དབུ་ཤོག>ཁྲིམས་ལུགས།>ཁྲིམས་ལུགས་གསར་འགྱུར།
  • ལྷ་ས་སྨན་བཅོས་འགན་བཅོལ་གཏོང་སྤྲོད་བྱེད་སྟངས་སྒྱུར་བཅོས་ཀྱི་རྒྱལ་ཁབ་རིམ་པའི་དཔེ་མཚོན་དུ་བདམས་པ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2025-04-01

    ཉེ་ཆར་རྒྱལ་ཁབ་སྨན་བཅོས་འགན་སྲུང་ཅུས་ཀྱིས་རྒྱལ་ཡོངས་ཀྱི་སྨན་བཅོས་འགན་བཅོལ་གཏོང་སྤྲོད་བྱེད་སྟངས་སྒྱུར་བཅོས་ཀྱི་དཔེ་མཚོན་ཁྱབ་བསྒྲགས་བྱས་ཤིང་། ལྷ་ས་གྲོང་ཁྱེར་སྨན་བཅོས་འགན་སྲུང་ཅུས་ཀྱིས་ཕུལ་བའི《སྨན་བཅོས་འགན་བཅོལ་གཏོང་སྤྲོད་བྱེད་སྟངས་སྒྱུར་བཅོས་ཟབ་ཏུ་བཏང་ནས“སྨན་བཅོས་འགན་སྲུང་སྡེ་ཚན་དང་། སྨན་བཅོས་སྒྲིག་གཞི། ནད་པ”བཅས་ཕྱོགས་གསུམ་ཀར་ཕན་པ་ཐོབ་པར་རམ་འདེགས་བྱེད》ཅེས་པའི་དཔེ་མཚོན་དེ་ལྗོངས་ཡོངས་ནས་བདམས་པའི་སྨན་བཅོས་འགན་བཅོལ་གཏོང་སྤྲོད་བྱེད་སྟངས་སྒྱུར་བཅོས་ཀྱི་རྒྱལ་ཁབ་རིམ་པའི་དཔེ་མཚོན་འབའ་ཞིག་དེ་ཡིན་པ་རེད།

    ལྷ་ས་གྲོང་ཁྱེར་འདི་ཉིད་རྒྱལ་ཁབ་སྨན་བཅོས་འགན་སྲུང་ཅུས་ཀྱིས་ས་ཁོངས་བརྩི་ཐབས་ཀྱི་བསྡོམས་འབོར་སྔོན་རྩིས་དང་ནད་རིགས་དང་གྲངས་ཐང་ལྟར་དངུལ་སྤྲོད་པའི(DIP)ཚོད་ལྟའི་གྲོང་ཁྱེར་དུ་གཏན་འཁེལ་བྱས་པ་ནས་བཟུང་། ལྷ་ས་གྲོང་ཁྱེར་སྨན་བཅོས་འགན་སྲུང་ཅུས་ཀྱིས་བྱ་སྤྱོད་ཧུར་ཐག་སྤེལ་ནས་DIPགཏོང་སྤྲོད་བྱེད་སྟངས་སྒྱུར་བཅོས་དོན་འཁྱོལ་ལ་སྐུལ་འདེད་བཏང་ཡོད། འཕྲོད་བསྟེན་བདེ་ཐང་སྡེ་ཚན་དང་ཚོད་ལྟའི་སྨན་བཅོས་སྒྲིག་གཞིའི་བསམ་འཆར་བསྡུ་ལེན་ཐེངས་མང་བྱས་པ་བརྒྱུད། ཅུས་དེས་ལྗོངས་ཡོངས་ཀྱི་སྔོན་ལ་རྒྱལ་ཁབ་ཀྱི་རྨང་གཞིའི་དཔར་གཞིའི་DIPཆ་འཕྲིན་མ་ལག་ནས་དངོས་སུ་སྨན་རིན་སྤྲོད་པ་དང་ཞིབ་རྩིས་བརྒྱབ་པར་རྒྱལ་ཁབ་སྨན་བཅོས་འགན་སྲུང་ཅུས་ཀྱི་ཚད་མཐོའི་གདེང་འཇོག་ཐོབ་ཡོད།

