འདོད་པའི་ཅ་ཟིང་བཟོས་ན་ཇི་ལྟར་བྱས་ཏེ་ཁེ་དབང་སྲུང་སྐྱོང་བྱེད་དགོས་སམ།

དོན་ཚན་ཆིག་སྟོང་དང་བཅུ་པ། མི་གཞན་གྱི་འདོད་བློ་དང་འགལ་ནས། གཏམ་དང་། ཡི་གེ བརྙན་རིས། བྱ་སྤྱོད་སོགས་ཀྱི་ཐད་ནས་མི་གཞན་ལ་འདོད་པའི་ཅ་ཟིང་བཟོས་ན། གནོད་འཚེ་ཐེབས་མི་ལ་ཁྲིམས་ལྟར་བྱ་སྤྱོད་སྤེལ་མིས་དམངས་དོན་འགན་འཁྲི་འཁུར་དགོས་པའི་རེ་འདུན་འདོན་དབང་ཡོད།

ལས་ཁུངས་དང་། ཁེ་ལས། སློབ་གྲྭ་སོགས་སྡེ་ཚན་གྱིས་ངེས་པར་དུ་སྔོན་འགོག་ལུགས་མཐུན་དང་། ཞུ་གཏུག་བདག་སྤྲོད། བརྟག་དཔྱད་ཐག་གཅོད་སོགས་ཀྱི་བྱེད་ཐབས་སྤྱད་དེ་འགན་དབང་དང་མངའ་ཞབས་འབྲེལ་བ་སོགས་བེད་སྤྱད་དེ་འདོད་པའི་ཅ་ཟིང་བཟོ་བ་སྔོན་འགོག་དང་བཀག་སྡོམ་བྱེད་དགོས།

ཁྲིམས་ལུགས་འཆད་སྟེགས།

འདོད་པའི་ཅ་ཟིང་བཟོ་བའི་བྱེད་སྤྱོད་ནི་གནོད་འཚེ་ཕོག་མཁན་གྱི་མི་གཞིའི་ཁེ་དབང་། མི་གཞིའི་ལ་རྒྱ། མི་གཞིའི་རང་མོས་བཅས་ལ་གནོད་འཚེ་བཏང་བ་ཞིག་ཡིན་པས་གནོད་འཚེ་ཕོག་མཁན་ལ་སེམས་ནད་དང་། དངངས་འཚབ། སྐྲག་སྣང་སྐྱེ་བ་དང་དེ་བཞིན་དེའི་བདེ་ཐང་ལ་གནོད་འཚེ་བཟོ་སྲིད། བཅའ་ཁྲིམས་ཀྱིས་འདོད་པའི་ཅ་ཟིང་བཟོ་བའི་བྱེད་སྤྱོད་བཀག་འགོག་བྱས་ཡོད། འདོད་པའི་ཅ་ཟིང་བཟོ་བའི་བྱེད་སྤྱོད་ལ་སྤྱིར་ན་གཤམ་གྱི་ཆ་རྐྱེན་ཚང་དགོས་པ་སྟེ། འདོད་པའི་ཅ་ཟིང་བཟོ་རིང་གནོད་འཚེ་ཕོག་མཁན་ནི་རང་བྱུང་མི་ཡིན་དགོས་པ་དང་། བྱ་སྤྱོད་དེ་ཆགས་སྲེད་དང་འབྲེལ་བ་ཡོད་པ། གཞན་གྱི་འདུན་པ་ལས་འགལ་བ། བྱ་སྤྱོད་སྤྱིར་ན་ཚད་གཞི་ངེས་ཅན་དུ་སླེབས་དགོས་པ། བྱ་སྤྱོད་ལ་སྤྱིར་ན་དམིགས་སའི་རང་བཞིན་གསལ་པོ་དགོས་པ། བྱ་སྤྱོད་སྤེལ་མཁན་གྱིས་རྐང་བཙུགས་ནས་བྱས་པ་བཅས་ཡིན་དགོས། འདོད་པའི་ཅ་ཟིང་བཟོ་ཡུལ་གྱིས་ཁྲིམས་ལྟར་བྱ་སྤྱོད་སྤེལ་མིར་དམངས་དོན་འགན་འཁྲི་འཁུར་དགོས་པའི་རེ་འདུན་འདོན་དབང་ཡོད། བཅའ་ཁྲིམས་ཀྱིས་ད་དུང་ཚན་པས་ལུགས་མཐུན་སྔོན་འགོག་དང་། ཞུ་གཏུག་བདག་སྤྲོད། བརྟག་དཔྱད་ཐག་གཅོད་སོགས་ཀྱི་བྱེད་ཐབས་དང་། འགན་དབང་དང་མངའ་ཞབས་འབྲེལ་བ་སོགས་སྤྱད་དེ་འདོད་པའི་ཅ་ཟིང་བཟོ་རྒྱུ་སྔོན་འགོག་དང་བཀག་འགོག་བྱེད་དགོས་པ་བཏོན་ཡོད། ཚན་པས་གོང་གསལ་གྱི་འོས་འགན་སྒྲུབ་མེད་ཕྱིན་ཁྲིམས་ལྟར་དབང་གནོད་འགན་འཁྲི་འཁུར་དགོས་ཀྱི་ཡོད།

