཙོ་གནད་དུ་བཟུང་སྟེ། དྲ་ཐོག་ནས་གྲོགས་པོ་སྒྲིག་པ་དང་། རོལ་རྩེད་ལ་དངུལ་གཏོང་བ། དྲ་ཐོག་ནས་དབང་ཡོད་འཁུར་བ། མི་སྒེར་གྱི་ཆ་འཕྲིན་ཕྱིར་གྱར་བ་སོགས་ཀྱི་དཔེ་མཚོན་གྱོད་དཔེར་དམིགས་ནས། ལྷ་ས་གྲོང་ཁྱེར་མཐོ་རིམ་སློབ་འབྲིང་གཉིས་པའི་སློབ་གྲོགས་ཚོར་དྲ་རྒྱའི་བྱ་སྤྱོད་ཀྱི་བཅའ་ཁྲིམས་དང་མི་མངོན་པའི་ཉེན་ཁ་དོན་ཟབ་ཅིང་གོ་བདེ་ཤེས་སླའི་ཐོག་ནས་གསལ་བཤད་བྱས་པར། སློབ་མ་ཚོའི་ཡིད་དབང་ཅིག་ཅར་བཀུག་པ་མ་ཟད། དགའ་བསུ་ཡང་ཚད་མེད་ཐོབ་ཡོད་པ་རེད།

དེ་དང་ཆབས་ཅིག སློབ་གྲྭའི་ལུས་རྩལ་ཐང་ཆེན་དུ་བཅའ་ཁྲིམས་ཁྱབ་གདལ་དྲིལ་བསྒྲགས་འགྲེམས་སྟོན་ཁུལ་བཙུགས་ནས་ཉེན་རྟོག་པ་ཚོས་སློབ་གྲོགས་ཚོར“དྲ་རྒྱའི་གནོད་འཚེ་བཀག་འགོག་ཇི་ལྟར་བྱེད་པ”དང“དབང་གནོད་རོགས་སྐྱོབ་ཐབས་ལམ་དང་བྱེད་སྟངས”སོགས་སྐོར་གྱི་གནད་དོན་ལ་ལན་བཏབ་པ་རེད། ད་ཐེངས་ཀྱི་བྱེད་སྒོར་སློབ་མ་1500ལྷག་ཙམ་ཞུགས་པར་ཤེས་བྱའི་ལག་དེབ་དང་པར་རིས་6000ལྷག་ཙམ་དང་དྲིལ་བསྒྲགས་དངོས་རྫས་ཁྱོན་1500ལྷག་ཙམ་སྤྲད་ཡོད་པ་རེད།