“གྲོང་ཁྱེར་གྱི་ལྟེ་བ་ནི་མི་ཡིན་ཞིང་། གྲོང་ཁྱེར་གྱི་ལས་དོན་ཡག་པོ་སྒྲུབ་མིན་དང་། མི་སེར་བློ་ཡིད་ཚིམ་མིན། འཚོ་བ་སྟབས་བདེ་ཡོད་མེད་བཅས་ནི་ཤན་འབྱེད་ཀྱི་ཚད་གཞི་གལ་ཆེན་ཞིག་རེད”ཅེས་ཟླ་10ཚེས་28ཉིན། ཉིང་ཁྲི་གྲོང་ཨུད་ཀྱི་ཧྲུའུ་ཅི་ཨའོ་ལིའུ་ཆོན་གྱིས་མཚན་བཀོད་རྩོམ་ཡིག་ཅིག་སྤེལ་ནས“དྲ་མིག་ཅན་གྱི་བཅོས་སྐྱོང་གསར་གཏོད་ཀྱིས‘ཁྲོམ་གཞུང་དང་། སྡེ་ཁུལ། དྲ་རྒྱ། ཁུལ་ཆུང་། དུད་སྦྲེལ། ཐོག་ཁང་གི་ཏང་ཡོན་དུད་ཚང་བཅས་ཟུང་དུ་འབྲེལ་བའི’སྦྲེལ་ཐག་འཛུགས་པ་དང‘དྲ་མིག་དང་འགན་ནུས་སྡེ་ཚན་ཟུང་དུ་འབྲེལ་བའི’མཉམ་འགུལ་ལམ་སྲོལ་འཛུགས་པ། ‘དྲ་མིག་དང་Nཟུང་དུ་འབྲེལ་བའི’བྱ་ཐབས་གཏིང་ཟབ་ཏུ་གཏོང་བ་བཅས་བྱས་ཏེ། བཅོས་སྐྱོང་དྲ་མིག་ཕྱོགས་སུ་གཅིག་སྡུད་དང་། ཞབས་ཞུ་དྲ་མིག་ཕྱོགས་སུ་གཅིག་སྡུད། གནད་དོན་དྲ་མིག་ནས་ཐག་གཅོད་བཅས་ལ་སྐུལ་འདེད་གཏོང་གི་ཡིན”ཞེས་བརྗོད་ཡོད་པ་རེད།

པད་མ་སྒང་ཁྲོམ་གཞུང་གིས་ཚད་གཞི་དང་ཡང་ཡང་བསྡུར་ནས་གཞི་རིམ་གྱི་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་འཛུགས་སྐྱོང་ལ་སྐུལ་འདེད་བཏང་སྟེ“སྲིད་ཇུས་ཀྱི་རྒྱབ་སྐྱོར་དང་། གྲོང་མི་ཞུགས་པ། ཁྲོམ་རས་འཁོར་སྐྱོད”བཅས་ཀྱི“སྲིད་གཞུང་དང་ཁེ་ལས་མཉམ་འགུལ”གྱི་རྣམ་པ་་འཚོལ་ཞིབ་དང་འཐུས་སྒོ་ཚང་དུ་གཏོང་བ་དང་། “དྲ་མིག”ཞབས་ཞུའི་གྲོང་མིའི་སྐད་འཕྲིན་ཚོགས་པའི་ལས་དོན་ལ་གྲངས་འཛིན་ཅན་གྱི་ནུས་པ་འདོན་པ། “རིམ་འཇུག་རིམ་སྤོར”ལ་བརྟེན་ནས“དམངས་ཀྱི་རེ་འབོད་ལ་གྲངས་འཛིན་གྱིས་བརྡ་ལན་ཡོད་པའི”རྣམ་པ་གསར་པ་གཏོད་པ་བཅས་བྱས་ཏེ། ཉིང་ཁྲི་གྲོང་ཁྱེར་གྱི་གྲོང་ཁུལ་གཙོ་བོའི་རིག་ལྡན་ཅན་གྱི་ཁུལ་ཆུང་ཐོག་མ་བསྐྲུན་པ་རེད།