སྒོ་རྩིས་ཆོང་ཁང་གི་བདེ་སྲུང་བས་མགྲོན་པོའི་ལུས་པོར་

གང་བྱུང་དུ་འཚོལ་བཤེར་བྱེད་ཆོག་གམ།

དོན་ཚན་ཆིག་སྟོང་དང་བཅུ་གཅིག་པ། ཁྲིམས་མིན་བཀག་ཉར་སོགས་ཀྱི་བྱེད་ཐབས་སྤྱད་དེ་མི་གཞན་གྱི་བྱ་སྤྱོད་རང་དབང་འཕྲོག་པ་དང་ཚོད་འཛིན་བྱེད་པའམ་ཡང་ན་མི་གཞན་གྱི་ལུས་པོར་ཁྲིམས་འགལ་གྱིས་སྔོག་བཤེར་བྱས་པ་ཡིན་ན་གནོད་འཚེ་ཕོག་མིས་ཁྲིམས་ལྟར་བྱ་སྤྱོད་སྤེལ་མིར་དམངས་དོན་འགན་འཁྲི་འཁུར་དགོས་པའི་རེ་འདུན་བཏོན་ཆོག

ཁྲིམས་ལུགས་འཆད་སྟེགས།

བཅའ་ཁྲིམས་ནང་ཁྲིམས་འགལ་གྱིས་གཞན་གྱི་བྱ་སྤྱོད་རང་དབང་འཕྲོག་པ་དང་ཚོད་འཛིན་བྱེད་རྒྱུ་ནན་འགོག་བྱས་ཡོད། བཙན་ཁྲིད་དང་། ཁྲིམས་འགལ་གྱིས་བཀག་ཉར། ཁྲིམས་འགལ་ངང་བཙན་ཐབས་ཀྱིས་སྨན་ཁང་དུ་སྨན་བཅོས་བྱེད་དུ་འཇུག་པ་སོགས་བྱ་སྤྱོད་ཚང་མ་གཞན་གྱི་རང་དབང་ལ་གནོད་འཚེ་བཏང་བ་ཞིག་ཡིན། དུས་མཚུངས་བཅའ་ཁྲིམས་ནང་ཁྲིམས་འགལ་གྱིས་གཞན་གྱི་ལུས་པོ་སྔོག་བཤེར་བྱེད་རྒྱུ་བཀག་འགོག་བྱས་ཡོད། དཔེར་ན། སྒོ་རྩིས་ཚོང་ཁང་དང་ཚོང་རས་མགྲོན་པོས་ཅ་ལག་བརྐུས་པའི་དོགས་པ་བྱས་ཏེ་དེའི་ལུས་པོར་སྔོག་བཤེར་བྱེད་དབང་མེད། ཁྲིམས་འགལ་གྱིས་གཞན་གྱི་ལུས་པོ་སྔོག་བཤེར་དང་བྱ་སྤྱོད་རང་ དབང་ལ་ཚོད་འཛིན་བྱས་ཚེ་སྔོག་བཤེར་བྱ་ཡུལ་གྱི་མི་གཞིའི་ལ་རྒྱ་དང་མི་ལུས། རང་དབང་ལ་གནོད་འཚེ་བཏང་ཡོད། གོང་གསལ་གྱི་གནས་ཚུལ་ཐོན་སྐབས་གནོད་འཚེ་ཕོག་མཁན་གྱིས་བྱ་སྤྱོད་སྤེལ་མིར་དབང་གནོད་འགན་འཁྲི་འཁུར་དགོས་པའི་རེ་འདུན་འདོན་དབང་ཡོད། གལ་ཏེ་གནོད་འཚེ་ཕོག་མཁན་ལ་སེམས་ཁམས་གནོད་འཚེ་ཚབས་ཆེན་ཕོག་ཚེ་གནོད་འཚེ་ཕོག་མཁན་གྱིས་བསམ་པའི་གྱོང་གུན་གསབ་དགོས་པའི་རེ་འདུན་འདོན་དབང་ཡོད།

