“5110”ཞབས་ཞུའི་ཐད་སྦྲེལ་ཁ་པར་ནི་གཞིས་རྩེའི་སྤྱི་བདེ་ལས་ཁུངས་ཀྱིས་བཙུགས་པའི་གྲངས་གཞི་ཆེ་མོའི་མཉམ་སྡེབ་དམག་འཐབ་ལྟེ་གནས་ཤིག་ཡིན་པ་དང་། དེས་གཞི་རིམ་གྱི་མི་དམངས་ཉེན་རྟོག་པར“ཚེག་ནས་ཚེག་དང་། ལྷན་འགྲོགས་རྣམ་པ། རྣམ་པ་ཀུན་ཏུ”བཅས་ཀྱི་གཏིང་ཟབ་པའི་གྲངས་གཞིའི་འདེགས་སྐྱོར་གྱི་ཞབས་ཞུའི་ཐད་སྦྲེལ་ཁ་པར་མཁོ་འདོན་བྱས་ཡོད། 2024ལོའི་ཟླ་9ཚེས་4ཉིན་ནས་ཚོད་ལྟའི་འཁོར་རྒྱུག་བྱས་པ་དང་ཟླ་10ཚེས་1ཉིན་ནས་དངོས་སུ་སྤྱོད་འགོ་ཚུགས་པ་རེད།

2024ལོའི་ཟླ་10ཚེས་17ཉིན་གྱི་ཆུ་ཚོད་00དང་སྐར་མ་15ཡི་ཐོག “5110”ལ་གྲོ་མོ་རྫོང་སྤྱི་བདེ་ཅུས་ནས་ཁ་པར་ཞིག་འབྱོར་བར། མི་དམངས་ཉེན་རྟོག་པས་མགོ་སྐོར་ཁ་བསླུས་ཀྱི་གྱོད་གཞིའི་དོགས་ཡོད་མི་སྣ་ཞིག་གི་བགྲོད་ཤུལ་ཆ་འཕྲིན་འདྲི་རྩད་བྱེད་པའི་རེ་འདུན་ཞུས། ལྟེ་གནས་མི་དམངས་ཉེན་རྟོག་པས་འཕྲལ་དུ་དོགས་ཡོད་མི་སྣ་དེའི་བགྲོད་ཤུལ་ལ་དབྱེ་ཞིབ་བྱས་ནས་ཁོ་པ་གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱི་ལམ་མདོ་ཞིག་ཏུ་ཡོད་པ་ཤེས་རྗེས་ཆུ་ཚོད་གཅིག་ལྷག་ཙམ་ནང་བཟུང་བ་རེད།

2024ལོའི་ཟླ་10ཚེས་17ཉིན་གྱི་ཆུ་ཚོད་12དང་སྐར་མ་53ཙམ་ལ། དྲ་ཐོག་བྲོས་བྱོལ་པ་ཞིག་གཞིས་རྩེ་གྲོང་ཁྱེར་དུ་བྲོས་ཤིང་། “5110”ལ་ཁ་པར་འབྱོར་རྗེས་མི་དམངས་ཉེན་རྟོག་པས་འཕྲལ་དུ་དྲ་ཐོག་བྲོས་བྱོལ་པའི་ཐོབ་ཐང་ཆ་འཕྲིན་གཏན་འཁེལ་བྱས་པ་དང་། ཁོ་པའི་གཟུགས་པོའི་དབྱིབས་ལ་གཞིགས་ནས་དོགས་ཡོད་མི་སྣ་དེ་གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱི་སྒོ་རྩིས་ཚོང་ཁང་གི་རླངས་འཁོར་འཇོག་ས་ཞིག་ཏུ་ཡོད་པ་ཤེས། “5110”གྱིས་མཐུན་སྦྱོར་མཉམ་སྒྲུབ་ཀྱི་ལེགས་ཆ་གང་ལེགས་སྤྱད་དེ། འབྲེལ་ཡོད་ཉེན་རྟོག་རིགས་དང་ཁོངས་གཏོགས་ཁུལ་གྱི་སྤྱི་བདེ་ལས་ཁུངས་དང་འབྲེལ་བ་མགྱོགས་མྱུར་བྱས་ནས་མཐུན་སྦྱོར་ལས་སྒྲུབ་དང་ཁོ་པ་ཕྱོགས་ཡོངས་ནས་འཚོལ་འགོ་བཙུགས། མཐར་བསམ་གྲུབ་རྩེ་ཆུས་ཀྱི་ཇ་ཁང་ཞིག་ནས་ཁོ་པ་བདེ་བླག་ངང་བཟུང་བ་རེད།

