ལྷ་ས་གྲོང་ཁྱེར་མལ་གྲོ་གུང་དཀར་རྫོང་མི་སྤྱི་ཅུས་ཀྱིས་བུད་མེད་ཀྱི་འཁེལ་འཐག་ལག་རྩལ་གསོ་སྦྱོང་བྱས་པ།
ཞིང་དལ་དུས་ཚོད་བེད་སྤྱོད་དེ་བས་ཡག་པོ་བྱས་ནས་འཁེལ་འཐག་ལག་རྩལ་བྱང་ཆུབ་ཏུ་དང་མང་ཚོགས་ཀྱི་ཡོང་འབབ་མང་དུ་གཏོང་ཆེད། ཉེ་ཆར། ལྷ་ས་གྲོང་ཁྱེར་མལ་གྲོ་གུང་དཀར་རྫོང་མི་སྤྱི་ཅུས་ཀྱིས་བཀྲ་ཤིས་སྒང་ཤང་བྱ་ར་མདོ་གྲོང་ཚོར་དུས་ཡུན་ཉིན་60ཡི་བུད་མེད་ཀྱི་འཁེལ་འཐག་ལག་རྩལ་གསོ་སྦྱོང་བྱས་པ་རེད།
མལ་གྲོ་གུང་དཀར་རྫོང་བཀྲ་ཤིས་སྒང་ཤང་བྱ་ར་མདོ་གྲོང་ཚོ་ཨུ་ལྷན་གྱི་སྒོ་ར་ཆེན་པོར་གྲོང་ཚོ་ཡོངས་ཀྱི་བུད་མེད་50ལྷག་ཙམ་གྱིས་འཁེལ་འཐག་དགེ་རྒན་ལ་བརྟེན་ནས་ཀམ་པ་ལི་འཐག་པ་དང་ལ་ལས་སྤུན་དོག་འཁེལ་བ་སོགས་བྲེལ་འཚུབ་ཀྱི་་རྣམ་པས་ཁེངས་ཡོད།