འདི་ནི་གསོ་སྦྱོང་ནང་ཞུགས་མཁན་མི་དམངས་ཉེན་རྟོག་པས་ཁེ་ལས་སུ་བསྐྱོད་ནས་བཟའ་བཅའ་དང་སྨན་རྫས་ཀྱི་དབྱེ་བཤེར་ལག་རྩལ་སྦྱོང་བཞིན་པ།

ཁོར་ཡུག་དང་། བཟའ་བཅའ། སྨན་རྫས་བཅས་ཀྱི་བདེ་འཇགས་མྱུལ་ཞིབ་སྡེ་ཚན་གྱི་ཕྱོགས་བསྡུས་ནུས་པ་དང་དངོས་འཐབ་ཆུ་ཚད་མཐོ་རུ་བཏང་ནས། ཁོར་ཡུག་དང་། བཟའ་བཅའ། སྨན་རྫས་བཅས་ཀྱི་ཤེས་རིག་བདག་དབང་ཁྱབ་ཁོངས་ཀྱི་ཉེས་གསོག་ལ་རྡུང་རྡེག་དང་བཅོས་སྒྲིག་བྱེད་ཤུགས་ཆེ་རུ་གཏོང་ཆེད། ཉེ་དུས་2024ལོའི་ཉིང་ཁྲི་གྲོང་ཁྱེར་སྤྱི་བདེ་ལས་ཁུངས་ཀྱི་ཁོར་ཡུག་དང་། བཟའ་བཅའ། སྨན་རྫས་བཅས་ཀྱི་བདེ་འཇགས་མྱུལ་ཞིབ་ལས་སྒོའི་རྐང་འཛིན་གསོ་སྦྱོང་བདེ་བླག་ངང་མཇུག་འགྲིལ་བ་རེད།

གསོ་སྦྱོང་བྱེད་རིང་། ཉིང་ཁྲི་གྲོང་ཁྱེར་ནགས་ཚལ་ཉེན་རྟོག་སྡེ་ཚན་གྱིས་གནད་དོན་ཕྱོགས་སྟོན་དུ་འཛིན་པ་དང་། དངོས་འཐབ་དམིགས་ཚད་དུ་བྱས་ནས་ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་དགོངས་པ་སློབ་སྦྱོང་དང་གོ་བ་གཏིང་ཟབ་ལེན་པ་དང་། བཟའ་བཅའ་དང་། སྨན་རྫས། ཞིང་ལས་བཅས་དང་དེ་བཞིན་ཤེས་རིག་བདག་དབང་གི་གྱོད་གཞི་སྒྲུབ་གཉེར་བྱེད་རིང་ཐོན་པའི་ཆད་སྐྱོན་དང་ཞན་ཆ་སེལ་བའི་ཕན་ནུས་ལ་དམིགས་པ་དང་། ཁྲོམ་ར་ལྟ་འདོམས་སྡེ་ཚན་དང་མཉམ་དུ་ཁེ་ལས་ཆེ་གྲས་ཁག་ཏུ་བསྐྱོད་དེ་ལག་ལེན་སློབ་ཁྲིད་བྱས་ནས་མི་དམངས་ཉེན་རྟོག་པའི་ཆེད་ལས་ཤེས་བྱ་དང་དངོས་འཐབ་ནུས་པ་ཆེ་རུ་ཏན་ཏིག་བཏང་ཡོད། ཉིང་ཁྲི་གྲོང་ཁྱེར་སྤྱི་བདེ་ཅུས་ཀྱིས་ཁོར་ཡུག་དང་། བཟའ་བཅའ། སྨན་རྫས་བཅས་ཀྱི་བདེ་འཇགས་མྱུལ་ཞིབ་བྱེད་མཁན་མི་དམངས་ཉེན་རྟོག་པའི་ཆེད་ལས་ལག་རྩལ་གྱི་ལེགས་ཆ་གང་ལེགས་འདོན་པ་དང་། མི་དམངས་ཉེན་རྟོག་པ་སྒྲིག་འཛུགས་ཀྱིས་འཆད་སྟེགས་ཐོག་སྐྱོད་པ། མྱུལ་ཞིབ་བྱས་པའི་ཁོར་ཡུག་དང་། བཟའ་བཅའ། སྨན་རྫས་བཅས་ཀྱི་བདེ་འཇགས་ཁྱབ་ཁོངས་ཀྱི་དཔེ་མཚོན་གྱོད་དཔེར་དབྱེ་ཞིབ་དང་གསེད་བཀྲོལ་བྱེད་པ། གྱོད་གཞི་མྱུལ་ཞིབ་ཀྱི་གསར་གཏོད་འཐབ་ནུས་འགྲེལ་བཤད་རྒྱག་པ་བཅས་བྱས་ནས། གནད་ཀྱིས་ཁྱོན་ལ་ཁྲིད་པ་དང་། ཕན་ཚུན་དཔྱད་གཞིར་འཛིན་པ། དགེ་བླངས་སྐྱོན་སྤང་བཅས་བྱས་ཡོད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་གསོ་སྦྱོང་ནི་དུས་བབ་གསར་པའི་འོག་མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་བྱས་ནས། སྐྱེ་ཁམས་ཁོར་ཡུག་དང་བཟའ་བཅའ་དང་སྨན་རྫས་ཀྱི་ཉེས་གསོག་ལ་རྡུང་རྡེག་གཏོང་བའི་ཁ་ཚ་དགོས་གཏུགས་ཀྱི་་དགོས་མཁོ་ཞིག་རེད་ལ། སྤྱི་བདེ་མི་དམངས་ཉེན་རྟོག་པའི་ཕྱོགས་བསྡུས་བྱང་ཚད་ནུས་པ་ཆེ་རུ་གཏོང་བ་དང་སྤྱི་བདེ་དཔུང་ཁག་གི་ཆེད་ལས་ཅན་འཛུགས་སྐྱོང་ཕྱོགས་སྟོན་དུ་བྱེད་པའི་དངོས་སྒྲུབ་བྱེད་ཐབས་ཤིག་ཡིན་པས། གོམ་སྟབས་རྗེས་མར་ཁོར་ཡུག་དང་། བཟའ་བཅའ། སྨན་རྫས་བཅས་ཀྱི་བདེ་འཇགས་མྱུལ་ཞིབ་ཀྱི་ལས་དོན་སྤུས་ཚད་མཐོ་པོས་སྤེལ་བར་རྨང་གཞི་བརྟན་པོ་བཏིང་ཡོད་པ་རེད།