ལག་ཁྱེར་མེད་པར་རླངས་འཁོར་གཏོང་བའི་བྱེད་སྤྱོད་ཀྱིས་འགྲོ་ལམ་འགྲིམ་འགྲུལ་སྒྲིག་ལམ་ལ་གཏོར་བཤིག་ཚབས་ཆེན་བཟོ་བ་མ་ཟད། རང་ཉིད་དང་མི་གཞན་གྱི་ཚེ་སྲོག་དང་རྒྱུ་ནོར་གྱི་བདེ་འཇགས་ལ་འཇིགས་སྐུལ་ཆེན་པོ་བཟོ་གི་ཡོད། འགྲོ་ལམ་འགྲིམ་འགྲུལ་བདེ་འཇགས་དང་། གོ་རིམ་ལྡན་པ། ཤར་གཏོང་ཐུབ་པ་བཅས་འགན་ལེན་ཏན་ཏིག་བྱེད་ཆེད། ལྷ་སའི་འགྲིམ་འགྲུལ་ཉེན་རྟོག་པས་ཉེ་དུས་འགྲིམ་འགྲུལ་ཁྲིམས་འགལ་གྱི་བྱེད་སྤྱོད་སྣ་ཚོགས་བཅོས་སྒྲིག་བྱེད་ཤུགས་ཆེ་རུ་བཏང་བས་ལག་ཁྱེར་མེད་པར་རླངས་འཁོར་བཏང་བའི་གྱོད་གཞི་མང་པོ་གཅིག་རྗེས་གཉིས་མཐུད་ངང་རྩད་ཆོད་པ་རེད། ཞིབ་ཕྲའི་གྱོད་དཔེ་གཤམ་ལྟར།

