ཉེ་ཆར་བོད་ལྗོངས་མེ་ཟོན་རོགས་སྐྱོབ་སྤྱི་ཁྱབ་རུ་ཁག་གིས“གངས་ལྗོངས་ཀྱི་མེ་སྔོན། ཇོ་མོ་གླང་མའི་འགྲན་བསྡུར”ཞེས་པའི་དངོས་འཐབ་ཅན་གྱི་དམག་སྦྱོང་དྲག་རྩལ་འགྲན་བསྡུར་སྐབས་གཉིས་པ་ལྷ་སར་མཇུག་འགྲིལ་བ་རེད། ད་ཐེངས་དྲག་རྩལ་འགྲན་བསྡུར་གྱི་དུས་ཡུན་ཉིན་4ཡིན་པ་དང་རིགས་ཆེ་གྲས་གསུམ་གྱི་འགྲན་བསྡུར་རྣམ་གྲངས་14བཀོད་སྒྲིག་བྱས་ཡོད་ཅིང་། གྲོང་ཁྱེར(ས་ཁུལ)7གྱི་འཐུས་མི་རུ་ཁག་9དང་རུ་མི་306གིས་དཔའ་ངར་ཆེན་པོས་སྔོན་ཐོན་བརྩོན་ལེན་དང་འབད་འབུངས་ཡར་བརྩོན་གྱིས་དམག་མི་དང་པན་དང་ཚོགས་ཆུང་གི་རྣམ་གྲངས་སོགས་ལ་དམིགས་ནས་ཛ་དྲག་པའི་འགྲན་བསྡུར་བྱས་ཡོད། འདི་ནི་པན་དང་ཚོགས་ཆུང་གིས་མཉམ་དུ་མེ་གསོད་རོགས་སྐྱོབ་བྱེད་བཞིན་པ།