འདི་ནི་དཔོན་དམག་ཚོས་གསོ་རླུང་རྔུབ་བཞིན་པ།

ཉེ་བའི་ལོ་ཤས་རིང་། བོད་དམག་ཁུལ་ཁང་ཏང་ཨུད་ཀྱིས་དཔོན་དམག་གི་གསོ་རླུང་སྤྱོད་པའི་ཆ་རྐྱེན་ལེགས་སུ་གཏོང་རྒྱུ་དེ་གཞི་རིམ་གྱི་དཀའ་གནད་ཐག་གཅོད་དང་བྱ་བ་དངོས་སྒྲུབ་པའི་ནང་དོན་གལ་ཆེན་ཞིག་ཏུ་བརྩིས་ནས་རྒྱུན་མཐུད་སྐུལ་འདེད་བཏང་སྟེ། དགོས་མཁོས་སྣེ་ཁྲིད་དང་། དམག་གྲབས་སྔོན་ལ་འཇོག་པ། ཡུལ་བབ་དང་བསྟུན་པ་བཅས་མཐའ་འཁྱོངས་ཀྱིས་ས་མཐོའི་གསོ་རླུང་མཁོ་སྤྲོད་འཛུགས་སྐྲུན་ལ་སྐུལ་འདེད་གོ་རིམ་ལྡན་པ་བཏང་སྟེ་ས་མཐོའི་དཔོན་དམག་ཚོའི་གསོ་རླུང་མཁོ་སྤྲོད་འགན་ལེན་གྱི་དཀའ་གནད་ནུས་ལྡན་བསལ་ཡོད། གཏན་འཇགས་རྣམ་པའི་གསོ་རླུང་མཁོ་སྤྲོད་ས་ཚིགས་དང་། མཐོ་གནོན་གསོ་རླུང་ཁང་། གསོ་རླུང་ཁང་། གནོན་ཕྲན་དབྱང་མང་ཁང་། སྔས་མགོ་དང་ཅོག་ཙེའི་གསོ་རླུང་མཁོ་སྤྲོད་མཇུག་སྣེ། དབྱང་མང་སྦྱོང་བརྡར་ཁང་། དབྱང་བཟོའི་སྒྲོམ་ཚང་། འཁྱེར་བདེའི་དབུགས་དམ་སོགས་སྤྱོད་གོ་ཆོད་པ་དང་ཕན་ནུས་ལྡན་པའི་དབྱང་བཟོའི་སྒྲིག་ཆས་གཞི་རིམ་དུ་བཙུགས་པ་དང་གཞི་རིམ་ལ་ཞབས་འདེགས་ཞུ་གི་ཡོད་པ་རེད། དཔོན་དམག་ཚོར་ལས་ཀ་དང་ངལ་གསོ་གང་ཡིན་རུང་དུས་དང་རྣམ་པ་ཀུན་ཏུ་གསོ་རླུང་རྔུབ་ཐུབ་པ་བྱུང་ནས། “གཏན་འཇགས་དང་། སྐབས་བསྟུན། འཁྱེར་བདེ་བ”བཅས་ཁྱོན་ཡོངས་ལ་ཁྱབ་པ་དང་གསབ་རེས་རྣམ་པའི་འགན་སྲུང་མངོན་འགྱུར་བྱུང་ཡོད།

དཔོན་དམག་གི་དགོས་མཁོ་ཡིན་ལ་དམག་གྲབས་ཀྱི་དགོས་མཁོ་ཡང་རེད། བོད་དམག་ཁུལ་ཁང་གིས“འཛུགས་སྐྲུན་དང་། དོ་དམ། བཀོལ་སྤྱོད། ཉམས་གསོ། སྦྱོང་བརྡར”བཅས་གཞི་གཅིག་ཅན་ལ་གཞི་ཚུགས་ནས། གནས་ཁྱོན་ཟུང་འབྲེལ་དང་སྐས་རིམ་ཁྱབ་འགྱེད་ཀྱི་ས་མཐོའི་གསོ་རླུང་མཁོ་སྤྲོད་འགན་སྲུང་མ་ལག་རྒྱུན་མཐུད་འཛུགས་པ་དང་། ས་མཐོའི་གསོ་རླུང་མཁོ་སྤྲོད་ཀྱི་སྤུས་ནུས་རྒྱུན་ཆད་མེད་པར་ཆེ་རུ་བཏང་ནས། ས་མཐོའི་དཔོན་དམག་གི་ལུས་སེམས་བདེ་ཐང་ལ་སྲུང་སྐྱོང་དང་། མཐའ་སྟོབས་བོད་བརྟན་གྱི་བླ་ན་མེད་པའི་འགན་འཁྲི་སྒྲུབ་པར་རམ་འདེགས་བྱས་ཡོད་པ་རེད།