གྲོ་མོ་རྫོང་མི་དམངས་ཞིབ་དཔྱོད་ཁང་གིས་ཉེས་པ་བསགས་ནས་རག་པའི་བཙོག་དངུལ་སྦས་སྐུང་གྱོད་གཞི་ཞིག་ཁྲིམས་ལྟར་གཞུང་གཏུག་བརྒྱབ་པ།

ཉེ་ཆར། གྲོ་མོ་རྫོང་མི་དམངས་ཞིབ་དཔྱོད་ཁང་གིས་ཉེས་པ་བསགས་ནས་རག་པའི་བཙོག་དངུལ་སྦས་སྐུང་བྱས་པའི་གྱོད་གཞི་ཞིག་ཁྲིམས་ལྟར་གཞུང་གཏུག་བརྒྱབ། ངོ་སྤྲོད་བྱས་པར་གཞིགས་ན། ཉིན་ཞིག་གི་ཉིན་དགུང་། ཞའོ་ཧྲུན(འགྱུར་མིང)གྱིས་QQབརྒྱུད་ཉེ་འགྲམ་གྱི་མི་ཞིག་དང་ཅི་འཕྲོས་མོལ་འཕྲོས་བྱེད་སྐབས་མིང་ལ“ཞའོ་ཐིང”དང་རང་ཉིད“ཞབས་ཞུ་མ”ཡིན་ཟེར་མཁན་བུ་མོ་ཞིག་གིས་ཁོ་པར་སྒོ་རྩར“ཞབས་ཞུ”སྒྲུབ་པར་ཡོང་ཆོག་ཅེས་རང་འགུལ་ངང་བཤད་པ་དང་། ཉེ་ཆར་དོ་དམ་ནན་པོ་ཡོད་པའི་རྐྱེན་གྱིས་ཞའོ་ཧྲུན་གྱིས་ཞིབ་ཕྲའི་ས་ཆ་ཤོད་མ་ནུས་པར་འཕྲལ་མར་རང་ཉིད་གྲོ་མོ་རྫོང་དུ་ཡོད་ལུགས་བཤད་ནས། གཏོང་ཕོད་ཆེན་པོས“རིན་གོང་རེའུ་མིག”ནང་གི“མཚན་གང་ཞབས་ཞུ”ཞེས་པ་བདམས་རྗེས་ཞའོ་ཧྲུན་ད་དུང་སྒུག་བློས་མ་བཟོད་པར་བུ་མོ“ཞའོ་ཐིང”ཡིན་ཟེར་མཁན་དེར་བརྙན་ལམ་ཁ་པར་བཏང་རུང་ཁ་པར་ལེན་མཁན་མེད་པ་དང་ཁོ་མོའི་འདྲ་པར་རེ་གཉིས་འབྱོར།

དོན་དངོས་ཐོག་ཅི་འཕྲོས་མོལ་འཕྲོས་ཤོད་སའི“ཞབས་ཞུ་མ”དང་བརྙན་ལམ་ཁ་པར་གཏོང་སའི་བུ་མོ་དེ་གཞན་གྱིས་བརྫུས་པ་ཞིག་ཡིན་ཞིང་། ཉེས་གསོག་པས་ལག་རྩལ་སྣ་ཚོགས་ལ་བརྟེན་ནས་IPས་གནས་བཟོ་བཅོས་བརྒྱབ་པ་དང་དོན་དངོས་རྫུན་བཟོ་བྱས་ཏེ་རིམ་བཞིན་ཞའོ་ཧྲུན་ལ་བསླུ་བྲིད་ཀྱིས་ཁོ་པའི་ངོ་གདོང་དང་གསང་གནས་ཕྱིར་མངོན་དུ་འཇུག་པ་དང་། ཞའོ་ཧྲུན་གྱི་ཁ་པར་ནས་ཁོ་པའི་ངོ་ཤེས་ཀྱི་ཆ་འཕྲིན་རག་ཐབས་བྱས་ཏེ་ཁོ་པར་བཙན་ཤེད་ཀྱིས་དངུལ་སྒྱུར་དུ་བཅུག་པའམ་བུ་ལོན་གཡར་དུ་འཇུག་གི་ཡོད། སྟབས་ལེགས་པ་ཞིག་ལ་དངུལ་ཁང་གཱ་ཡི་བཅད་གྲངས་ཀྱི་དབང་གིས་དངུལ་སྒྱུར་མཚམས་འཇོག་དགོས་འཁེལ་བས་མཐར་ཁོ་པར་སྒོར་ཁྲི་བཞི་ལྷག་ཙམ་ལས་ཁ་བསླུས་ཐེབས་མེད་པ་རེད།

