འདི་ནི་ཁང་དམར་རྫོང་བླ་མདའ་གྲོང་ཚོར་བཅའ་སྡོད་ལྗོངས་མི་སྤྱི་ཐིང་གི་ལས་དོན་རུ་ཁག་གིས་ཁང་དམར་རྫོང་ཁྲིམས་འཛིན་ཅུས་དང་མཉམ་དུ་རྩ་ཁྲིམས་དྲིལ་བསྒྲགས་གཟའ་འཁོར་གྱི“གྲོང་ཚོར་ཁྲིམས་སྐྱོང་དྲིལ་བསྒྲགས་བྱེད། བཅའ་ཁྲིམས་ཁྱབ་གདལ་ཞབས་འདེགས་ཞུ”ཞེས་པའི་བཅའ་ཁྲིམས་ཁྱབ་གདལ་གྱི་དྲིལ་བསྒྲགས་བྱེད་སྒོ་སྤེལ་བཞིན་པ།

རྩ་ཁྲིམས་ཀྱི་སྙིང་སྟོབས་དར་སྤེལ་དང་། རྩ་ཁྲིམས་ཀྱི་དབང་གྲགས་སྲུང་སྐྱོང་། ཁྲིམས་སྐྱོང་དྲིལ་བསྒྲགས་སློབ་གསོར་ཤུགས་སྣོན་བཅས་སྔར་བས་བྱ་ཆེད། ཉེ་ཆར། ཁང་དམར་རྫོང་བླ་མདའ་གྲོང་ཚོར་བཅའ་སྡོད་ལྗོངས་མི་སྤྱི་ཐིང་གི་ལས་དོན་རུ་ཁག་གིས་ཁང་དམར་རྫོང་ཁྲིམས་འཛིན་ཅུས་དང་མཉམ་དུ་རྩ་ཁྲིམས་དྲིལ་བསྒྲགས་གཟའ་འཁོར་གྱི“གྲོང་ཚོར་ཁྲིམས་སྐྱོང་དྲིལ་བསྒྲགས་བྱེད། བཅའ་ཁྲིམས་ཁྱབ་གདལ་ཞབས་འདེགས་ཞུ”ཞེས་པའི་བཅའ་ཁྲིམས་ཁྱབ་གདལ་གྱི་དྲིལ་བསྒྲགས་བྱེད་སྒོ་སྤེལ་བ་རེད།

བཅའ་ཁྲིམས་ཁྱབ་གདལ་གྱི་དྲིལ་བསྒྲགས་བྱེད་སྒོ་སྤེལ་བ་དེས། མང་ཚོགས་ཀྱི་ཁྲིམས་སྐྱོང་གི་འདུ་ཤེས་ཟབ་ཏུ་ཕྱིན་པ་མ་ཟད། ཁྲིམས་ལུགས་སློབ་སྦྱོང་བྱེད་པའི་མང་ཚོགས་ཀྱི་ཧུར་སེམས་འཕེལ་བར་བྱས་ནས། རྩ་ཁྲིམས་ཀྱི་སྙིང་སྟོབས་མང་ཚོགས་ཀྱི་སེམས་དབུས་སུ་བརྟན་པོར་བཙུགས་ཏེ་བཅའ་ཁྲིམས་ཀྱི་འདུ་ཤེས་ཟབ་ཏུ་དང་བཅའ་ཁྲིམས་ཀྱི་བྱང་ཚད་མཐོ་རུ་ཏན་ཏིག་བཏང་ཡོད།

ཤེས་རྟོགས་བྱུང་བར་གཞིགས་ན། གྲོང་སྡོད་ལས་དོན་རུ་ཁག་གིས་མུ་མཐུད་ལག་ལེན་བསྟར་འཐུས་ཀྱི་བྱ་ཐབས་སྤྱད་དེ། བཅའ་ཁྲིམས་ཁྱབ་གདལ་གཏོང་བའི་ལས་དོན་ལ་སྔར་བས་ཤུགས་སྣོན་རྒྱག་པ་དང་། ཐབས་མང་དྲིལ་བསྒྲགས་ཀྱི་རྣམ་པ་གཏོད་པ། བྱ་ཐབས་སྣ་ཚོགས་སྤྱད་དེ་ཁྲིམས་སྐྱོང་གི་དྲིལ་བསྒྲགས་སློབ་གསོ་སྤེལ་བ། ཁྲིམས་ལུགས་ཁྱབ་གདལ་གྱི་གཞི་ཁྱོན་ཆེ་རུ་གཏོང་བ། མང་ཚོགས་ཀྱི་ཁྲིམས་སྐྱོང་གི་འདུ་ཤེས་ཟབ་ཏུ་ཏན་ཏིག་གཏོང་བ་བཅས་བྱས་ཏེ། བཅའ་ཁྲིམས་ཁྱིམ་ཚང་ཁྲི་སྟོང་མང་པོར་ཁྱབ་གདལ་དྲིལ་བསྒྲགས་བྱས་ནས་ཁྲིམས་བཀུར་དང་། ཁྲིམས་སྦྱོང་། ཁྲིམས་སྲུང། ཁྲིམས་སྤྱོད་བཅས་སྤྱི་ཚོགས་ཡོངས་ཀྱི་གོམས་སྲོལ་ཞིག་ཏུ་ཧུར་ཐག་འགྱུར་བར་བྱ་རྒྱུ་ཡིན་པ་རེད།