    ལྷ་ས་གྲོང་ཁྱེར་སྨན་བཅོས་འགན་སྲུང་ཅུས་ཀྱིས་DIPགཏོང་སྤྲོད་སྒྱུར་བཅོས་ལ་སྐུལ་འདེད་གཏོང་བའི་བརྒྱུད་རིམ་ནང་། གྲངས་གཞི་ནས་གནས་ཚུལ་ཁ་གསལ་ཤེས་རྒྱུ་མཐའ་འཁྱོངས་བྱས་ཤིང་། ཚད་ལེན་ཞིབ་རྩིས་དང་འབྲེལ་གཏུག་ཡང་ཡང་བྱས་པ་བརྒྱུད། མཐའ་མཇུག་གི་ཚོ་ཆུང་ཁག་བགོས་ཀྱི་དཀར་ཆག་དང་གྲངས་ཐང་གི་བསྡུར་ཚད་ཆགས་པར་མ་ཟད། ཞིབ་ཚགས་ཅན་གྱི་དོ་དམ་ཆུ་ཚད་མཐོར་གཏོང་མགྱོགས་པའི་སྨན་ཁང་ལ་བྱ་དགའ་སྤྲད་དེ་འཇོན་པ་བསྐོ་གཞག་དང་མི་འཇོན་པ་ཕྱིར་འཐེན་གྱི་འགྲན་རྩོད་ལམ་སྲོལ་བཏོད་ཡོད།

    ལྷ་ས་གྲོང་ཁྱེར་གྱི་DIPཚོད་ལྟའི་སྨན་བཅོས་སྒྲིག་གཞིའི་2023ལོའི་འགྲོ་གྲོན་ཞིབ་རྩིས་གནས་ཚུལ་ལ་བལྟས་ན། གྲོང་ཁྱེར་ཡོངས་ཀྱི་གཞི་རྩའི་སྨན་བཅོས་འགན་བཅོལ་ནང་ཞུགས་མཁན་གྱི་ཆ་སྙོམས་ནད་སྡོད་སྨན་རིན་དམའ་རུ་དང་། ནད་སྡོད་ནད་པ་མི་སྒེར་གྱི་ཁུར་པོ་ཡང་དུ། ཆ་སྙོམས་ནད་སྡོད་ཉིན་གྲངས་ཉུང་དུ་བཅས་ཕྱིན་ནས་སྒྱུར་བཅོས་ཀྱི་ཕན་འབྲས་མངོན་གསལ་དོད་པོ་ཐོན་ཡོད། གཞན་ཡང་ལྷ་ས་གྲོང་ཁྱེར་སྨན་བཅོས་འགན་སྲུང་ཅུས་ཀྱིས་ད་དུང་DIPནད་རིགས་དཀར་ཆག་མཛོད་རྒྱུན་ཆད་མེད་པར་འཐུས་སྒོ་ཚང་དུ་བཏང་བ་དང་། DIPགཏོང་སྤྲོད་བྱེད་སྟངས་སྒྱུར་བཅོས་ཀྱི་ཁྱབ་ཁོངས་ཆེ་རུ་བཏང་བ་མ་ཟད། རྫོང་ཁོངས་སྨན་བཅོས་གཅིག་མཐུན་ཚོགས་པའི་སྨན་བཅོས་འགན་བཅོལ་བསྡོམས་འབོར་གྱི་རིན་སྤྲོད་ཀྱི“ཐུམ་རྒྱག”གཏོང་སྤྲོད་ཚོད་ལྟའི་ལས་དོན་ལ་སྐུལ་འདེད་བཏང་ནས་སྒྱུར་བཅོས་ཟམ་མི་ཆད་པར་གཏིང་ཟབ་དུ་འགྲོ་བར་སྐུལ་འདེད་བཏང་ཡོད།

    ད་ཐེངས་རྒྱལ་ཁབ་རིམ་པའི་དཔེ་མཚོན་ལ་བདམས་པ་དེ་ནི་སྨན་བཅོས་འགན་བཅོལ་གཏོང་སྤྲོད་བྱེད་སྟངས་སྒྱུར་བཅོས་ཐད་ལྷ་ས་གྲོང་ཁྱེར་ལ་ཐོབ་པའི་གྲུབ་འབྲས་ལ་ཁས་ལེན་བྱས་པ་ཞིག་རེད། ལྷ་ས་གྲོང་ཁྱེར་སྨན་བཅོས་འགན་སྲུང་ཅུས་ཀྱིས་DIPགཏོང་སྤྲོད་བྱེད་སྟངས་སྒྱུར་བཅོས་ཚད་ཤིང་དུ་བྱས་ཏེ་སྨན་བཅོས་དང་། སྨན་བཅོས་འགན་བཅོལ། སྨན་རྫས་བཅས་མཐུན་སྦྱོར་ངང་འཕེལ་རྒྱས་དང་བཅོས་སྐྱོང་བྱེད་པར་སྐུལ་འདེད་བཏང་ནས། མི་དམངས་མང་ཚོགས་ལ་དེ་བས་སྤུས་ལེགས་དང་ནུས་ཆེའི་སྨན་བཅོས་འགན་སྲུང་གི་ཞབས་འདེགས་ཞུ་རྒྱུ་རེད། 

    འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

མཉམ་སྤྱོད།

འབྲེལ་ཡོད་གསར་འགྱུར།