གྱོད་དཔེ་དང་པོ།

རྩད་ཆོད་པའི་དུས་ཚོད། 2025ལོའི་ཟླ་2ཚེས་7ཉིན་གྱི་ཆུ་ཚོད་11དང་སྐར་མ་40ལ།

རྩད་ཆོད་ས། ལྷུན་གྲུབ་རྫོང་སྐལ་བཟང་ཟམ་པའི་ལམ་དུམ།

འཁོར་རྟགས། བོད་A****3

ཁྲིམས་འགལ་བ། ཚེ་ཆེ་གེ་མོ།

གྱོད་དཔེ་གཉིས་པ།

རྩད་ཆོད་པའི་དུས་ཚོད། 2025ལོའི་ཟླ་2ཚེས་7ཉིན་གྱི་ཆུ་ཚོད་11དང་སྐར་མ་50ལ།

རྩད་ཆོད་ས། ལྷུན་གྲུབ་རྫོང་སྐལ་བཟང་ཟམ་པའི་ལམ་དུམ།

འཁོར་རྟགས། བོད་A****1

ཁྲིམས་འགལ་བ། ལིའུ་ཆེ་གེ་མོ།

གྱོད་དཔེ་གསུམ་པ།

རྩད་ཆོད་པའི་དུས་ཚོད། 2025ལོའི་ཟླ་2ཚེས་7ཉིན་གྱི་ཆུ་ཚོད་16དང་སྐར་མ་12ལ།

རྩད་ཆོད་ས། ཉང་བྲན་ཤང་གི་ལམ་དུམ།

འཁོར་རྟགས། བོད་A****0

ཁྲིམས་འགལ་བ། ཀུན་ཆེ་གེ་མོ།

གྱོད་དཔེ་བཞི་པ།

རྩད་ཆོད་པའི་དུས་ཚོད། 2025ལོའི་ཟླ་2ཚེས་7ཉིན་གྱི་ཆུ་ཚོད་16དང་སྐར་མ་41ལ།

རྩད་ཆོད་ས། ཉང་བྲན་ཤང་གི་ལམ་དུམ།

འཁོར་རྟགས། བོད་A****0

ཁྲིམས་འགལ་བ། དོན་ཆེ་གེ་མོ།

གྱོད་དཔེ་ལྔ་པ།

རྩད་ཆོད་པའི་དུས་ཚོད། 2025ལོའི་ཟླ་2ཚེས་8ཉིན་གྱི་ཆུ་ཚོད་11དང་སྐར་མ་08ལ།

རྩད་ཆོད་ས། གླིང་སྐོར་བྱང་ལམ།

འཁོར་རྟགས། བོད་A****9

ཁྲིམས་འགལ་བ། ངག་ཆེ་གེ་མོ།

གྱོད་དཔེ་དྲུག་པ།

རྩད་ཆོད་པའི་དུས་ཚོད། 2025ལོའི་ཟླ་2ཚེས་9ཉིན་གྱི་ཆུ་ཚོད་14དང་སྐར་མ་40ལ།

རྩད་ཆོད་ས། པེ་ཅིང་ནུབ་ལམ།

འཁོར་རྟགས། ཅིན་E****2

ཁྲིམས་འགལ་བ། ཚེ་ཆེ་གེ་མོ།

གྱོད་དཔེ་བདུན་པ།

རྩད་ཆོད་པའི་དུས་ཚོད། 2025ལོའི་ཟླ་2ཚེས་9ཉིན་གྱི་ཆུ་ཚོད་15 དང་སྐར་མ་42ལ།

རྩད་ཆོད་ས། གླིང་སྐོར་བྱང་ལམ།

འཁོར་རྟགས། བོད་A****0

ཁྲིམས་འགལ་བ། སྐལ་ཆེ་གེ་མོ།

བཅའ་ཁྲིམས་ཀྱི་དྲན་སྐུལ།

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་འབྲེལ་ཡོད་གཏན་འབེབས་གཞིར་བཟུང་།

དོན་ཚན་བཅུ་དགུ་པའི་ནང་གསེས་དང་པོའི་ནང་། འཕྲུལ་སྒུལ་འཁོར་རིགས་གཏོང་བར་ངེས་པར་དུ་ཁྲིམས་ལྟར་འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་ལེན་དགོས། འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་བྱེད་པར་རྒྱལ་སྲིད་སྤྱི་ཁྱབ་ཁང་སྤྱི་བདེ་སྡེ་ཚན་གྱིས་གཏན་འབེབས་བྱས་པའི་ཁ་ལོ་བའི་ཆོག་ཁྲོལ་ཆ་རྐྱེན་དང་མཐུན་དགོས་པ་དང་། ཡིག་རྒྱུགས་ལོན་རྗེས་སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཚན་གྱིས་དེ་མཚུངས་རིགས་ཀྱི་འཕྲུལ་སྒུལ་འཁོར་རིཌ་ཀྱི་ཁ་ལོ་བའི་ལག་ཁྱེར་སྤྲོད་ཀྱི་ཡོད་པ་ཁ་གསལ་བཏོན་ཡོད།

དོན་ཚན་གོ་དགུ་པའི་གཏན་འབེབས་ལྟར་ན། གཤམ་གསལ་བྱེད་སྤྱོད་ཀྱི་གྲས་ཤིག་ཡོད་ཚེ་སྤྱི་བདེ་ལས་ཁུངས་འགྲིམ་འགྲུལ་དོ་དམ་སྡེ་ཚན་གྱིས་སྒོར་ཉིས་བརྒྱ་ཡན་ནས་སྒོར་ཉིས་སྟོང་མན་གྱི་དངུལ་ཆད་གཅོད་རྒྱུ་སྟེ།

(གཅིག)འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་མེད་པ་དང་། འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་ཕྱིར་བསྡུས་པའམ་ཡང་ན་ལག་ཁྱེར་གནས་སྐབས་བཀག་ཉར་བྱེད་རིང་འཕྲུལ་སྒུལ་འཁོར་རིགས་གཏོང་རིགས།

(གཉིས)འཕྲུལ་སྒུལ་འཁོར་རིགས་ཁ་ལོ་བའི་ལག་ཁྱེར་མེད་པའམ་ཡང་ན་ལག་ཁྱེར་ཕྱིར་བསྡུས་པ་དང་གནས་སྐབས་བཀག་ཉར་བྱས་པའི་མིར་གཏོང་དུ་འཇུག་རིགས།

(གསུམ)འགྲིམ་འགྲུལ་ལས་འཛོལ་ཐོན་རྗེས་བྲོས་བྱོལ་དུ་སོང་བ་དང་བྱས་ཉེས་སུ་གྲུབ་མེད་པའི་རིགས།

