ཉེ་ཆར། ཆབ་མདོ་གྲོང་ཁྱེར་མི་དམངས་ཞིབ་དཔྱོད་ཁང་དང་ཆབ་མདོ་གྲོང་ཁྱེར་སྐྱེ་ཁམས་ཁོར་ཡུག་ཅུས་ཀྱིས་རྒྱལ་ལམ་G317དང་G318ཀྱི་ཆབ་མདོ་དུམ་བུའི་ལམ་རྒྱུད་ཀྱི་འཚོ་བའི་གད་སྙིགས་དང་སྦགས་བཙོག་ལ་ཆེད་དོན་བཅོས་སྒྲིག་བྱེད་སྒོ་སྤེལ་བའི་དཔེ་མཚོན་གྱོད་དཔེ་ཡོངས་བསྒྲགས་བྱས་ནས། ཞིབ་དཔྱོད་ལས་ཁུངས་དང་སྐྱེ་ཁམས་ཁོར་ཡུག་སྡེ་ཚན་གྱིས་ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་དགོངས་པ་ལག་བསྟར་དོན་འཁྱོལ་བྱས་ཏེ“མཛེས་སྡུག་ལྡན་པའི་བོད་ལྗོངས”འཛུགས་སྐྲུན་ལ་ཞབས་འདེགས་ཞུས་ནས་རྒྱལ་ལམ་G317དང་G318བོད་དུ་སྐྱོད་པའི“ཆེས་མཛེས་སྡུག་ལྡན་པའི་ཡུལ་ལྗོངས་ལམ་ཆེན”དུ་གཏོད་པའི་ཞིབ་ཕྲའི་བྱེད་ཐབས་དང་ལས་ཀའི་ཕན་འབྲས་མངོན་པར་བྱས་པ་རེད།

གྱོད་དཔེ། འཇོ་མདའ་རྫོང་མི་དམངས་ཞིབ་དཔྱོད་ཁང་གིས་རྒྱལ་ལམ་G317ལམ་རྒྱུད་ཀྱི་ཆུ་ཡུར་གྱི་གད་སྙིགས་དང་སྦགས་བཙོག་གི་ཁོར་ཡུག་བཅོས་སྒྲིག་ལ་ལྟ་སྐུལ་བྱེད་པའི་སྲིད་འཛིན་སྤྱི་ཕན་གཏུག་བཤེར་གྱོད་གཞི།

གྱོད་གཞིའི་གཞི་རྩའི་གནས་ཚུལ། ཐང་ཕུ་ཤང་མི་དམངས་སྲིད་གཞུང་ཉེ་འགྲམ་གྱི་གཙང་ཆུའི་ནང་ཡུན་རིང་གི་འཚོ་བའི་གད་སྙིགས་མང་པོ་ཕུང་གསོག་ཐེབས་ཡོང་ཀྱང་ལྟ་འདོམས་བྱེད་མཁན་མེད་སྟབས། ཆུ་ལམ་དང་དེ་བཞིན་ཆུའི་སྐྱེ་ཁམས་ཁོར་ཡུག་ལ་སྦགས་བཙོག་བཟོ་སླ་བ་མ་ཟད། ཆར་དུས་སུ་ཆུ་ལོག་གི་མངོན་མེད་རྐྱེན་ངན་ཡང་ལྡན་པས་ཡུལ་སྐོར་བའི་མིག་ལ་མི་མཛེས་ལ། ཉེ་འགྲམ་མང་ཚོགས་ཀྱི་འཚོ་སྡོད་ཁོར་ཡུག་ལ་ཤུགས་རྐྱེན་བཟོ་བ་དང་སྤྱི་ཚོགས་ཀྱི་སྤྱི་པའི་ཁེ་ཕན་ལ་གནོད་འཚེ་བཟོ་གི་ཡོད།

འགན་འཁྲི་བསྒྲུབས་ཚུལ་ལ་བརྟག་དཔྱད་དང་ལྟ་སྐུལ་བྱས་པ། 2024ལོའི་ཟླ་5ཚེས་25ཉིན། འཇོ་མདའ་རྫོང་མི་དམངས་ཞིབ་དཔྱོད་ཁང་གིས་རྒྱལ་ལམ་G317གྱི་ཆབ་མདོ་དུམ་བུའི་ལམ་རྒྱུད་ཀྱི་འཚོ་བའི་གད་སྙིགས་ལ་ཆེད་དོན་བཅོས་སྒྲིག་དང་ལྟ་སྐུལ་བྱེད་སྒོ་སྤེལ་སྐབས་གོང་གསལ་གནད་དོན་གྱི་ཁུངས་སྣེ་ཤེས་རྟོགས་བྱུང་བ་དང་། 2024ལོའི་ཟླ་6ཚེས་3ཉིན་གྱོད་དོན་ཐོ་འགོད་བྱ་རྒྱུའི་ཐག་བཅད་པ་རེད།

