སྦྱིན་པའི་གན་རྒྱ་དེ་རང་དགར་ཕྱིར་འཐེན་བྱས་ཆོག་གམ།
དོན་ཚན་དྲུག་བརྒྱ་དང་ང་བརྒྱད་པ། སྦྱིན་མིས་སྦྱིན་བྱའི་རྒྱུ་ནོར་གྱི་ཁེ་དབང་སྤོ་སྒྱུར་མ་བྱས་གོང་སྦྱིན་པ་ཕྱིར་འཐེན་བྱས་ཆོག
གཞུང་དཔང་བྱས་པའི་སྦྱིན་པའི་གན་རྒྱའམ་ཁྲིམས་ལྟར་ན་ཕྱིར་འཐེན་བྱས་མི་ཆོག་པའི་རྒུད་སྐྱོབ་དང་། དབུལ་སྐྱོར། དབང་པོ་སྐྱོན་ཅན་ལ་རོགས་སྐྱོར་སོགས་སྤྱི་ཚོགས་ཀྱི་སྤྱི་ཕན་དང་ཀུན་སྤྱོད་ཀྱི་འོས་འགན་གྱི་ངོ་བོ་ལྡན་པའི་སྦྱིན་པའི་གན་རྒྱ་ཡིན་ན། གོང་གསལ་ནང་ཚན་གྱི་གཏན་འབེབས་སྤྱད་ན་མི་འཐུས།
ཁྲིམས་ལུགས་འཆད་སྟེགས།
སྦྱིན་མིར་རང་དགར་ཕྱིར་འཐེན་བྱེད་དབང་ཁྲིམས་ལྟར་ལོངས་སུ་སྤྱོད་རྒྱུ་ཡོད། དེ་ཡང་སྦྱིན་པའི་གན་རྒྱ་དེ་གྲུབ་རྗེས། རྒྱུ་ནོར་སྦྱིན་མིའི་ཁེ་དབང་སྤོ་སྒྱུར་མ་བྱས་གོང་། སྦྱིན་མིས་རང་ཉིད་ཀྱི་འདོད་ཚུལ་གཞིར་བཟུང་སྦྱིན་པ་ཕྱིར་ལེན་པའི་བྱ་སྤྱོད་ཅིག་ཡིན། གཞུང་དཔང་བྱས་ཟིན་པའི་སྦྱིན་པའི་གན་རྒྱའམ་ཡང་ན་ཁྲིམས་ལྟར་ཕྱིར་འཐེན་བྱས་མི་ཆོག་པའི་རྒུད་སྐྱོབ་དང་། དབུལ་སྐྱོར། དབང་པོ་སྐྱོན་ཅན་ལ་རོགས་སྐྱོར་སྤྱི་ཕན་དང་ཀུན་སྤྱོད་ཀྱི་འོས་འགན་གྱི་ངོ་བོ་ལྡན་པའི་སྦྱིན་པའི་གན་རྒྱ་ཡིན་ན། དོ་བདག་གིས་གན་རྒྱ་དེ་རྣམ་པ་ཇི་ལྟ་བུའི་ཐོག་ནས་བཞག་པ་དང་། སྦྱིན་པའི་རྒྱུ་ནོར་གྱི་ཁེ་དབང་སྤོ་སྒྱུར་བྱས་མིན་ཇི་འདྲ་ཡིན་རུང་། སྦྱིན་མིས་གང་བྱུང་དུ་ཕྱིར་འཐེན་བྱས་མི་ཆོག གལ་ཏེ་སྦྱིན་མིས་སྦྱིན་བྱའི་རྒྱུ་ནོར་རྩིས་སྤྲོད་ཕྱིར་འགྱངས་བྱེད་པའམ་རྩིས་སྤྲོད་མ་བྱས་ཚེ། ཆད་འགལ་འགན་འཁྲི་འཁུར་དགོས་པ་དང་། སྦྱིན་ཡུལ་གྱིས་སྦྱིན་མི་ལ་རྩིས་སྤྲོད་བྱེད་དགོས་པའི་རེ་བ་བཏོན་ཆོག