2024ལོའི་ཟླ་11ཚེས་12ཉིན་གྱི་ཆུ་ཚོད་12དང་སྐར་མ་21ཙམ་ལ། “5110”ལ་བསམ་གྲུབ་རྩེ་ཆུས་སྤྱི་བདེ་ཅུས་སྒང་ཏོག་མངགས་གཏོང་ཁང་གི་མི་དམངས་ཉེན་རྟོག་པ་ཞིག་གི་རོགས་སྐྱོབ་རེ་ཞུའི་ཁ་པར་འབྱོར། “ངེད་ཁོངས་གཏོགས་ཀྱི་མང་ཚོགས་ཤིག་གི་ཕྲུ་གུ་དེ་རིང་སྔ་དྲོའི་ཆུ་ཚོད་9དང་སྐར་མ་50ཙམ་ལ་ནང་ནས་ཐོན་ཏེ་ད་བར་ལོག་ཡོང་མཁན་མེད་པས་ཁྱེད་རྣམ་པས་འཚོལ་རོགས་ཞུ”ཞེས་པའི་གྱོད་དོན་སྙན་སེང་ཞུས། ལྟེ་གནས་མི་དམངས་ཉེན་རྟོག་པས་མངགས་གཏོང་ཁང་གི་མི་དམངས་ཉེན་རྟོག་པས་མཁོ་འདོན་བྱས་པའི་པར་དང་གྲངས་གཞི་ཆེ་མོའི་ལེགས་ཆ་གང་ལེགས་སྤྱད་དེ་འབྲེལ་ཡོད་ཆ་འཕྲིན་མི་དམངས་ཉེན་རྟོག་པར་བསྐུར། ཆ་ཚོད་གཅིག་ཀྱང་མ་འགོར་བར་ཕྲུ་གུ་དེ་རྙེད།

གོང་གསལ་གྱི་གྱོད་གཞི་གསུམ་ལས “5110”ཞབས་ཞུའི་ཐད་སྦྲེལ་ཁ་པར་དེ་གཞི་རིམ་མི་དམངས་ཉེན་རྟོག་པའི“ལས་རོགས་ཡག་པོ”ཞིག་ཡིན་པ་གང་ལེགས་མངོན་ཐུབ།“5110”ཞབས་ཞུའི་ཐད་སྦྲེལ་ཁ་པར་སྤྱད་ཚུན་གཞིས་རྩེ་གྲོང་ཁྱེར་སྤྱི་བདེ་ཅུས་ཀྱི་གྲངས་གཞི་ཆེ་མོའི་འདུས་གྲུབ་དམག་འཐབ་ལྟེ་གནས་ཀྱིས་གྱོད་གཞི་ཁག་1000ལྷག་ཙམ་དང་ལེན་བྱས་པ་དང་། དེའི་ཁྲོད་གཞི་རིམ་མི་དམངས་ཉེན་རྟོག་པར་གཞོགས་འདེགས་བྱས་ནས་ཉེས་དོན་གྱོད་གཞི་ཁག་42རྩད་ཆོད་པ་དང་། དྲ་ཐོག་བྲོས་བྱོལ་པ་4བཟུང་བ། རིགས་ཁག་གི་བདེ་འཇགས་གྱོད་གཞི་ཁག་32གཞོགས་འདེགས་བྱས་ནས་རྩད་ཆོད་པ། མི་11འཚོལ་རོགས་བྱས་པ། འགྲིམ་འགྲུལ་རིགས་ཀྱི་རོགས་སྐྱོབ་རེ་ཞུ་ཁག་6དང་ལེན་བྱས་པ། སྤྱིར་བཏང་གི་ལས་ཀའི་གནད་དོན་ཁག་901ཐག་གཅོད་བྱས་པ། དྲ་ཕྱིར་ཁུངས་སྣེ་ཁག་5འཚོལ་རོགས་བྱས་ཡོད་པ་རེད།

གཞིས་རྩེ་གྲོང་ཁྱེར་སྤྱི་བདེ་ཅུས་ཀྱི་འབྲེལ་ཡོད་འགན་འཁུར་བས། གོམ་སྟབས་རྗེས་མར་གཞིས་རྩེ་གྲོང་ཁྱེར་སྤྱི་བདེ་ཅུས་ཀྱི“5110”

ཞབས་ཞུའི་ཐད་སྦྲེལ་ཁ་པར་གྱིས་རིག་ནུས་ཅན་གྱི་ཆུ་ཚད་རྒྱུན་ཆད་མེད་པར་མཐོ་རུ་བཏང་ནས། གཞི་རིམ་གྱི་འཐབ་ས་དང་པོའི་དངོས་འཐབ་ལ་སྔར་བས་ཞབས་འདེགས་ཞུས་ཏེ་གྱོད་གཞི་རྩད་གཅོད་ལ་དེ་བས་མྱུར་ཚད་ལྡན་པ་དང་མི་དམངས་ཉེན་རྟོག་པས་དམངས་ཀྱི་སེམས་ཁྲལ་སེལ་རྒྱུར་དེ་བས་དྲོ་སྐྱིད་ལྡན་པར་བྱ་རྒྱུ་ཡིན་ཞེས་བརྗོད།