འདི་ནི་སྣ་དཀར་རྩེ་རྫོང་སྤྱི་བདེ་ཅུས་མདོ་ཆོས་ཤང་མངགས་གཏོང་ཁང་གི་ཉེན་རྟོག་པས་ཁོངས་གཏོགས་ཁུལ་གྱི་སློབ་ཆུང་དུ“ཉེན་རྟོག་པའི་ཡིག་སྒམ”འཛུགས་བཞིན་པ།

སློབ་གྲྭའི་བདེ་འཇགས་ནི་ཁྱིམ་ཚང་ཁྲི་སྟོང་མང་པོའི་བདེ་སྐྱིད་དང་བདེ་འཇགས་དང་འབྲེལ་བ་ཡོད་པས། སློབ་གྲྭའི་བདེ་འཇགས་དོན་རྐྱེན་ལ་སྔོན་འགོག་ནུས་ལྡན་དང་། སློབ་གྲྭའི་བཙན་བརྙས་དོན་རྐྱེན་བཀག་འགོག་མཐའ་གཅིག་ཏུ་བྱེད་པ། འཆམ་མཐུན་བརྟན་ལྷིང་གི་སློབ་གྲྭའི་ཁོར་ཡུག་མུ་མཐུད་སྐྲུན་པ་བཅས་བྱ་ཆེད། ཉིན་ཤས་གོང་མདོ་ཆོས་ཤང་མངགས་གཏོང་ཁང་གིས་ཁོངས་གཏོགས་ཁུལ་གྱི་སློབ་ཆུང་དུ་བསྐྱོད་ནས་སློབ་མའི་ཉལ་ཁང་གི་འཛུལ་སྒོའི་མངོན་གསལ་དོད་སར“ཉེན་རྟོག་པའི་ཡིག་སྒམ”བཙུགས་ནས་སློབ་གྲྭར་ཡོད་མུས་ཀྱི་རྒྱ་ཆེའི་སློབ་མས་སློབ་རའི་ཁྲིམས་འགལ་ཉེས་གསོག་གི་ཁུངས་སྣེ་བློ་ཁོག་ཆེན་པོས་ཐེར་འདོན་བྱ་རྒྱུའི་སྐུལ་ལྕག་བྱས་པ་དང་། སློབ་གྲོགས་ཚོས་སློབ་གྲྭའི་བཙན་བརྙས་ལ་ངོ་རྒོལ་བྱེད་ཕོད་པའི་གྲོས་འགོ་བཏོན་ནས་སློབ་གྲྭའི་བདེ་འཇགས་ལ་སྲུང་སྐྱོང་བྱེད་པར་ནུས་པ་བཏོན་ཡོད།

“ཉེན་རྟོག་པའི་ཡིག་སྒམ”གྱི་དོ་དམ་ཐད་མདོ་ཆོས་ཤང་མངགས་གཏོང་ཁང་གིས་ཆེད་མངགས་མི་སྣ་བཀོད་སྒྲིག་བྱས་ནས། གཟའ་འཁོར་རེར་ཁ་ཐེངས་རེ་ཕྱེ་ནས་སློབ་གྲྭ་དང་འབྲེལ་བ་ཡོད་པའི་བདེ་འཇགས་གནད་དོན་སྣ་ཚོགས་ཀྱི་ཁུངས་སྣེ་བསྡུ་རུབ་བྱེད་པ་དང་འབྲེལ། གནས་ཚུལ་དངོས་ལ་གཞིགས་ནས་དུས་ཐོག་ཏུ་ཐེ་ཞུགས་དང་། ཐག་གཅོད་ནུས་ལྡན། རྗེས་འདེད་ཚུར་ལན། དུས་བཀག་ལྟར་ལན་སྤྲོད་པ་བཅས་བྱས་པ་རེད།