པར་①②ནི་སྦྱོང་བརྡར་བྱ་ཡུལ་ཡིན་པ།

པར་③④ནི་རོགས་སྐྱོར་བྱ་ཡུལ་ཡིན་པ།

ཉིན་ཤས་གོང་། བོད་ལྗོངས་ནགས་ཚལ་མེ་ཟོན་སྤྱི་ཁྱབ་རུ་ཁག་གི་རུ་མི་གསར་པའི་སྦྱོང་བརྡར་རུ་ཆེན་གྱིས་བཀོད་འཐབ་པ་སྒྲིག་འཛུགས་བྱས་ཏེ་དོན་སྙིང་ལྡན་པའི་ཕྱིར་རོལ་གྱི་སྦྱོང་བརྡར་ཞིག་བྱས་པ་རེད།

བཀའ་བཏང་བ་དང་བསྟུན་ནས། བཀོད་འཐབ་པ་མྱུར་དུ་རུ་སྟར་བསྒྲིགས་ཏེ་འགྲན་སློང་གི་ཕྱུག་པའི་ཐག་རིང་དཔུང་སྐྱོད་འགོ་ཚུགས། སྟབས་བསྟུན་དཔུང་སྐྱོད་དང་། རྐང་ཐང་དཔུང་སྐྱོད། དམག་དཔུང་མྱུར་སྐྱོད་སོགས་དཔུང་སྐྱོད་ཀྱི་ལྷུ་ཚིགས་སྣ་མང་ཕུན་སུམ་ཚོགས་པ་དང་། མེ་ཟོན་རུ་མི་གསར་པས་རི་ཀླུང་བརྒལ་བ་དང་ཁུར་པོ་ལྕི་པོ་ཁུར་ཏེ་མདུན་སྐྱོད་བྱས་ནས། སྟབས་བསྟུན་དཔུད་སྐྱོད་བརྒྱུད་ཐག་རིང་དཔུང་སྐྱོད་ཀྱི་རྣམ་པར་གོམས་པ་དང་། རྐང་ཐང་དཔུང་སྐྱོད་ཀྱིས་བཀོད་འཐབ་པ་ཚོའི་ཟུངས་ནུས་དང་སྙུགས་ཤེད་ལ་ཚོད་བགམ་བྱས་ཡོད། དམག་དཔུང་མྱུར་སྐྱོད་ཀྱི་བརྒྱུད་རིམ་ཁྲོད། ལམ་བར་དུ་དཀའ་ཚེགས་ཆེ་ནའང་། འཐབ་གྲོགས་ཕན་ཚུན་གཡས་གཞོགས་གཡོན་འདེགས་བྱས་པས། མཐར་དཔུང་སྐྱོད་ཀྱི་ལས་འགན་ལེགས་གྲུབ་བྱུང་བ་རེད།

བོད་ལྗོངས་ནགས་ཚལ་མེ་ཟོན་སྤྱི་ཁྱབ་རུ་ཁག་གི་འབྲེལ་ཡོད་འགན་འཁུར་བས“ད་ཐེངས་ཀྱི་ཕྱིར་སྐྱོད་སྦྱོང་བརྡར་དེས། མེ་ཟོན་རུ་མི་གསར་པས‘རི་ཁུལ་གྱི་གནས་ཚུལ་ཀུན་ཤེས་མཁན་དང་། བྱ་སྤྱོད་མགྱོགས་མྱུར་སྤེལ་མཁན། ས་བཀྲ་གསོན་པོ’བཅས་ཀྱི་ནགས་ཚལ་མེ་ཟོན་རུ་ཁག་གི་ཐབས་མཆོག་གསུམ་སྔར་བས་རྒྱུན་འཛིན་དང་དར་སྤེལ་བཏང་སྟེ། དཀའ་ཚེགས་ཆེ་བའི་ཁོར་ཡུག་ཁྲོད་རང་ཉིད་ལས་ཚད་བརྒལ་བྱུང་བ་མ་ཟད། འབྱུང་འགྱུར་གྱི་མེ་ཟོན་རོགས་སྐྱོབ་ལས་དོན་ལ་རྩ་ཆེའི་ཉམས་མྱོང་ཡང་བསགས་ཡོད། སླད་ཕྱིན་གྱི་ལས་དོན་ཁྲོད་བཀོད་འཐབ་པ་ཚོས་མེ་ཟོན་རོགས་སྐྱོབ་རུ་ཁག་གི་ལས་འགན་དང་འགན་འཁྲི་ལག་ལེན་བསྟར་ནས། བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་རྩ་བའི་འདུ་ཤེས་བརྟན་པོ་བཙུགས་ཏེ། བོད་ཀྱི་རི་སྔོན་ཆུ་དྭངས་ལ་སྲུང་སྐྱོང་བྱེད་པར་དེ་བས་སྲ་ཞིང་བརྟན་པའི་སྟོབས་ཤུགས་སྐྱེས་སུ་འབུལ་རྒྱུའི་རེ་བ་ཡོད”ཅེས་གསར་འགོད་པར་བརྗོད་བྱུང་།