ཏང་འཛུགས་སྐྱོང་ལ་བརྟེན་ནས་རིག་ལྡན་ཅན་དང་དྲ་མིག་ཅན་གྱི་བཅོས་སྐྱོང་མ་ལག་གསར་པར་སྣེ་ཁྲིད་བྱས་ཏེ་ཁུལ་ཆུང་ཁག་མཉམ་འདྲེས་ཡོང་བར་བྱས་ཤིང་། པད་མ་སྒང་ཁྲོམ་གཞུང་གིས་ཁྲོམ་གཞུང་ཏང་གི་ལས་དོན་ཨུ་ལྷན་གྱི་ལས་དོན་ཁང་བསྐྲུན་པ་སྟེ“མདུན་སྣེ་གཅིག་དང་རྒྱབ་སྟེགས་གཅིག་ཟུང་དུ་འབྲེལ་བའི”ལས་ཀའི་མ་ལག་བསྐྲུན་ནས། དྲ་མིག་ལས་དོན་པའི་དྲ་ཐོག་གནས་ཚུལ་དང་ལས་ཀའི་གནས་ཚུལ་དུས་ཐོག་ཏུ་ཁོང་དུ་ཆུད་་པ་དང་། ལྟ་སྐུལ་ཚོད་འཛིན་ཁྱབ་ཁོངས་ཀྱི་ཚུལ་མིན་བྱེད་སྤྱོད་སྣ་ཚོགས་དང་ཐོལ་བྱུང་གནད་དོན་ཆུ་ཚོད་24ཡི་ནང་རང་འགུལ་དབྱེ་འབྱེད་བྱས་ཏེ་ཐོལ་བྱུང་གནད་དོན་ལ་དུས་ཐོག་ཏུ་འཕྲལ་སྡོམ་དང་དུས་ཐོག་ཏུ་ཐག་གཅོད་ཐུབ་པར་བྱས་པ་རེད།

ཏང་ཡོན་གྱི་ཞབས་ཞུ་དོ་དམ་བྱེད་སྟངས་གསར་པ་གསར་གཏོད་བྱས་ཤིང་། རིག་ལྡན་ཏང་འཛུགས་སྐྱོང་གི་བཀོལ་སྤྱོད་བྱེད་སྟངས་བཟོས་ནས། ཏང་རྩ་འཛུགས་ཀྱི་གནས་ཚུལ་མདོར་བསྡུས་དང་། ཏང་ཡོན་གྱི་ཆ་འཕྲིན། ལས་ཀའི་གནས་ཚུལ། ལྟ་སྐུལ་དཔྱད་ཞིབ་སོགས་ཏང་རྩ་འཛུགས་ཀྱི་ལས་སྒོ་བཀོལ་སྤྱོད་བྱེད་སྟངས་ནང་འཇུག་པ་དང་། ཏང་འཛུགས་སྐྱོང་ལས་དོན་དྲ་ཐོག་ཏུ་མངོན་པ་དང་། དྲ་ཐོག་ཏུ་དོ་དམ་བྱེད་པ། དྲ་ཐོག་ཏུ་དཔྱད་ཞིབ་བྱེད་པ་བཅས་ལ་རྒྱབ་སྐྱོར་བྱས་ཏེ། ཏང་རྩ་འཛུགས་དང་ཏང་ཡོན་དབར་དང་། ཏང་ཡོན་དང་ཏང་ཡོན་དབར་དུས་ཐོག་ཏུ་འབྲེལ་བ་དམ་ཟབ་ཡོང་བར་བྱས་ཡོད་པ་རེད།

རིག་ནུས་ལྟ་སྐུལ་ཚོད་འཛིན་ལས་སྟེགས་རིམ་སྤོར་ལ་ཕྱོགས་བསྡུས་བཅོས་སྐྱོང་བྱས་པ་མ་ཟད། ད་དུང་དྲ་མིག་ལས་དོན་པའི་རྒྱུན་གཏན་གྱི་ལས་དོན་ལ་གཞོགས་འདེགས་ཀྱང་བྱས་ཡོད། དྲ་མིག་ཅན་གྱི་དོ་དམ་བཀོལ་སྤྱོད་བྱེད་སྟངས་ལ་བརྟེན་ནས་དྲ་མིག་ལས་དོན་པའི་ཐོབ་ཐང་དང་མིང་སོགས་གཞི་རྩའི་གནས་ཚུལ་མངོན་པར་བྱས་ཏེ། དཔུང་ཁག་གི་མི་དོན་དོ་དམ་ཆ་འཕྲིན་ཅན་དང་། འདུས་གྲུབ་ཅན། གནད་སྨིན་ཅན། ཚད་ལྡན་ཅན་བཅས་ཡོང་བར་བྱས་ཡོད་པ་རེད།