-
མངའ་རིས་ས་ཁུལ་ཁྲོམ་ར་ལྟ་འདོམས་ཅུས་ཀྱིས།
ཚོང་པ་དང་ཡུལ་སྐོར་བའི་བར་གྱི་འཛད་སྤྱོད་ཀྱི་རྩོད་གཞི་ཞིག་འདུམ་འགྲིག་བྱས་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2024-11-26
འདི་ནི་ཁྲིམས་འཛིན་མི་སྣས་ས་ཡུལ་དངོས་སུ་འབྲེལ་ཡོད་གནས་ཚུལ་ཐག་གཅོད་བྱེད་བཞིན་པ།
ཉེ་ཆར་མངའ་རིས་ས་ཁུལ་ཁྲོམ་ར་ལྟ་འདོམས་ཅུས་ལ“12345”ཡི་གྲོང་དོན་ཐད་སྦྲེལ་ཁ་པར་གྱིས་བསྒྲུབ་རྒྱུར་སྤྲད་པའི་ཡུལ་སྐོར་བའི་ཞུ་གཏུག་ཅིག་འབྱོར། དེའི་ནང་ཡུལ་སྐོར་བས་རིག་གནས་ལམ་སྲིད་འཛིན་ཀུང་ཧྲུའུ་ཐང་ཆེན་གྱི་ཁ་སྤྲོད་དུ་ཡོད་པའི་ཡིག་རིས་བརྡ་ཆའི་ཚོང་ཁང་ཞིག་ཏུ་ཡིག་ཆ་པར་སློག་རྒྱག་སྐབས། ཕྱོགས་གཉིས་པོའི་སྐད་ཆ་ཤོད་སྟངས་ཀྱིས་རྐྱེན་པས་སྦྱིན་བདག་དེས་པར་སློག་བརྒྱབ་མེད་པ་རེད།
ཞུ་གཏུག་འབྱོར་རྗེས་ཁྲོམ་ར་ལྟ་འདོམས་ཅུས་ཀྱིས་འཕྲལ་མར་བདག་སྤྲོད་བྱས་པ་མ་ཟད། ཁྲིམས་འཛིན་མི་སྣ་སྒྲིག་འཛུགས་བྱས་ནས་བརྟག་དཔྱད་ཞིབ་དཔྱད་ཀྱང་བྱས་ཤིང་། ཚོང་པའི་ས་ནས་ཞུ་གཏུག་གི་གནས་ཚུལ་ཞིབ་ཕྲ་རྒྱུས་ལོན་བྱས་རྗེས་འཛད་སྤྱོད་པ་དང་ཡང་འབྲེལ་བ་བྱས་ནས་གནས་ཚུལ་ངོ་མ་གཏན་འཁེལ་བྱས། བདེན་མིན་ཞིབ་དཔྱད་བྱས་པ་བརྒྱུད། ཡུལ་སྐོར་བས་འགྲེལ་བཤད་ཡང་ཡང་བརྒྱབ་ཀྱང་ཚོང་པའི་རྣམ་འགྱུར་ཧ་ཅང་ངན་པོ་ཡོད་པ་མ་ཟད་པར་སློག་ཀྱང་མ་བརྒྱབ་པས། མཐར་ད་ཐེངས་ཀྱི་ཞུ་གཏུག་དོན་རྐྱེན་དེ་ཐོན་པ་རེད།
དེས་ན་ཁྲིམས་འཛིན་མི་སྣས་ཚོང་ཁང་གི་སྦྱིན་བདག་ལ་སྐྱོན་བརྗོད་སློབ་གསོ་བཏང་ཞིང་། ཁོ་པས་ཀྱང་སླད་ཕྱིན་གནས་ཚུལ་དེ་རིགས་མ་ཐོན་པ་བྱེད་རྒྱུའི་ཁས་བླངས་པ་དང་། ཡུལ་སྐོར་བ་ཡང་ཐག་གཅོད་བྱས་འབྲས་ལ་བློ་ཡིད་ཚིམ་པོ་བྱུང་བ་རེད།