དབུ་ཤོག>ཁྲིམས་ལུགས།>ཁྲིམས་སྐྱོང་དོ་རྭ།
  • ལྗོངས་ཡོངས་ཀྱི་བཙོན་ཁང་ལས་དོན་ཚོགས་འདུ་ལྷ་སར་འཚོགས་པ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2025-02-18

    ཉེ་ཆར། ལྗོངས་ཡོངས་ཀྱི་བཙོན་ཁང་ལས་དོན་ཚོགས་འདུ་ལྷ་སར་འཚོགས་ཤིང་། ཚོགས་འདུའི་ཐོག་རྒྱལ་ཡོངས་ཁྲིམས་འཛིན་ཐིང(ཅུས)ཀྲང་གི་ཚོགས་འདུ་དང་། རྒྱལ་ཡོངས་བཙོན་ཁང་གི་སློབ་གསོ་སྒྱུར་བཀོད་ལས་དོན་ཚོགས་འདུ། རང་སྐྱོང་ལྗོངས་ཏང་ཨུད་ཀྱི་སྲིད་ཁྲིམས་ལས་དོན་ཚོགས་འདུ། ལྗོངས་ཡོངས་ཀྱི་ཁྲིམས་འཛིན་སྲིད་འཛིན་ལས་དོན་ཚོགས་འདུ་བཅས་ཀྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ། 2024ལོའི་ལས་དོན་ལ་ཕྱིར་དྲན་དང་ཕྱོགས་སྡོམ་བྱས་པ་དང་། མིག་སྔའི་དུས་བབ་དང་ལས་འགན་ལ་དབྱེ་ཞིབ་ཡང་དག་བྱས་པ། 2025ལོའི་བཙོན་ཁང་གི་གཙོ་གནད་ལས་དོན་བཀོད་སྒྲིག་བཅས་བྱས་པ་རེད།

