ཆབ་མདོ་གྲོང་ཁྱེར་ཁ་རུབ་ཆུས་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་གྱིས་དགུན་དུས་ཀྱི་འགྲོ་ལམ་འགྲིམ་འགྲུལ་བདེ་འཇགས་ཀྱི་འགོག་སྲུང་འཛིང་རགས་བརྟན་པོ་བསྐྲུན་པ།
ཁོངས་གཏོགས་ཁུལ་གྱི་དགུན་དུས་ཀྱི་འགྲོ་ལམ་འགྲིམ་འགྲུལ་བདེ་འཇགས་ཀྱི་འགོག་སྲུང་འཛིང་རགས་ཕྱོགས་ཡོངས་ནས་བརྟན་པོ་བསྐྲུན་ཏེ། འགྲོ་ལམ་འགྲིམ་འགྲུལ་ལས་འཛོལ་སྔོན་འགོག་དང་ཉུང་དུ་གཏོང་ཆེད། ཉེ་དུས་ཆབ་མདོ་གྲོང་ཁྱེར་ཁ་རུབ་ཆུས་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་གྱིས་ཉེན་རྟོག་པ་ཧྲག་གྲས་སྒྲིག་འཛུགས་བྱས་ནས་ཞིང་ཆེན་ལམ་203དང་དེའི་ཉེ་འཁོར་གྱི་ཤང་དང་གྲོང་རྡལ་གྱི་ལམ་རྒྱུད་དུ་འགྲོ་ལམ་འགྲིམ་འགྲུལ་བདེ་འཇགས་བཅོས་སྒྲིག་དང་། འགྲོ་ལམ་འགྲིམ་འགྲུལ་གྱི་ཁྲིམས་འགལ་བྱེད་སྤྱོད་སྣ་ཚོགས་ཞིབ་བཤེར་ནན་པོ། མང་ཚོགས་ལ་སྒྲིག་བཀུར་ཁྲིམས་སྲུང་བྱ་རྒྱུའི་དྲིལ་བསྒྲགས་དང་ཁྲིད་སྟོན་བཅས་བྱས་ནས་ཁོངས་གཏོགས་ཁུལ་དུ་བདེ་འཇགས་བརྟན་ལྷིང་གི་འགྲོ་ལམ་འགྲིམ་འགྲུལ་ཁོར་ཡུག་ཅིག་མཉམ་དུ་བཏོད་པ་རེད།
བཅོས་སྒྲིག་བྱེད་རིང་། ཁ་རུབ་ཆུས་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་གྱིས་ཞིང་ཆེན་ལམ་203གྱི་ལམ་དུམ་གལ་ཆེན་དང་། ཤང་དང་གྲོང་རྡལ་གྱི་འགྲོ་ལམ་གྱི་ལམ་མདོ་ཁ་གཙོ་བོ། འགྲིམ་འགྲུལ་ལས་འཛོལ་ཐོན་སླ་བའི་ལམ་དུམ་བཅས་སུ་ས་ཚིགས་བཙུགས་ནས་ཞིབ་བཤེར་དང་སྐོར་སྐྱོད་ཞིབ་བཤེར་གྱི་བྱེད་ཐབས་སྤྱད་དེ་ལག་ཁྱེར་མེད་པར་རླངས་འཁོར་གཏོང་བ་དང་། མི་དང་དངོས་ཟོག་ཚད་ལས་བརྒལ་ནས་བླུག་པ། ཁྲིམས་འགལ་གྱིས་རླངས་འཁོར་བཟོ་བཅོས་བྱེད་པ་སོགས་འགྲིམ་འགྲུལ་གྱི་ཁྲིམས་འགལ་བྱེད་སྤྱོད་ཚབས་ཆེན་ཞིབ་བཤེར་ནན་པོ་བྱས་ནས་འགྲིམ་འགྲུལ་བདེ་འཇགས་ཀྱི་མངོན་མེད་རྐྱེན་ངན་སྣ་ཚོགས་ནུས་ཤུགས་ཡོད་རྒུས་བསལ་བ་རེད།