འདི་ནི་ཆེད་དོན་བྱ་སྤྱོད་འགོ་ཁྲིད་ཚོགས་ཆུང་གི་ལས་དོན་པས་དྲ་ཁང་ཞིག་ལ་ཞིབ་བཤེར་བྱེད་བཞིན་པ།

འདི་ནི་ཆེད་དོན་བྱ་སྤྱོད་འགོ་ཁྲིད་ཚོགས་ཆུང་གི་ལས་དོན་པས་རྡོ་ཐ་ཆེད་ཚོང་ཁང་ཞིག་ལ་ཞིབ་བཤེར་བྱེད་བཞིན་པ།

ཉེ་ཆར། ལྷ་ས་གྲོང་ཁྱེར་ཞིབ་དཔྱོད་ལས་ཁུངས་ཀྱིས་ཞིབ་དཔྱོད་ལྟ་སྐུལ་གྱི་འགན་ནུས་ལ་གཞིས་ཚུགས་པའི་ཐོག་ཨར་ཁང་དང་། KTV འགྲུལ་ཁང་སོགས་སུ་ན་སོ་དར་ལ་མ་བབས་པའི་མི་ཁྲིམས་འགལ་སྒྲིག་འགལ་གྱི་ཉེས་གསོག་ཐོན་སླ་བའི་གནད་དོན་ལ་དམིགས་ཏེ། གྲོང་ཁྱེར་ཞིབ་དཔྱོད་ཁང་གིས་སྣེ་ཁྲིད་ནས་འབྲེལ་ཡོད་སྡེ་ཚན་དང་མཉམ་དུ“ཞིབ་དཔྱོད་ལྟ་སྐུལ་དང་། སྲིད་འཛིན་ཁྲིམས་སྒྱུར། ཁྲིམས་ལུགས་ཁྱབ་གདལ་དྲིལ་བསྒྲགས་བཅས་ཟུང་དུ་འབྲེལ་བའི”རྣམ་པའི་ཐོག་ནས་གྲོང་ཁྱེར་ཡོངས་ཀྱི་ཁྱབ་ཁོངས་སུ་ན་སོ་དར་ལ་མ་བབས་པའི་མིར་འཚམ་པོ་མེད་པའི་བྱེད་སྤོ་སྤེལ་ཡུལ་ལ་ཆེད་དོན་ལྟ་སྐུལ་ཞིབ་བཤེར་གྱི་བྱ་སྤྱོད་སྤེལ་བ་རེད།

གསར་འགོད་པར་ཤེས་རྟོགས་བྱུང་བར། 2025ལོའི་ཟླ་1ཚེས་14ཉིན་བཀྲམ་པའི《ལྷ་ས་གྲོང་ཁྱེར་གྱི་ན་སོ་དར་ལ་མ་བབས་པའི་མིར་འཚམ་པོ་མེད་པའི་བྱེད་སྒོ་སྤེལ་ཡུལ་དུ་ཆེད་དོན་ལྟ་སྐུལ་ཞིབ་བཤེར་བྱ་སྤྱོད་ཀྱི་ལག་བསྟར་ཇུས་གཞི》དང་། འགན་ནུས་སྡེ་ཚན་ཁག་གིས་རང་རང་སོའི་སོའི་འགན་ནུས་ལ་གཞིགས་ཏེ། སློབ་གྲྭའི་ཉེ་འཁོར་གྱི་ཐ་མག་འཚོང་ས་དང་། རོལ་རྩེད་འགྲུལ་ཁང་། དྲ་ཁང་། PSརོལ་རྩེད་འཕྲུལ་འཁོར་མྱོང་རོལ་ཁང་། ཨར་ཁང་། KTV སོགས་བྱེད་སྒོ་སྤེལ་ཡུལ་དུ་མཉམ་འབྲེལ་ཞིབ་བཤེར་བྱེད་རིང་། ན་སོ་དར་ལ་མ་བབས་པའི་མིར་འཚམ་པོ་མེད་པའི་བྱེད་སྒོ་སྤེལ་ཡུལ་དུ་ན་སོ་དར་ལ་མ་བབས་པའི་མི་འགྲོ་མི་ཆོག་པའི་མཚོན་རྟགས་བསྒར་མེད་པ་དང་འགྲུལ་ཁང་སོགས་ཀྱིས་སྤྱི་བདེ་པུའི“ངེས་པར་དུ་དགོས་པ་ལྔའི”ལམ་ལུགས་ལ་དེ་ཙམ་རྒྱུས་མངའ་མེད་པ་ཤེས་རྟོགས་བྱུང་འཕྲལ། འགན་ནུས་སྡེ་ཚན་ཁག་གིས་བཅོས་སྒྲིག་བྱེད་དགོས་པའི་བསམ་འཆར་བཏོན་པ་རེད།