    ཚོགས་འདུའི་ཐོག་ནན་བཤད་བྱས་དོན། ལྗོངས་ཡོངས་ཀྱི་བཙོན་ཁང་ཁོངས་གཏོགས་ཀྱིས་ལྗོངས་ཡོངས་ཀྱི་ཁྲིམས་འཛིན་སྲིད་འཛིན་ལས་དོན་གྱི་ཚོགས་འདུའི་ཐོག་བཏོན་པའི“སྤུས་འབྲས་ལེགས་གཉེར་བཞིའི”ལས་ཀའི་སྤྱིའི་བླང་བྱར་དམ་པོར་དམིགས་ཏེ། དུས་བདེའི་བཙོན་ཁང་དང་། ཁྲིམས་སྐྱོང་བཙོན་ཁང་། ཤེས་དཔལ་བཙོན་ཁང་བཅས་འཛུགས་སྐྱོང་ལ་མུ་མཐུད་ཤུགས་སྣོན་བརྒྱབ་སྟེ་གཅིག་ནས་ལས་ཀའི་འདུ་ཤེས་དེང་རབས་ཅན་ལ་སྐུལ་འདེད་ཤུགས་ཆེན་གཏོང་དགོས། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་བརྒྱབ་ནས་བཙོན་ཁང་དེང་རབས་ཅན་གྱི་ཁྱད་ཆོས་དང་ཆོས་ཉིད་ཁོང་དུ་གཏིང་ཟབ་ཆུད་པར་བྱས་ཏེ“ལྔ་གཏོར་ལྔ་འཛུགས”མངོན་འགྱུར་བྱེད་པ་དང་། བཙོན་ཁང་གི་ལས་ཀའི་འདུ་ཤེས་རྒྱུན་ཆད་མེད་པར་གསར་བརྗེས་རིམ་སྤོར་ལ་སྐུལ་འདེད་བཏང་ནས་དུས་རབས་གསར་པའི་བཙོན་ཁང་ལས་དོན་གྱི་འཕེལ་རྒྱས་ཀྱི་དགོས་མཁོ་དང་འཚམ་པར་བྱེད་དགོས། གཉིས་ནས་བཙོན་ཁང་འཛུགས་སྐྱོང་དེང་རབས་ཅན་ལ་སྐུལ་འདེད་ཧུར་ཐག་གཏོང་དགོས། འཕེལ་རྒྱས་འཆར་འགོད་ཀྱི་གཞི་རྩའི་བསམ་ཕྱོགས་སྔར་བས་གསལ་བཟོ་དང་། ཕྱོགས་ཡོངས་ནས་ལས་དོན་གསེད་དཀྲོལ་བྱེད་པ། ལས་ཀའི་གསལ་ཐོ་ཞིབ་ཚགས་བཟོ་བ། ཁ་གཏད་བོད་སྐྱོར་ཚན་པའི་སྔོན་ཐོན་ཉམས་མྱོང་སློབ་སྦྱོང་དང་དཔྱད་གཞིར་འཛིན་པ། འདྲ་བཟོ་དང་ཁྱབ་སྤེལ་བྱེད་ཆོག་པའི་བོད་ཀྱི་དེང་རབས་ཅན་གྱི་བཙོན་ཁང་འཛུགས་གཏོད་ཧུར་ཐག་བཅས་བྱེད་དགོས། གསུམ་ནས་བཅོས་སྐྱོང་ནུས་པ་དེང་རབས་ཅན་ལ་སྐུལ་འདེད་ཤུགས་ཆེན་གཏོང་དགོས། “བདེ་འཇགས་ཆེན་པོའི”འདུ་ཤེས་བརྟན་པོ་འཛུགས་པ་དང་། ཕྱོགས་ཡོངས་ཀྱི“བདེ་འཇགས་ཆེན་པོའི”རྣམ་པ་གཏོད་པ། “འགན་འཁྲི་བདུན་མཉམ་འབྲེལ”གྱི་འགན་འཁྲིའི་མ་ལག་ལ་བརྟེན་པ་བཅས་བྱས་ནས་ཉེས་ཆད་ལག་བསྟར་དང་། བཙོན་སྲིད་དོ་དམ། སློབ་གསོ་སྒྱུར་བཀོད་སོགས་གཙོ་གནད་ལས་དོན་ལ་སྔར་བས་ཤུགས་སྣོན་བརྒྱབ་སྟེ་ཁྲིམས་སྒྱུར་ཁྲིམས་འཛིན་ཚད་ལྡན་ཅན་གྱི་ཆུ་ཚད་མཐོ་རུ་གཏོང་བ་དང་བརྩོན་ཁང་དོ་དམ་ལས་དོན་ཚན་རིག་དང་མཐུན་པ་དང་། ཚད་ལྡན། ནུས་ཆེ་བཅས་ཡོང་བར་བྱེད་དགོས། བཞི་ནས་དཔུང་ཁག་འཛུགས་སྐྱོང་དེང་རབས་ཅན་ལ་སྐུལ་འདེད་ཤུགས་ཆེན་གཏོང་དགོས། ཆབ་སྲིད་འཛུགས་སྐྱོང་གིས་སྣེ་ཁྲིད་བྱ་རྒྱུ་མཐའ་འཁྱོངས་དང་། སློབ་གསོ་གསོ་སྦྱོང་ལ་ཤུགས་སྣོན་རྒྱག་པ། སྔོན་ཐོན་དཔེ་མཚོན་འདེམས་པ། ཉེན་རྟོག་པར་དོ་ཁུར་ཧུར་ཐག་བཅས་བྱས་ཏེ་ལྷག་བསམ་རྣམ་དག་དང་། སྤྱོད་གཙང་གཞུང་དྲང་། འགན་ཁུར་ཕོད་པ་བཅས་ཀྱི་བོད་ཀྱི་བཙོན་ཁང་གི་དམག་ཧྲག་བཏོད་དེ་བཙོན་ཁང་བྱ་གཞག་འཕེལ་རྒྱས་ཡོང་བར་ཤེས་ལྡན་པའི་འདེགས་སྐོར་ཧུར་ཐག་བྱེད་དགོས།

    འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

མཉམ་སྤྱོད།

འབྲེལ་ཡོད་གསར་འགྱུར།