ཐང་ཕུ་ཤང་མི་དམངས་སྲིད་གཞུང་ལ་ཞིབ་དཔྱོད་གྲོས་འགོ་འབྱོར་རྗེས། བཅོས་སྒྲིག་བྱེད་པའི་དུས་བཀག་ནང་ཆེད་དོན་བཅོས་སྒྲིག་བྱེད་སྒོ་སྤེལ་ནས་ཆུ་བོ་གཉིས་པོའི་ལམ་ཐིག་ཧྲིལ་པོར་སྐོར་ཞིབ་བྱས་ཏེ་འཚོ་བའི་གད་སྙིགས་སོགས་གཏན་འཇགས་སྙིགས་རོ་ཏུན་8.32གཙང་སེལ་བྱས་པ་དང་གད་སྙིགས་བླུགས་སྒམ་ཆེན་པོ་གཅིག་བཙུགས་ཡོད། 2024ལོ་ཚུན་དུ། ཆུ་བོ་དང་ནགས་ཚལ་ལ་སྐོར་ཞིབ་ཐེངས་320ལྷག་ཙམ་བྱས་ནས་མི་མངོན་པའི་རྐྱེན་ངན་ཁག་8ལ་གྲལ་བཤེར་བྱས་པ་དང་། ཆུ་ལམ་སྤྱི་ལེ་1.2བཤངས་པ། ཆུ་ལམ་དང་ནགས་ཚལ་ནང་སྒྲིག་འགལ་ངང་གཡུགས་པའི་གད་སྙིགས་སྣ་ཚོགས་ཏུན་39གཙང་སེལ་བྱས་ཡོད།

ཞིབ་དཔྱད་བྱས་པ་བརྒྱུད། ཆུ་བོ་གཉིས་ཀྱི་ཆུ་ལམ་དུ་གཡུགས་པའི་འཚོ་བའི་གད་སྙིགས་ཕྱོགས་ཡོངས་ནས་གཙང་སེལ་བྱས་པ་དང་ཆུ་ལམ་སླར་གསོ་བྱུང་བས། ཡུལ་སྐོར་བ་དང་ཉེ་འགྲམ་མང་ཚོགས་ཀྱི་ཚུར་སྣང་ལན་ཆ་ཡག་པོ་བྱུང་ཡོད་པ་རེད།

དཔེ་མཚོན་གྱི་དོན་སྙིང་། བོད་ཀྱི་ཞིབ་དཔྱོད་ལས་ཁུངས་ཀྱིས་སྤུས་འབྲས་མཐོན་པོས་ཞིབ་དཔྱོད་ཀྱི་འགན་འཁྲི་བསྒྲུབས་པ་བརྒྱུད་གཞི་རིམ་མི་དམངས་སྲིད་གཞུང་ལ་ཁོར་ཡུག་སྲུང་སྐྱོང་དང་ཆུ་ལམ་བཅོས་སྒྲིག་གི་འགན་འཁྲི་ཏན་ཏིག་བསྒྲུབ་པ་དང་། རྒྱལ་ལམ་དང་ཆུ་ལམ་གཙོ་བོ་ཁག་ཏུ་འཚོ་བའི་གད་སྙིགས་སྒྲིག་འགལ་ངང་གཤོ་བའི་གནད་དོན་ལ་ཕུགས་ཕན་བཅོས་སྒྲིག་བྱ་རྒྱུའི་སྐུལ་འདེད་བཏང་ནས། འབྲི་ཆུ་རྒྱུག་ཁུལ་གྱི་སྐྱེ་ཁམས་ཁོར་ཡུག་སྲུང་སྐྱོང་ལ་ཞིབ་དཔྱོད་ཀྱི་འགན་ལེན་བརྟན་པོ་བྱས་པས་སྤྱི་ཕན་གཏུག་བཤེར་ཞིབ་དཔྱོད་ཀྱི་འགན་འཁྲི་གསར་པ་མངོན་ཡོད་པ་རེད།