(བཞི)གཏན་འབེབས་མྱུར་ཚད་ཀྱི་བརྒྱ་ཆ་ལྔ་བཅུ་ལས་བརྒལ་ནས་འཕྲུལ་སྒུལ་འཁོར་རིགས་བཏང་རིགས།

(ལྔ) བཙན་ཤེད་ཀྱིས་འཕྲུལ་སྒུལ་འཁོར་རིགས་ཀྱི་ཁ་ལོ་བར་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས་ཁྲིམས་སྲོལ་དང་། དེ་བཞིན་འཕྲུལ་སྒུལ་འཁོར་རིགས་བདེ་འཇགས་འཁོར་གཏོང་བཅས་ཀྱི་བླང་བྱ་དང་འགལ་ནས་འཕྲུལ་སྒུལ་འཁོར་རིགས་གཏོང་དུ་བཅུག་སྟེ་འགྲིམ་འགྲུལ་ལས་འཛོལ་ཐོན་པ་དང་བྱས་ཉེས་སུ་གྲུབ་མེད་པའི་རིགས།

(དྲུག)འགྲིམ་འགྲུལ་དོ་དམ་གྱི་གཏན་འབེབས་ལས་འགལ་ནས་བཙན་ཤེད་ཀྱིས་འགྲོ་སྐྱོད་བྱེད་པ་དང་བཀག་སྡོམ་བསླབ་བྱར་མི་ཉན་པའི་རིགས།

(བདུན)འགྲིམ་འགྲུལ་སྒྲིག་བཀོད་ལ་རྐང་བཙུགས་ནས་གཏོར་བཤིག་དང་། སྤོ་བ། བཟོ་བཅོས་བཅས་བྱས་ནས་མཇུག་འབྲས་ཚབས་ཆེན་བཟོས་པ་དང་བྱས་ཉེས་སུ་གྲུབ་མེད་པའི་རིགས།

(བརྒྱད)ཁྲིམས་འགལ་ངང་འཕྲུལ་སྒུལ་འཁོར་རིགས་བཀག་འགོག་དང་བཀག་ཉར་བྱེད་པ་དང་། བཀག་སྡོམ་བསླབ་བྱར་མ་ཉན་པར་འགྲིམ་འགྲུལ་ཚབས་ཆེན་འགག་པའམ་ཡང་ན་རྒྱུ་ནོར་གྱི་གྱོང་གུན་ཅུང་ཆེན་པོ་བཟོས་རིགས།

གོང་གསལ་ནང་གསེས་དོན་ཚན་གཉིས་པ་དང་བཞི་པའི་གནས་ཚུལ་གྲས་ཤིག་ཡོད་ཚེ་འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་ཕྱིར་བསྡུ་རྒྱུ་དང་། དོན་ཚན་དང་པོ་དང་། གསུམ་པ། ལྔ་པ་བཅས་ནས་བརྒྱད་པའི་བར་གྱི་གནས་ཚུལ་གྲས་ཤིག་ཡོད་ཚེ་ཉིན་བཅོ་ལྔ་མན་གྱི་བཀག་ཉར་བྱ་རྒྱུ་རེད།

འདིར་ལྷ་སའི་འགྲིམ་འགྲུལ་ཉེན་རྟོག་པས་རྒྱ་ཆེའི་ཁ་ལོ་བ་རྣམས་ལ་རང་ཉིད་དང་མི་གཞན་གྱི་ཚེ་སྲོག་དང་རྒྱུ་ནོར་བདེ་འཇགས་འགན་ལེན་བྱ་ཆེད། རླངས་འཁོར་གཏོང་བར་ངེས་པར་དུ་ལག་ཁྱེར་ཡོད་དགོས་ལ། སྟེས་དབང་གི་བསམ་བློ་མི་ཁྱེར་བ་དང་ཤེས་བཞིན་དུ་ཁྲིམས་འགལ་མི་བྱེད་པར་འགྲོ་ལམ་འགྲིམ་འགྲུལ་གྱི་ཁོར་ཡུག་བཟང་པོ་ཐུན་མོང་ཐོག་སྲུང་སྐྱོང་བྱེད་དགོས་པའི་དྲན་སྐུལ་བྱས་པ་རེད།