མི་གཞན་གྱིས་རི་བོང་རྡོར་བརྫུས་ནས་སློབ་གྲྭར་འགྲོ་བའམ་ཡང་ན་

ལས་ཀར་ཞུགས་ཚེ་ཇི་ལྟར་བྱེད་དགོས་སམ།

དོན་ཚན་ཆིག་སྟོང་དང་བཅུ་བཞི་པ། རྩ་འཛུགས་དང་མི་སྒེར་གང་ཡང་རུང་བས་ཐེ་ཇུས་དང་། བརྐུས་སྤྱོད། རྫུན་བཟོ་སོགས་ཀྱི་བྱེད་ཐབས་ལ་བརྟེན་ནས་མི་གཞན་གྱི་རུས་མིང་གི་ཁེ་དབང་ངམ་མིང་གི་ཁེ་དབང་ལ་གནོད་འཚེ་བཏང་མི་ཆོག

ཁྲིམས་ལུགས་འཆད་སྟེགས།

རུས་མིང་ནི་མིའི་མཚོན་རྟགས་དང་མི་དང་མིའི་དབར་ཁྱད་པར་འབྱེད་པའི་སྐད་བརྡའི་མཚོན་རྟགས་རེད། དེའི་གཞི་རྩའི་ནུས་པ་ནི་མི་སྒེར་གྱི་ཐོབ་ཐང་མི་འཁྲུག་པ་བྱས་ཏེ་མི་སྒེར་གྱི་མི་གཞིའི་ཁྱད་ཆོས་མཚོན་རྒྱུ་དེ་རེད། བཅའ་ཁྲིམས་ནང་རང་བྱུང་མིར་རུས་མིང་གི་ཁེ་དབང་སྤྱོད་རྒྱུ་ཡོད་པ་དང་ཁྲིམས་ལྟར་གཞན་གྱིས་རང་ཉིད་ཀྱི་རུས་མིང་ཐག་གཅོད་དང་། བེད་སྤྱོད། བསྒྱུར་བའམ་ཡང་ན་གཞན་གྱིས་སྤྱོད་རྒྱུར་ཆོག་འཁྲོལ་སྤྲོད་པའི་ཁེ་དབང་ཡོད་པའི་གཏན་འབེབས་བྱས་ཡོད། རྩ་འཛུགས་སམ་ཡང་ན་མི་སྒེར་གང་རུང་གིས་ཐེ་ཇུས་དང་། བརྐུས་སྤྱོད། རྫུན་བཟོ་སོགས་ཀྱི་བྱེད་ཐབས་ལ་བརྟེན་ནས་མི་གཞན་གྱི་རུས་མིང་གི་ཁེ་དབང་ངམ་མིང་གི་ཁེ་དབང་ལ་གནོད་འཚེ་གཏོང་མི་ཆོག ཐེ་ཇུས་ཀྱི་བྱ་སྤྱོད་ནི་བུ་ཕྲུག་གིས་རུས་མིང་ཐག་གཅོད་དང་། བེད་སྤྱོད། བསྒྱུར་བ་བཅས་བྱ་རྒྱུར་ཐེ་ཇུས་བྱེད་པ། ལྟ་སྐྱོང་བྱ་ཡུལ་གྱིས་དེའི་རུས་མིང་ཐག་གཅོད་དང་བེད་སྤྱོད་རྒྱུར་ཐེ་ཇུས་བྱས་པ་ལས་མཚོན་གྱི་ཡོད། མི་གཞན་གྱི་རུས་མིང་བརྐུས་སྤྱོད་བྱས་པ་ནི་གཞན་གྱི་མོས་མཐུན་ནམ་དབང་ཆ་མ་ཐོབ་པར་རང་དགར་གཞན་གྱི་མིང་ཐོག་ནས་གཞན་དང་སྤྱི་ཚོགས་ལ་གནོད་འཚེ་གཏོང་བའི་བྱ་སྤྱོད་སྤེལ་བ་ཞིག་རེད། གཞན་གྱི་རུས་མིང་དུ་རྫུན་བཟོ་བྱས་པ་ནི་གཞན་གྱི་མིང་ལ་བརྫུས་ནས་བྱ་སྤྱོད་སྤེལ་བ་ཞིག་ཡིན་པ་དང་གཞན་ལ་བརྫུས་ནས་སློབ་གྲྭར་ཕྱིན་པ་དང་ལས་ཀར་ཞུགས་པ་ཚང་མ་གཞན་གྱི་རུས་མིང་གི་ཁེ་དབང་ལ་གནོད་འཚེ་བཏང་བའི་བྱ་སྤྱོད་ཡིན་པས་དམངས་དོན་འགན་འཁྲི་འཁུར་དགོས་ཀྱི་ཡོད།