ཁང་པ་ཉོ་སྐབས་གསར་སྤེལ་ཚོང་པའི་དྲིལ་བསྒྲགས་བརྡ་ཁྱབ་ཀྱི་ནང་དོན་ཁས་ལེན་བྱས་རིགས་མ་བསྟར་ཚེ། ཆིངས་འགོ་ལས་འགལ་བ་ཡིན་ནམ།
དོན་ཚན་བཞི་བརྒྱ་དང་དོན་གསུམ་པ། ཆིངས་འགོའི་གདན་ཞུ་ཞེས་པ་ནི་མི་གཞན་གྱིས་རང་ཉིད་ལ་ཆིངས་འགོ་འདོན་རེ་ཡོད་པའི་འདོད་བློ་སྟོན་པ་དེ་ཡིན། ཧབ་འཚོང་སྤྱི་བསྒྲགས་དང་། དམིགས་འགུག་སྤྱི་བསྒྲགས། རྐང་འགུག་གསལ་བཤད། བུན་འཛིན་བསྡུ་རུབ་བྱེད་ཐབས། ཐེབས་རྩ་བསྡུ་འགུག་གསལ་བཤད། ཚོང་ལས་ཀྱི་བརྡ་ཁྱབ་དང་དྲིལ་བསྒྲགས། བསྐུར་སྐྱེལ་བྱེད་པའི་རིན་གོང་རེའུ་མིག་སོགས་ནི་ཆིངས་འགོའི་གདན་ཞུ་ཡིན། ཚོང་ལས་ཀྱི་བརྡ་ཁྱབ་དང་དྲིལ་བསྒྲགས་ཀྱི་ནང་དོན་དེ་ཆིངས་འགོ་འདོན་ པའི་ཆ་རྐྱེན་དང་མཐུན་པ་ཡིན་ན་ཆིངས་འགོ་གྲུབ་པ་ཡིན།
ཁྲིམས་ལུགས་འཆད་སྟེགས།
ཆིངས་འགོ་ནི་མི་གཞན་དང་གན་རྒྱ་འཇོག་པའི་འདོད་བློ་སྟོན་པ་ཞིག་ཡིན་པ་དང་། འདོད་བློ་དེ་བཏོན་པར་གཤམ་གསལ་གྱི་ཆ་རྐྱེན་ཚང་དགོས་སྟེ། (1) ནང་དོན་ཞིབ་ཕྲ་གཏན་འཁེལ་བྱས་པ། (2) ཆིངས་འགོ་འདོན་ཡུལ་གྱི་ཁས་ལེན་ཐོབ་པ་དང་། ཆིངས་འགོ་འདོན་ཡུལ་གྱིས་འདོད་བློ་སྟོན་པ་དེའི་བཀག་གཅུན་འཁུར་དགོས་པའོ།
གསར་སྤེལ་ཚོང་པས་ཚོང་ཟོག་ཁང་པ་བྲིན་འཚོང་བརྡ་ཁྱབ་དང་དྲིལ་བསྒྲགས་ཡིག་ཆའི་སྟེང་ཁས་ལེན་བྱས་རིགས་རྣམས་གཞི་རྩའི་ཆ་ནས་ཆིངས་འགོའི་གདན་ཞུར་གཏོགས་ཤིང་། ཁང་པ་ཉོ་མཁན་གྱིས་རང་ཉིད་ལ་ཁང་པ་ཉོ་བའི་འདོད་བློ་འདོན་རེ་བྱས་པ་ཞིག་ཡིན། དེས་ན་སྤྱིར་བཏང་གནས་ཚུལ་འོག ཁང་པ་ཉོ་མཁན་གྱིས་དོན་དེར་དམིགས་ཏེ་གསར་སྤེལ་ཚོང་པའི་འབྲེལ་ཡོད་འགན་འཁྲི་བདའ་འདེད་གཏོང་ཁག་པོ་ཡིན། གལ་ཏེ་གསར་སྤེལ་ཚོང་པས་ཚོང་ཟོག་ཁང་པའི་གསར་སྤེལ་འཆར་འགོད་ཁྱབ་ཁོངས་ནང་གི་ཁང་པ་དང་དེ་བཞིན་འབྲེལ་ཡོད་སྒྲིག་ཆས་ཐད་གསལ་བཤད་དང་ཁས་ལེན་ཞིབ་ཕྲ་བྱས་ཡོད་པ་མ་ཟད། དེས་ཚོང་ཟོག་ཁང་པའི་ཉོ་ཚོང་གན་རྒྱ་བཟོ་བ་དང་དེ་བཞིན་ཁང་པའི་རིན་གོང་གཏན་འཁེལ་བྱེད་པར་ཤུགས་རྐྱེན་གལ་ཆེན་ཐེབས་ཀྱི་ཡོད་ཚེ། ཆིངས་འགོ་གྲུབ་པར་རྩི་དགོས། དེའི་སྐབས་གལ་ཏེ་གསར་སྤེལ་ཚོང་པས་ཚོང་ཟོག་ཁང་པའི་བྲིན་འཚོང་བརྡ་ཁྱབ་དང་དྲིལ་བསྒྲགས་ཡིག་ཆའི་ཁས་ལེན་གཞིར་བཟུང་མ་སྒྲུབ་ཚེ། ཁང་པ་ཉོ་མཁན་ལ་ཆིངས་འགོ་ལས་འགལ་བའི་འགན་འཁྲི་འཁུར་དགོས།