དེ་ནས་ཁོ་པས་བསམ་བློ་ཡང་ཡང་བཏང་རྗེས་ཉེན་རྟོག་པར་གནད་དོན་དེ་སྙན་སེང་ཞུས། ཉེན་རྟོག་ཕྱོགས་ལ་ཞའོ་ཧྲུན་གྱི་གྱོད་དོན་སྙན་སེང་འབྱོར་རྗེས། གྱོད་གཞི་དེའི་ཞོར་དུ་ལྷ་ས་ནས་མངའ་ཁོངས་ཕྱི་རོལ་གྱི་བསྙད་འདོགས་རྒྱུ་འཕྲོག་བྱེད་མཁན་ཉེས་གསོག་པར་ཉེས་པ་བསགས་ནས་རག་པའི་བཙོག་དངུལ་སྦས་སྐུང་བྱེད་རོགས་བྱེད་མཁན་ཉེས་གསོག་ཚོགས་པ་ཞིག་རྩད་ཆོད་པ་དང་འབྲེལ། གཏེ་པོ་ཝང་ཆེ་གེ་མོ་རྒྱལ་ནང་དུ་རང་ཉེས་ངོས་ལེན་ཞུ་བར་ལོག་རྒྱུའི་ཁ་ཏ་བསླབ་བྱའང་བྱས།

གྲོ་མོ་རྫོང་མི་དམངས་ཞིབ་དཔྱོད་ཁང་གིས་ཉེས་གསོག་དོགས་ཅན་ཝང་ཆེ་གེ་མོ་བཟུང་རྒྱུའི་ཆོག་མཆན་སྤྲད་པ་མ་ཟད། ཝང་ཆེ་གེ་མོ་དང་། ལེའོ་ཆེ་གེ་མོ། ཙེང་ཆེ་གེ་མོ་བཅས་ལ་ཉེས་པ་བསགས་ནས་རག་པའི་བཙོག་དངུལ་སྦས་སྐུང་བྱས་པའི་དོགས་གཞི་ཡོད་པ་དང་ཝང་ཆེ་གེ་མོ་རྒྱལ་མཚམས(མཐའ་མཚམས)ནས་ལྐོག་བྲོས་བྱས་པའི་དོགས་གཞི་ཡོད་པར་གཞིགས་ནས་ཁྲིམས་ལྟར་གཞུང་གཏུག་བརྒྱབ་པ་རེད།

དེ་ཡང་ཝང་ཆེ་གེ་མོ་སོགས་ཀྱིས་དངུལ་ཁང་གཱ་30ལྷག་ཙམ་དང་མ་དངུལ་སྒོར་ཁྲི་180ལྷག་ཙམ་གཡོ་ལེན་བྱས་པ་རེད། གྱོད་གཞི་ཐོན་རྗེས་ཝང་ཆེ་གེ་མོ་ཉེས་གཡོལ་དུ་ལོ་སིར་བྲོས་བྱོལ་ལ་ཕྱིན་པ་རེད།

གྲོ་མོ་རྫོང་མི་དམངས་ཁྲིམས་ཁང་གིས་ཞིབ་དཔྱོད་ལས་ཁུངས་ཀྱིས་ཞུ་གཏུག་བརྒྱབ་པའི་ཉེས་གསོག་དོན་དངོས་དང་ཉེས་ཚད་གཏན་འབེབས་ཀྱི་གྲོས་འགོ་ཚང་མ་དང་ལེན་བྱས་པ་དང་། ཁྲིམས་རར་ཞུ་སྦྱོར་ཕྱི་མ་ཝང་ཆེ་གེ་མོས་ཉེས་པ་བསགས་ནས་རག་པའི་བཙོག་དངུལ་སྦས་སྐུང་བྱས་པ་མ་ཟད། རྒྱལ་མཚམས(མཐའ་མཚམས)ལས་ལྐོག་བྲོས་བྱས་པའི་ཉེས་པ་ཁྱབ་བསྒྲགས་བྱས་པ། ཉེས་མང་སྡེབ་གཅོད་ཀྱི་ཐོག་ནས་དུས་བཀག་བཙོན་འཇུག་ལོ་གསུམ་དང་ཟླ་བ་བཞི་དང་དངུལ་ཆད་སྒོར་ཆིག་ཁྲི་ཆིག་སྟོང་བཅད་པ་རེད།