འདི་ནི་ལྷ་ས་གྲོང་ཁྱེར་ཆུ་ཤུར་རྫོང་ཚྭ་རགས་ཤང་ཁྲིམས་འཛིན་སུའོ་ཡི་ལས་དོན་པས་ཚྭ་རགས་ཤང་སློབ་ཆུང་དུ“ཁྲིམས་སྐྱོང་གི་སློབ་ཚན་དང་པོ”འཚོགས་ནས། སློབ་མར་ན་སོ་དར་ལ་མ་བབས་པའི་མིའི་ཁེ་དབང་དང་ཉེས་གསོག་སྔོན་འགོག་གི་ཤེས་བྱ་སློབ་ཁྲིད་བྱེད་བཞིན་པ།

འདི་ནི“བྱང་ཐང་གི་ཁྲིམས་རྩོད་པ་ཆུང་ཆུང”གི་མགོ་ཤུབས་གྱོན་པའི་ནག་ཆུ་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གི་ཁྲིམས་དཔོན་གྱིས་ནག་ཆུ་གྲོང་ཁྱེར་དམའ་རིམ་སློབ་འབྲིང་གི་དགེ་སློབ་དང་ཁྱིམ་བདག་ཚོའི་སྣེ་ཁྲིད་ནས“དུག་འགོག”དམ་བཅའ་འཇོག་བཞིན་པ།

སློབ་དུས་གསར་པ་འགོ་ཚུགས་ཚུན། རང་ལྗོངས་ཀྱི་ས་གནས་ཁག་གི་སློབ་གྲྭ་ཁག་གིས“སློབ་འགོ་ཚུགས་པའི་ཁྲིམས་སྐྱོང་སློབ་ཚན་དང་པོའི”བྱེད་སྒོ་ཧུར་ཐག་སྤེལ་ནས། གཞོན་ནུ་ལོ་ཆུང་གི་ཁྲིམས་སྐྱོང་འདུ་ཤེས་ཟབ་ཏུ་བཏང་སྟེ། ཁྲིམས་སྐྱོང་ལ་བརྟེན་ནས་གཞོན་ནུ་ལོ་ཆུང་བདེ་ཐང་ངང་འཚར་ལོངས་ཡོང་བར་བྱས་ཡོད། ད་ཐེངས་ཀྱི་བྱེད་སྒོར་ཁྲིམས་སྐྱོང་དྲིལ་བསྒྲགས་དང་། དྲ་ཐོག་ནས་ཁྲིམས་སྐྱོང་སློབ་ཚན་ཐད་གཏོང་བྱེད་པ། འགྲིམ་འགྲུལ་བདེ་འཇགས་དྲིལ་བསྒྲགས་སོགས་བྱས་ཡོད་ལ། བྱེད་ཐབས་སྣ་མང་དང་། ནང་དོན་ཕུན་སུམ་ཚོགས་པ། དམིགས་སའི་རང་བཞིན་ཆེ་བ་བཅས་ཡོད་པས། དགེ་སློབ་ཚོའི་དགའ་བསུ་ཆེན་པོ་ཐོབ་ཡོད།