ཉེ་ཆར། ཆེས་མཐོའི་ཞིབ་དཔྱོད་ཁང་གསར་འགྱུར་གཞུང་དོན་ཁང་གིས་སྒྲིག་འཛུགས་བྱས་ནས་སྤེལ་བའི་2024ལོའི་རྒྱལ་ཡོངས་ཀྱི་ཕུལ་བྱུང་ཞིབ་དཔྱོད་དྲ་རྒྱའི་བརྩམས་ཆོས་བསྡུ་རུབ་འགྲེམས་སྟོན་བྱེད་སྒོའི་གྲུབ་འབྲས་ཁྱབ་བསྒྲགས་བྱས་པ་རེད། རང་ལྗོངས་ཀྱི་ལྷ་ས་གྲོང་ཁྱེར་ཁྲེང་ཀོན་ཆུས་མི་དམངས་ཞིབ་དཔྱོད་ཁང་གི་བརྩམས་ཆོས《འགྱོད་བཤགས》ལ“དྲ་རྒྱའི་དྲང་ནུས་ཀྱི་ཕུལ་བྱུང་བརྩམས་ཆོས”ཀྱི་བྱ་དགའ་ཐོབ་པ་རེད།

ངོ་སྤྲོད་བྱས་པར་གཞིགས་ན། བརྩམས་ཆོས་དེ་ནི་གྱོད་དཔེ་དངོས་རྨང་གཞིར་བྱས་ནས་སྲོལ་རྒྱུན་གྱི་གཏམ་བཤད་བྱེད་སྟངས་དོར་ཏེ་གནས་ཚུལ་རྒྱས་བཀྲོལ་དང་། བཅའ་ཁྲིམས་འགྲེལ་བཤད། གནས་ལུགས་ཤོད་པ་བཅས་ཟུང་འབྲེལ་གྱི་རྣམ་པའི་ཐོག་ནས་མིག་སྔའི་ན་སོ་དར་ལ་མ་བབས་པའི་མིར་འདོད་སྲེད་ཀྱི་གནོད་འཚེ་ཕོག་པའི་གནས་ཚུལ་ཚབས་ཆེན་ཐད་ཀར་མངོན་པར་བྱས་ཡོད། དེ་དང་ཆབས་ཅིག རྒྱ་བོད་སྐད་གཉིས་སྤྱད་ཡོད་པས་ས་གནས་ཀྱི་ཁྱད་ཆོས་མངོན་གསལ་དོད་པོ་ལྡན་ཡོད།